Mark 4:7 - ASII LAKDAP Bible (BSI)

⁷ Tsamlai wiijam ka shukrü chongkam mong na rokto. Kra ariikam chong wa, shukcham setiim ka pong wan nongto. Raüta tsamcham ka, tiijong lap mak maq, sang raq kaqbaiqto. Raüta tsam ka dong man kimak miili she mokito.

Hawa Naga Bible 2001

⁷ Vbez kuex shuiuq ruix rumz nuex dvy tueq, shuiuq jungx htenc kuex yungx wvnc vtueq vwuinc vruez htenc kuex luimz wvnc ningkhvnc vthuey thuey lot muq.

Muklom

⁷ Chamtey tey uli tha su thamna qhatta, etho eshi tang tha tat phuk eq chaa atho sutham they qhipchak eq ti ta etho pol abang tha tingo moq angta.

Mark 4:7 Referencias Cruzadas

JEREMIA 4:3

Tatiwe raq Juda mungti ma nai Jerusalemti ma akha ngutlo, “Namshiq wak phu maq thaihü thun kra athei ronglaq. Namshiq raq tsamlai ka shukrü mong na naq wan rongkiq.

Matthew 13:22

Tsamlai kiimko rang babaiqhü ba na arokti kriika, maiq ümriiti riiwa Shiikeawe bomtsi ka tai raüta kamtsantsii ka thü wantlaq. Shatmaq mangjong han-ngam miitu chapa sang ka cham wan raüta kiimaq tsiiq nai nyam ma ranphan tsantsii sang kra cham raüta, tsangshiq kamtsantsii ka tiijong lap mak kaqbaiq tlo. Kriikha miishe tsangshiq kamasham rilung ka atsi ango min ahü miili she mokitlo.

Matthew 13:7

Kiimaq tsamlai wiijam ka kiimko rang babaiqhü ba na rokto. Krai mren kiimko rang ka song wan nong raüta, tsamcham thun ka wiita tiijong lap mak kaqbaiqto.

Matthew 13:8

Shatmaq tsamlai wiijam ka hiq awin wiq ba na rokto. Krai mren tsam ka aheawiq dong manto. Kiiwa tsamnyam wiijam na, nyamshi niili rai shishi shi dongto. Kiimaq tsamnyam wiijam niika, nyamshi niili rairoqtrok rok dongto. Kiimaq tsamnyam wiijam niika, nyamshi niili rairoqtsam tsam dongmanto.”

Mark 4:6

Shatmaq, tsamrang ka hiqmong na atsaü wamak dea riito. Kriikha maq, rakii raq tsamcham thun ka chaq baiqto. Krai mren tsamcham ka wiita tsaikito.

Mark 4:8

Shatmaq, tsamlai wiijam ka hiqngam ngam ba na chato. Kriiti ka aheawiq maq cham raüta, jonglu wanto. Krai mren, tsamnyam nyamshi wiili tsamrai ka rairoqtsam, wiijam na rairoqtrok, kiimaq wiijam na rairoqshishi she dong man wanto.”

Luke 12:15

Kra ngu raütiishe, Jesuq raq tsangshiq tarü ma akha chongkuqto, “Sükha ramho kharü mong na dea man chang miitu, honkamshat maq si rong laq. Ara jamkhano chongtiikang ngukla, riikhaqli maiqse rilung ngutlaq kriika, ajaq na tsiiq anyam rüm tlaq, kra lamlam li ka riimak. Apaiq ka ümtinkhan chiithe we li jiimin ümriilaq.”

Luke 21:34

“Namshiq ka honkam shat maq si rong laq! Namshiq ka che nyang dungsea peosea na nai mungkang han-ngam miitu chapasea niili ka, naqmo chü rongkiq. Kra Ranaiq raq namshiq ka

Luke 8:14

Tsamlai wiijam kiimko rang babaiqhü ba na arokti ka ara. Maiq ümriiti riiwa Shiikeawe bomtsi ka taitlo. Shamtaq, mangjong han-ngam miitu chapa tlaq kriiraq, kiimaq tsiiq nai nyam ma ranphan tlaq kiimaq mangjong han-ngam peo lam phan tiima tsantsii kriiraq kaqhotlo. Raüta, tsangshiq kamtsantsii ka tsingo mak bikitlo. Kriiti ka tsamlai shuk cham mong na arokti maq shiiton tlo.

Luke 8:7

Kiimahali tsamlai wiijam ka kiimko rang babaiqhü ba na rokto. Krai mren kiimko rang ka song wan raüta, tsamcham thun ka wiita tiijong lap mak miili she kaqbaiqto. Raüta tsam ka dong manki mak she mokito.