Mark 4:15 - Muklom

¹⁵ Chamtey tey miqtang tha lam na qhakta uli tang tha mal; ning aa Shkewa tung aa raaq tha tat eq kalo hun Thangwa thu eq eshi raaq tang sha som chuwan aa.

ASII LAKDAP Bible (BSI)

¹⁵ Maiq wiijam ka tsamlai lamjong na arok kiikha, tsangshiq raq Shiikeawe bomtsi ka tairili, Thawe ka waraüta, tsangshiq tsan mong wa, Shiikeawe bomtsi kra tsunsiq tlo.

Hawa Naga Bible 2001

¹⁵ Miq vbez kuex lvmx nuex vdvy vlix htenc rulc rv-ngvlc yaq, tsuingshiq rueq bomjungc kuex tay wvnc shuex nuex dvyx, Satan kuex kaz vtueq tsuingshiq nuex vwuinc bomjungc kuex tvdung lvmz kuq gay tueq.

Mark 4:15 Referencias Cruzadas

Matthew 13:19

Lam na qhat aa uli sha iri miq mal, bara rangmungtan raaq tat aa, etha otho sam moq. Thangwa thu eq ning tin mong na chamli kheyta tha, som chuwan na.

Matthew 22:5

Etharin winwa tang tha uwang angma nuk moq angta etho araltey tang miq mama pik náng thong kata etho araltey tang tha thangsang náng thong qhing chuwang ta.

Matthew 4:10

Jesu aa thawel batta, “Thangwa, i rel wang chuwang u! Asang likwit na bat aa, ‘Teyhungwa ba Shkewa sha hun nang aa shumnuk ching etho piq jaksom sha hun somlo ching.’”

Mark 4:14

Uli wontey miq shey eq Shkewa raaq sha won aa.

Mark 4:16

Chamtey tey miqtang sha long na qhatta uli tang tha mal. Ning aa Shkewa tung aa raaq sha tat eq rapney sungrang aa.

Mark 4:4

Piq aa pikna uli tang tha won chey atho, chamtey tey uli tang tha lamna qhat ta etho wo tang thu eq tun tu chakta.

Luke 8:12

Lam na qhatta uli tang sha irimal miq, barey tat aa, etharin Thangwa thu eq ning bara raaq tatta tha, han eq lun moq angma ning tin mong wang latsom chuwan aa.

Acts 17:32

Baluk o ning aa utik wang weyjey raaq tat eq, chamtey miq eq piq tha tikngit ta, etharin adak miqtang aa batta, “Í aa iri raaq raa baching wang wey tat eq ni.”

Acts 5:3

Peter aa piq ma batta, “Ananias, nang aa batin tha Thangwa ma tashey kot eq, Asang Tsija tha chamma dip tu etho haq thang amaan tha chamma shing tu?

2 Corinthians 2:11

Irimal ang eq Thangwa hiqtang sha jin taqhat phamin angpha ni. Chammatakoi hiqtang aa piq tinthin sha sammi ta ang moq.

2 Thessalonians 2:9

Eshi miqshit miqwa sha thangwa jaksom jamoq tarong wang kapha na, etho thaji alik tarong nia patja jaksom somlo na.

Hebrews 12:16

Sathuk miq etha ang moq o Esau mal rangwa nuktey ang ching ang moq, piq aa jukshey phaksat rangma phokho wa sunmaan sha shingchak ta.

Hebrews 2:1

Eshirangma hiqtang aa tat ti raaq tang sho ahan tin kot ching, irimal ang ajo hiqtang adak lam náng ka mi ang ni.

1 Peter 5:8

Rangtun eq kacha eq tong inn, chammatakoi nim ralwa thangwa shaq mal lingqhing eq ngil aa etho utang sha chung wang táng ta bi chey aa.

Revelation 12:9

Ajong puchapak tha urangkamwa tang jamoq mingkang náng bichak ta. Piq aking pu bara thangwa tha etho Satan ta thaming ta, etho piq aa thaji mingkang sha dipkup ta.

Revelation 20:10

Etho ning diptey Thangwa tha wal nia sulfur tìm shina bichak ta, eshina jatngam nia alik rangsamal sha tho jakho bichak seq ta; etho ning tsamnang tha rangpal rangwung pattuk angna.

Revelation 20:7

Baluk o pang hayat sey ang ajo Thangwa sha chuk wang qhap chakna.