Mark 4:8 - ASII LAKDAP Bible (BSI)

⁸ Shatmaq, tsamlai wiijam ka hiqngam ngam ba na chato. Kriiti ka aheawiq maq cham raüta, jonglu wanto. Krai mren, tsamnyam nyamshi wiili tsamrai ka rairoqtsam, wiijam na rairoqtrok, kiimaq wiijam na rairoqshishi she dong man wanto.”

Hawa Naga Bible 2001

⁸ Yuq muinz vlix vbez kuex ghaq hvlx nuex dvy tueq, kvruex kuex kemz wvnc ruiux yungx luz wvnc vtueq wvyvmc kuex mvnrok thuimx, rok tvruk, wvyvmc kuex shashiz vthuey vngoz paung wvnc tueq,” ngoz tueq.

Muklom

⁸ Etharin chamtey tey uli tang tha haq qhal haq na qhatta, etho hap eq cha eq tingo ta: chamtey tey bang na roktom, chamtey tey bang na roktharok etho chamtey tey bang na shashey tingo ta.”

Mark 4:8 Referencias Cruzadas

RAPHA HIQWA LAK 26:12

Isak raq kra mung na tsam lai wanto. Raüta kra rawii apaiq raq tsam ka alai ümchuwa wantaq kriithaq na aliip shishi rongboq jutto. Jamkhano ngukla Tatiwe raq apaiq ma shiimanto.

ISAIA 58:1

Tatiwe raq ngutlo, “Tiihong laüta agilülü riimlaq! Isengi Israilnok ma tsangshiq ngarai thun kra chongkuqlaq!

JEREMIA 23:29

Ibomtsi ka waniitu ikha. Kiimaq sintupo ikha longkaü thun tiibun buktlo.

Matthew 13:23

Kiimaq tsamlai hiq win ba na arok kriika, maiq ümriiti riiwa Shiikeawe bomtsi ka tai raüta, atak riiwan tlaq, kriiti ka shiiton tlo. Raüta, kamasham rilung na atsi ango pahea dong man tlo. Raüta tsamnyam nyamshi niili tsamrai ka shishi shi, rairoq trok kiimaq rairoqtsam dong mantlo.”

Matthew 13:8

Shatmaq tsamlai wiijam ka hiq awin wiq ba na rokto. Krai mren tsam ka aheawiq dong manto. Kiiwa tsamnyam wiijam na, nyamshi niili rai shishi shi dongto. Kiimaq tsamnyam wiijam niika, nyamshi niili rairoqtrok rok dongto. Kiimaq tsamnyam wiijam niika, nyamshi niili rairoqtsam tsam dongmanto.”

Mark 4:20

Shatmaq, maiq wiijam ka tsamlai hiq ngam na arok ikha. Tsangshiq raq bomtsi ka taitlo. Raüta langtlo. Kiimaq atsi ango riiwan tlo. Wiijam raq rairoqtsam, wiijam raq rairoqtrok kiimaq wiijam raq rairoqshi shi she tsi ngo tlo.”

Mark 4:7

Tsamlai wiijam ka shukrü chongkam mong na rokto. Kra ariikam chong wa, shukcham setiim ka pong wan nongto. Raüta tsamcham ka, tiijong lap mak maq, sang raq kaqbaiqto. Raüta tsam ka dong man kimak miili she mokito.

Mark 4:9

Raütiishe, Jesuq raq abom ka akha shatto, “Juwa ni asi, kriiti raq tiitsang tai ronglaq!”

Luke 8:15

Tsamlai hiqngam ba na arokti ka ara. Maiq ümriiti riiwa, Shiikeawe bomtsi ka tai raüta, tsan mong na tiitsang dada maq rümtlaq, raüta thaq mak phan maq lang tlaq kra chongtlo. Raüta, atsi ango ka dong mantlo.”

Luke 8:8

Shatmaq, tsamlai wiijam ka hiqngam na rokto. Krai mren, tsam cham ka aheawiq jong lu wanto. Raüta, tsam ka aheawiq dong man wanto. Raüta tsamnyam nyam nyamshi niili tsamrai ka rai shishi dong manto.” Ara chongkuq raütiishe, Jesuq raq abom ka akha shatto, “Juwa ni asi, kriiti raq tiitsang tai ronglaq!”

John 15:5

“Ngi ahata spiqraü chong. Namshiq ka i kü i ko thun. Juwa i dü na chamshat maq sitlaq, kriiti raq atsi ango, pahea mitsi ngo. Ngi ahü miika, namshiq raq jamlai phan jaqsham min lot man.

John 7:17

Maiq ümriiti riiwa Shiikeawe raq athithi na jaqsham kli lungwii tlaq, kriiti raq ara ngi raq shrinkuq tiikang traho bomtsi arka, Shiikeawe aming miisha chongkuq tiikang, sha ngi raq maiqmii arang miiwa chongkuq tiikang, kra mitak lot.

Acts 17:11

Riita Berea chela na siti ka Thesalonia na siti nam ma phanshi tsan ka anin linlin riito. Tsangshiq raq Paul nai Silas raq tsütsa chongkuq tlaq kriika sanglili hea maq tsangshiq tsan atsi maq tiitsang taito. Kiimaq ranaiqtek Asii lakdap wa Paul raq chong kuq tlaq bomtsi ka tengtlaq dea sha nguta, tsangshiq raq sidi phat wan lili riito.

Ephesians 2:21

Apaiq kli, arjam ara tiipha chang khamla we. Kiimaq, arjam arka asii shomjam, Tatiwe ma alu na akuq jam. Ara tiijong luwanti we ka Khristo kli.

Philippians 1:11

Krai mren, namshiq rilung ka, Jesuq Khristo pülii ahea awa rong arai ngu tu petsi chong ikha miraq. Kra chongtiikai petsi tu kriika, Khristo riitiq dongdii tiitsi ngo chang. Kra maiqse raq chhi raüta, Shiikeawe khushü mitiijong. Raüta, Shiikeawe klishe mishomra wan.

Colossians 1:6

Ara chongtiikai Tsütsa Ahea raq mangjong tlotli na nyam rat wanto she. Raüta mangjong maiqse pahea raq achu shiiman lap wan tlo. Arka man na namshiq phong na, aphaji na namshiq raq Shiikeawe kaphap mangchan ka atinkhan jonghea sitlo nya nguta sap lan ikha, raüta namshiq phong na nyam wantaq ikha, ümchaü min, nanok sang amang mung ahin liipan niishe nyam wan tlo.