Mark 4:15 - ASII LAKDAP Bible (BSI)

¹⁵ Maiq wiijam ka tsamlai lamjong na arok kiikha, tsangshiq raq Shiikeawe bomtsi ka tairili, Thawe ka waraüta, tsangshiq tsan mong wa, Shiikeawe bomtsi kra tsunsiq tlo.

Hawa Naga Bible 2001

¹⁵ Miq vbez kuex lvmx nuex vdvy vlix htenc rulc rv-ngvlc yaq, tsuingshiq rueq bomjungc kuex tay wvnc shuex nuex dvyx, Satan kuex kaz vtueq tsuingshiq nuex vwuinc bomjungc kuex tvdung lvmz kuq gay tueq.

Muklom

¹⁵ Chamtey tey miqtang tha lam na qhakta uli tang tha mal; ning aa Shkewa tung aa raaq tha tat eq kalo hun Thangwa thu eq eshi raaq tang sha som chuwan aa.

Mark 4:15 Referencias Cruzadas

RAPHA HIQWA LAK 19:14

Kiijiishe Lot ka achai wenai ma jawan chang ase nai kra lamti phana kito. Raüta akha nguto, “Jaqlo kotsi tiido ronglaq. Lanta ara chela arwa tiijintlo ronglaq. Tatiwe raq ara hiq ara atiithen she mirbaiq.” Shatmaq tsangshiq raq apaiq ka atiitsa bomtlo ngutli tiimato.

ISAIA 53:1

Mungmaiqse raq treto, “Ümchaü naishiq raq tiitai chongtiikai ka juro mikam wan lot? Juro Tatiwe jaqsham ka arjaq chhi wanta?

JEKERIA 3:1

Jangshi ri hali Tatiwe raq ngi ma Ramwe Jongwe Joshua ka Tatiwe rase khaki na chapraü tiichhikuqto. Kiimaq Joshua ma jaqtsi nü na Thawe kiimin Joshua tiishut miitu chapraü chhikang.

Matthew 13:19

Maiq ümriiti riiwa Ramungtan ka saükito nguta tsütsa ahea bomtsi chongkuq tlaq kra tai tlaq, shatmaq tak mak maq sitlaq, kriiti ka tsamlai lamjong mong na arok kiikha nguta chongtlo. Abi Thawe wa raüta, bomtsi ka tsangshiq tsan mong wa tsunhit lishe tsunsiq tlo.

Matthew 22:5

Shatmaq wanhea raüpot lapjetinok thun riika poi lom wa dam ka shümü mak shipoq baiqto. Tsangshiq ka maiqmii jaqsham mintsa kiijiili she mochii kito. Maiq wiijamti ka tsangshiq wak na kihoto; kiimaq maiq wiijamti ka tsangshiq kat tangkai khoti kiho wito.

Matthew 4:10

Kiijiishe Jesuq raq treto, “Thawe ümniika tiibin tlo laq! Asii bomtsi na, ‘Tati Shiikeawe kli shomnoq laq, kiimaq apaiq kli shreng laq!’ nguta chongtlo.”

Mark 4:14

Tsamlai wanti we ngutlaq arka, Shiikeawe bomtsi chongketi we.

Mark 4:16

Maiq wiijam ka tsamlai longrong na arok ikha, Shiikeawe bomtsi ka tairili, chochikhiq maq tao tlo.

Mark 4:4

Apaiq raq tsamlai wanwan tlaq kiiwa, wiijam ka lam na rokto. Kriika wushi raq tsunsiqto.

Luke 8:12

Tsamlai lamjong na arokti ka ara; Kriika maiq ümriiti riiwa Shiikeawe bomtsi ka tai tlo; shatmaq tsangshiq raq Shiikeawe ma kam raüta tiichhii wan jiiq nguta, Thawe raq Shiikeawe bomtsi achongkuq kra, tsangshiq tsan mong wa akhot riibaiq tlo. Raüta tsangshiq ka Shiikeawe bomtsi ma tiikam mak, tangta baiq tlo. Raüta tsangshiq ka tiichhii wan lot mak she riitlo.

Acts 17:32

Riita Paul raq maiq ka amaa wa dong wan bomtsi chongke kra tsangshiq raq tai raüta sanha, tsangshiq phong wa maiq wiijamti riika, Paul ka anaiküli she riito. Shatmaq, maiq wiijamti riika, “Naishiq ma ara bomtsi arka jangshi ri tiq chongkuq nonglaq,” ngutli treto.

Acts 5:3

Kiijiishe, Petar raq apaiq ma waito, “Ananias, ümniiraq namnai tachong hupsam hiqphu sha lanta, kra sha kampho wa khoko ka ümniirii thüho raü, khokoli kuq laüta, Asii Wenyi ma wiita kuqkang nguta arot chong miitu, ümtsantsii ka Thawe thongkhiiq na jaram wa rongki laü?

2 Corinthians 2:11

Kra mra diikuq tiikang kriika, Thawe raq nashiq khu thaq na, ajaqkaiq maq sham mak chang miitu, diikuq tiikang. Jamkhano ngukla, nashiq raq apaiq hon aja ka asap i.

2 Thessalonians 2:9

Kra Thawe ka Soitan ningkun ho raüta misaüki. Raüta, apaiq raq maiqse tiiwang chang arot jaqsham pahea misham. Kiimaq maiq mao chang jaqsham min pahea mitiichhi kuq.

Hebrews 12:16

Namshiq phong wa, jumin Esau kiikha ashe sethoq naq jaq rongkiq. Kiimaq, Wenyi hupsam ka thiihü ma naq tiija rongkiq. Esau riika, apaiq chhikhu we arang achu shiiman ka, aramtsi ma dungja dase miitu shaphaq baiqto.

Hebrews 2:1

Ara chongtiikai arkha maq, nashiq raq tai kai tengman tlaq bomtsi ka, tsan na tiitsang shat maq rüm laita lang rong i. Akha si riihai jiika, nashiq rilung na jamlai phan rathaiq rahai saü raü min, nashiq ka tiimeshi lot mak miraq.

1 Peter 5:8

Honkam shat rong laq! Khekham si ronglaq! Namjaqti, Thawe ka, namshiq tro na ashi ra kaqphaq hoha jaq nguta, hangsi kaü ikha, agam agu wa la, khum tlo.

Revelation 12:9

Kra ajong pinthum prenkaü ka, man niiwa paükaü nguta sitaq kriili. Apaiq ka Thawe riimak la Soitan ngutiimin ngutlo. Apaiq raq mangjong maiqse tlot li laolii wanto. Apaiq ka ra wa mangjong hiq na, akongti asengi rasekong rai tiidea baiqto.

Revelation 20:10

Kiijiishe tsangshiq laoti Thawe ka ngamthaiq kaü nai arot shammi we tiidea baiq chang nyiimwin walü ikha watum lü rai tlaq kiijaq mitiidea baiq. Kiijaq tsangshiq ka ranaiq rawa pattup pat-sa she mitiichamchao wan.

Revelation 20:7

Rawii hingshi kra thum jai miishe, Soitan ka phaqtek mong wa adü she mirbaiq nong.