Mark 4:8 - Muklom

⁸ Etharin chamtey tey uli tang tha haq qhal haq na qhatta, etho hap eq cha eq tingo ta: chamtey tey bang na roktom, chamtey tey bang na roktharok etho chamtey tey bang na shashey tingo ta.”

ASII LAKDAP Bible (BSI)

⁸ Shatmaq, tsamlai wiijam ka hiqngam ngam ba na chato. Kriiti ka aheawiq maq cham raüta, jonglu wanto. Krai mren, tsamnyam nyamshi wiili tsamrai ka rairoqtsam, wiijam na rairoqtrok, kiimaq wiijam na rairoqshishi she dong man wanto.”

Hawa Naga Bible 2001

⁸ Yuq muinz vlix vbez kuex ghaq hvlx nuex dvy tueq, kvruex kuex kemz wvnc ruiux yungx luz wvnc vtueq wvyvmc kuex mvnrok thuimx, rok tvruk, wvyvmc kuex shashiz vthuey vngoz paung wvnc tueq,” ngoz tueq.

Mark 4:8 Referencias Cruzadas

Matthew 13:23

Etho jaqhal haq na qhat aa uli sha iri miq mal, bara Shkewa raaq tat aa etho sam eq aa, ning aa bangti tingo kot aa; chamtey tey shey pangshashey, chamtey tey shey pang roktharok etho chamtey tey shey pang roktom kot aa.”

Matthew 13:8

Chamtey tey uli tang tha haq qhal haq na qhatta, etho ubang tha jong eq tingo ta! Chamtey tey bang na shashey, chamtey tey bang na roktharok, etho chamtey tey bang na roktom tingo ta.”

Mark 4:20

Etharin chamtey tey miqtang raa pik qhalna qhatta iri uli tha mal. Ning aa Shkewa tung aa raaq tat eq, kam aa etho tingo ang aa; chamtey tey roktom, chamtey tey roktharok etho chamtey tey shashey tingo aa.”

Mark 4:7

Chamtey tey uli tha su thamna qhatta, etho eshi tang tha tat phuk eq chaa atho sutham they qhipchak eq ti ta etho pol abang tha tingo moq angta.

Mark 4:9

Etho Jesu aa raaqshiton tha sey thun batta, “Utang ma naq atha, tat inn!”

Luke 8:15

Etho haq qhal náng qhat ta uli sha irimal miq, bara jaqhal miq asing wang tin eq tat aa etho jaqhal eq shing aa etho eshiwang li qhal thalat chey ro ang aa.”

Luke 8:8

Chamtey tey uli tang tha haq qhal haq na qhatta, ubang tha jong eq tingo ta, shashey nángduk thok ti ta.” Etho Jesu aa tathun batta, “Utang ma naq atha, tat inn!”

John 15:5

“Nga suti bang, nim uking uphak. Utang i tinmong na tong aa etho nga piq tinmong na tong ang, piq sha daqhan tingo na, chammatakoi nga wang nim taphal inn jo chamtho jin somlo min ang inn.

John 7:17

Utang miq eq Shkewa tinuk wang kat ma ta ajo piq aa nga Shkewa ching wang tatal bat ang tia iching ko wang tatal bat ang sha ning aa usam eq na.

Acts 17:11

Iri miqtang raa thessalonica Jehudi miqtang wang utat tey angta chammatakoi ning rapney ram eq Paul raaq tatta etho piq raaq raa asing ta salwet Asang likwit na bita.

Ephesians 2:21

Piq o hun thaji sha kashey o rum eq Teyhungwa o ashey asang rangnuk him ma ang aa.

Philippians 1:11

Nim rollung na asing tingo sha Jesu Khristo wang thu tapha sha nim jaktung na shey ching. Iri wang Shkewa ma tasapsey nia phun amun kapna.

Colossians 1:6

Iri tungtang qhal raaq raa nim jaktung na phanchan ta etho ira thaji mingkang na sunmaan kot eq taphal ang aa, etho cha chey ro ang aa; eshimal hun bari saal wang nim aa tat tin etho asing wang Shkewa ráng manchan tha singsam tin, nim jaktung na tho irimal hun angta.