Mark 4:16 - ASII LAKDAP Bible (BSI)

¹⁶ Maiq wiijam ka tsamlai longrong na arok ikha, Shiikeawe bomtsi ka tairili, chochikhiq maq tao tlo.

Hawa Naga Bible 2001

¹⁶ Miq vganc kuex lung htauk nuex dvy tueq vlix rulc rv-ngvlc yaq. Tsuingshiq rueq bomjungc kuex tay shauk rac dvyx vkoz vkez maq lvp wvnc tueq.

Muklom

¹⁶ Chamtey tey miqtang sha long na qhatta uli tang tha mal. Ning aa Shkewa tung aa raaq sha tat eq rapney sungrang aa.

Mark 4:16 Referencias Cruzadas

Matthew 13:5

Kiimaq tsamlai wiijam ka longpen kaü raikhü na rokto. Kiijaq hiqngam ka apiseli riito. Hiqngam ka apiseli kha maq tsamlai ka jaqlo liipan niili chamto.

Mark 4:15

Maiq wiijam ka tsamlai lamjong na arok kiikha, tsangshiq raq Shiikeawe bomtsi ka tairili, Thawe ka waraüta, tsangshiq tsan mong wa, Shiikeawe bomtsi kra tsunsiq tlo.

Mark 4:17

Shatmaq, tsangshiq tsan mong na atsaü shang mak dea. Kriikha maq, alu tsing mak. Tsangshiq raq Shiikeawe bomtsi ma kamwan kha na, chamchao litkot akhing she saü raüla, Shiikeawe ma kamwan tsii ka athaq she riibaiq tlo.

Mark 6:20

Herod raq Khamlamketi we Johan ka, mitting maiqse kiimaq kechu maiqse dea ngutiika asap. Krai mren, apaiq ka Johan ma ahaisi ka asi. Kriikha maq, apaiq raq Johan ka phaqtek na, tiiwong kuq shatmaq maq shaq raüta thüto. Apaiq raq Johan traho bomchong kewan kriika tairo tlo. Shatmaq, tai tlaq tek na, atsan mong na kai kotsirak wan lili riitlo.

Luke 8:13

Tsamlai longrong hiawia na arokti ka ara. Maiq ümriiti riiwa Shiikeawe bomtsi ka tai raüta, chochikhiq maq lang tlo. Shatmaq, tsangshiq tsan na arang ka atsaü maq cham mak dea. Tsangshiq kam- tsantsii ka jaqlose miitu li sitlo. Krai mren, maitai chamchao akhing saü tlaq ranaiq na, tsangshiq kamtsantsii ka achhan riiwan tlo. Kriiti ka tsamlai longrong hiawia na arokti maq shiiton tlo.

John 5:35

Johan traho bomchong ka namshiq ma wanii tu. Kra tai lanta namshiq ka chochi wan lan ihata. Namshiq ka bala shi se miitu, apaiq bomchong walü li na siwan lungwii lan ihata. Lanta chochi lan ihata.

Acts 26:28

Kra tairaütiishe, Agripa raq, “Riita ara jaqlose liipan niili, ümniiraq ngi ka Khristan maiqse ma mitiija wan lot ha ngutiisha tiima tlaü?” nguta Paul bom ka treto.

Acts 8:13

Simon apaiq riimin Jesuq miishe kamwanto. Kiimaq apaiq riimin kham lamto. Khamlam jai maq apaiq ka Philip rai napshnap miishe sito. Kiimaq Philip raq awang chang nai amao chang jaqsham pahea shamtlaq kra chhi raüta, apaiq ka pinthum awang riito.