Mark 10:2 - ASII LAKDAP Bible (BSI)

² Phorisinok wiijamti ka Jesuq phana waraüta, apaiq ka tsangshiq thiikho na tiithap haijaq nguta, bom ka akha waito, “Chongliita, nashiq Thungtri na, chakmiim thungtri ka asi shea ahü wa?”

Hawa Naga Bible 2001

² Kvkaq Pharise nuk wvyvmc vpiq kox nuex kaz vtueq vpiq mvrax lvp laz juing kvmungx tharc maq, “Naungshiq Tvrac nuex miq washiz rueq vtaungx nyuiuz mamc gay mvy yaq haz? nuiyshiq muex jungx kuq koq,” ngoz tueq tsuingshiq rueq wiz tueq.

Muklom

² Chamtey tey Phorisi tang eq piq sha tari rangma piq jamnáng thuta etho ning aa pitta, “Hiqtang thong na miqwa miqnu wapak jin kho eq na tia jin kho moq angna?”

Mark 10:2 Referencias Cruzadas

MALAKI 2:16

“Ngi raq achak miimbaiqti ka liiro mang,” nguta Israilnok Tati Shiikeawe raq ngutlo. “Namshiq phong wa maiq weshi ra raq achak miimbaiq chhiha jiila, ngi raq akhiismin liiro mang. Arningkhan, namshiq raq tsan na atsi dada maq thü ronglaq. Ümniiraq ümchak ma pumshi hanshi maq misi wan ha nguta kiqkham kuq laü ka tsapkapkap thü wan ratlo.”

Matthew 15:12

Kra tai raüta ajaqshisetiim ka apaiq phana waraüta, “Ümbom ira tai raüta Phorisinok raq athai riito. Kra ümniiraq asap haü ahiq na?” nguta apaiq ma chongto.

Matthew 16:1

Kra jai maq Phorisinok nai Sadusinok phong wa maiq wiijamti ka Jesuq phana wato. Tsangshiq raq apaiq ka tsangshiq thiikho na tiithap haijaq nguta tiima raüta, Jesuq nangnga apaiq ka Shiikeawe raq ashong maiqse dea jiika, awang chang jaqsham klo raüta tiichhike ra nguta apaiq ka maitaito.

Matthew 19:3

Phorisinok wiijamti ka Jesuq phana waraüta, apaiq ka tsangshiq thiikho na tiithap haijaq nguta tiima raüta, apaiq ma bom ka akha waito, “Riita nashiq Thungtri na awese raq ata-nyung ka asiq areng kha jam min ahüli jiimin amiim baiq milot nguta aming ka asi sha?”

Matthew 22:35

Kiimaq tsangshiq phong wa weshi, Thungtri shrinketi we raq Jesuq ka athiikho na tiithap hajaq nguta manto.

Matthew 23:13

“Namshiq ma phiiptsi chang jonghea asi, Phorisinok nai Thungtri shrinketibi le! Mongnam nok le! Namshiq raq mangjong maiqse ka Shiikeawe sengi ma jawanti wachang lam kilü kra ashaq riibaiq tlan. Namshiq maiqmii kiimin wawan man. Kiimaq nanok juwa awa wan tiima tlaq, kriiti kiimin tiiwa man maq lam ka tangta tlan!

Matthew 9:34

Shatmaq Phorisinok riika, “Apaiq riika Thawe Lüwa We ningkun maq ara thup atha thun ara jobaiq wan tlo!” nguta khoti piilii bomto.

Mark 10:1

Kriimiishe, Jesuq ka kra hiqshong wa tiido wan raüta, Judia wang na Jordan raire nü na kihoto. Nokmaiqse ka apaiq phana pahea, konta hushhu maq hali riitsap wan nongto. Kiimaq apaiq raq tsangshiq ma, rahin jaq akhing na ikha, Shiikeawe bomtsi shrinkuqto.

Mark 10:3

Kiijiishe Jesuq raq tsangshiq ma hali wainongto, “Mosheq raq namshiq ma jamlai thungtri wa kuqta?”

