Mark 10:2 - Hawa Naga Bible 2001

² Kvkaq Pharise nuk wvyvmc vpiq kox nuex kaz vtueq vpiq mvrax lvp laz juing kvmungx tharc maq, “Naungshiq Tvrac nuex miq washiz rueq vtaungx nyuiuz mamc gay mvy yaq haz? nuiyshiq muex jungx kuq koq,” ngoz tueq tsuingshiq rueq wiz tueq.

ASII LAKDAP Bible (BSI)

² Phorisinok wiijamti ka Jesuq phana waraüta, apaiq ka tsangshiq thiikho na tiithap haijaq nguta, bom ka akha waito, “Chongliita, nashiq Thungtri na, chakmiim thungtri ka asi shea ahü wa?”

Muklom

² Chamtey tey Phorisi tang eq piq sha tari rangma piq jamnáng thuta etho ning aa pitta, “Hiqtang thong na miqwa miqnu wapak jin kho eq na tia jin kho moq angna?”

Mark 10:2 Referencias Cruzadas

MALAKI 2:16

Yehowa Israel Tishox rueq, “Ngaz rueq rvshurc rvpawc lvmz kuex shuiuc vshaungx. Nuimshiq wawc washiz shiz rueq miqmac taungnyuiuz muex kvkhoc guirguenz ruiux yuq, kvruex ngaz rueq shuiuc vshaungx. Mtaungx nyuiuz muex tvmtuing httax taungx ngoz tueq mbomkhvmc kuq toq kuex mnoz rueq vsuing tvbac gay mvy muq.”

Matthew 15:12

Kvkaq vpiq sangac hez kuex vpiq kox nuex kvnvp kaz vtueq, “Mnoz rueq jungx vshuiux kvjaz kvruex Pharise nuk rueq tay vtueq tsuingshiq thuinkhaq wuez yaq kuex tuiuz vshuiux haz?” ngoz tueq jungx tueq.

Matthew 16:1

Pharise nuk nuiyc Saduke nuk kuex Yesu kox nuex kaz vtueq vpiq muex taruiyx tueq kuex, Tishox rueq mnoz tvkaz tueq lvmx kuex tuiuz tvkoc vwangc juing phvnx tvkhic kuq koq, ngoz tueq thoz tueq.

Matthew 19:3

Pharise nuk wvyvmc kuex vpiq kox nuex kaz ruiux vpiq kuex mvrax lvp tvkoc tsvnc vtueq, “Miq washiz shiz rueq vlvmx phvnx shiz shiz httaz ningkhvnc nuex miqmac taungnyuiuz mamc mvy yaq haz?” ngoz tueq wiz tueq.

Matthew 22:35

Tsuingshiq phungc kvwawc tvluingc waz washiz rueq wiz vtueq mvrax humc laz juing helc roalc muex ngoz tueq,

Matthew 23:13

“Kvyonc yuk jix Tvrac tvluingc waz hez nuiyc Pharise nuk lex, nuimshiq kvhiz juing httax yaq! Nuimshiq rueq miq htenc max wawc raungx Mungtan kaluix kuex shauk gay tuit, nuimshiq muinz nyuip muit, vnyuip tvkoc hunglaungx jix muex vnyuip vkhangx kuq muit.

Matthew 9:34

Yuq muinz Pharise nuk rueq, “Vruex kuex htaungc wayungx rueq vpiq muex hungc vlaungc kuy ningkhvnc nuex htaungc htenc kuex yurc gay lot yaq,” ngoz wuez tueq.

Mark 10:1

Kvruex yimaq Yesu kuex kvruex baung maq dung kaz vtueq Yuda mungx hong nuex kaz wvnc ruiux, Yodan Ruilx kvkox ral nuex yanz wvnc tueq. Nuk miqsaz vkung vdaungx vpiq kox nuex rvtuimx kaz koq tueq, mkaq muinz vpiq rueq shuimx ruiux shuex rulc rv-ngvlc tsuingshiq muex tvluing kuq tueq.