Mark 8:11

Phorisinok wiijamti ka Jesuq phana wato. Raüta, apaiq rai arkhii she riito. Tsangshiq raq apaiq ka tsangshiq thiikho na tiithapro. Tsangshiq kho na tiithap ma nguta, “Ümniika Shiikeawe jaqshi se dea jiila, awang chang jaqsham laüta tiichhi kuq liina,” nguta apaiq ka thaüto.

Mark 8:15

Jesuq raq tsangshiq ma, “Namshiq ka Phorisinok nai Herod pithob kiima hon kamshat maq sirong liijo,” nguta tsii chongkuqto.

Luke 11:39

Kriikha miishe, Tatiwe raq apaiq ma akha chongkuqto, “Namshiq Phorisinok riika, namshiq kok alaq nai tak apin thun kriika, akii thun kriika siirai rai hea hetse tlan. Shatmaq, namtsan mong niika, ramok rachhai wa trangli sitlan. Kiimaq abi ati tiima tsantsii riili ama sitlan.

Luke 16:14

Phorisinok raq ara traho bomchong ara taiwi raüta, tsangshiq ka khüphit nüphit wa li she, Jesuq ka shummiito. Jamkhano ngukla, tsangshiq ka kampho ma süram heanok.

Luke 5:30

Phorisinok phong wa maiq wiijamti nai Thungtri shrinketi nok tsangshiq kongtibi raq, Jesuq jaqshisetiim ma, “Namshiq ka jam nguto, phunta hitibi nai ahin anun phan ashleq arbaiqti rai, takshi pinshi maq phaqsiq dam tlan?” nguta bottsaüto.

Luke 6:7

Kiijaq, Thungtri shrinketi maiq wiijamti kiimaq Phorisinok phong wa wiijamti min asi riito. Tsangshiq raq, Jesuq ka tiishut haijaq nguta, lampu rit khekham maq kheto. Kriikha maq, tsangshiq ka Jesuq raq Asii Niitiitsak ranaiq na atsi asiti ka mitiihea kuq sha tiihea kuq mak wa riijiiq nguta khekham maq liito.

Luke 7:30

Shatmaq, Phorisinok nai Thungtri shrinketibi raq, Johan kham lamke jaqsham kriika lang mak dea riito. Tsangshiq raq Shiikeawe aming, tsangshiq ma achongkuq kriimin lang mak riito. Kiimaq kham kiimin lam mak riito.

John 11:47

Krai mren, Phorisinok nai ramwe jongbi ka welabi rai ngongthun raüta bom ka akhiishe riiwaito, “Riita, ümchaü nashiq raq ara jamkhii riichang wa? Liimanta, apaiq raq atinkhan she awang chang jaqsham tlaq ara!

John 11:57

Shatmaq, ramwe jongbi nai Phorisinok riika, Jesuq ka alap ra nguta aming ka atatwi she riito. Jurwa Jesuq thohe jiiq, kriiti raq welabi ma tsütsa ka tiitai ra nguta aming ka tatthü je she riito.

John 7:32

Phorisinok wiijamti raq nokwe phong na, Jesuq tsaki riishap shaü wan tlaq kra tho ka heto. Krai mren, tsangshiq nai ramwe jongbi raq Shomjam kheti hokrabi ka apaiq lapkai tiikito.

John 7:48

Namtsam raq welabi phong wa, maiq weshi ra raq nai Phorisinok phong wa maiq weshi ra raq, apaiq bomchong ma kam tlo nguta chhi tlan sha?

John 8:6

Tsangshiq raq ara bomtsi Jesuq ma waitaq arka, tsangshiq raq Jesuq ka tsangshiq thiikho na tiithap raüta tiishut haijaq nguta tiima raüta waito. Shatmaq, apaiq ka atok hiq nü na kushat lam maq, ajaqshi maq hiq na phanshi ra waiqto.

1 Corinthians 10:9

Nashiq raq Tatiwe ka ümtiikii jiimin tsangshiq wiijamti raq tairai wantaq kiikha, tairai wan raa mak. Kriikha maq tsangshiq ka paü raq thaü raüta jiimto.