Mark 10:3

Yesu rueq, “Moshe rueq nuimshiq muex yvmx khoc lac nvr shec tvnx?” ngoz tueq vhtaq maq vwiz tvralc tueq.

Mark 8:11

Pharise wvyvmc kuex Yesu kox nuex kaz vtueq vpiq rulc rvkhawc lvlc wvnc phaungc tueq. Tsuingshiq rueq vpiq muex talc lawc roc vtueq, Tishox kuex vpiq nuex vsuingc suing yauk shuimc yaq lvmx kuex tvkhic tvkoc raungwawc vwangc juing romzyac phvnx shiz thoz tueq.

Mark 8:15

Yesu rueq tsuinghez muex, “Nuimhez rueq Pharise nuk nuiyc Herod wisiz kvruex honc lvmz hvt maq koayc wuez shuinz,” ngoz tueq honc jungx kuq tueq.

Luke 11:39

Kvkhoc rvtueq Taungjix rueq tsuingshiq muex, “Nuimshiq Pharise nuk rueq panx nuiyc kok htenc kuex vtsec kox dvyx tvsawc vshuinx, yuq muinz nuimshiq vmungx kox nuex kuex yauk laungc yalawx, kvkax kvwax vnyvlc thuinz, honc vbac thuinz dvyx mvrc vtuinx.

Luke 16:14

Kvruex lotlaz kuex Pharise nuk rueq tay vtueq Yesu muex shummarc ngoz wuez tueq, yvmx khoc lac ngoz ruiux lec tsuingshiq kuex kuimphox muex rvnphvnx jix hez rvtueq.

Luke 5:30

Pharise nuk nuiyc Tvrac tvluingc waz hez wvyvmc rueq Yesu sangac bix muex, “Yvmx ngoz tueq lac nuimshiq kuex muinghic jix nuiyc vtvdux vruex gay miq rulc vdvmz nuex phauk saq vshuinx?” ngoz tueq wiz tueq.

Luke 6:7

Tvrac tvluingc waz hez nuiyc Pharise nuk rueq Yesu muex mvrax tvgurc tvkoc lvmx thuiyx tueq, Vguilc Raungnuiyq vthuiuz vsac jix tvhvlc kuq shuex shuex tvhvlc kuq muq lac ngoz tueq bvmc lawc tueq.

Luke 7:30

Yuq muinz Pharise nuk nuiyc Tvrac tvluingc waz hez kuex miqmac tvkoc Tishox kvmungx lvmx kuex tvlvlc gay tueq kvdvyx muinz rvmuq Yohan yauk wawc yuix luip lvmz wuez muq rvtueq.

John 11:47

Kvkhoc rvtueq shomc walaungx bix nuiyc Pharise nuk rueq vyungx vlaungx bix htenc kuex tvtuimx gvl vtueq, “Vruex waz vraq vwangc juing romzyac paunghvlc tvkhic kuq yaq! Naungshiq rueq yvmx khoc ruec juing lac?

John 11:57

Shomc walaungx bix nuiyc Pharise nuk rueq uraq yuq muinz Yesu httax yaq baung kuex tuiuz ruiux yuq, tvtay tvkhic kuy rax, ngoz tueq nvr wuez tueq.

John 7:32

Nuk miqsaz htenc rvshuip shoyx yaq kvjaz kuex Pharise nuk rueq tay tueq, kvkhoc rvtueq tsuinghez nuiyc shomc walaungx bix kuex vpiq lvp tvkoc nolaungx bix wvyvmc tvkaz tueq.

John 7:48

Naungshiq vrangx vpangx vhttax jix nuiyc Pharise nuk htenc wawc washiz raung vpiq muex kvmluimx jix vhttax haz?

John 8:6

Tsuingshiq rueq vpiq muex mvrax tvgurc tvkoc kvkhoc taruiyx wiz tueq. Yuq muinz Yesu kuex bumx vtueq vyauk shix maq ghaq nuex wuiyq tueq.

1 Corinthians 10:9

Tsuingshiq wvyvmc jix rueq Taungjix kuex talx lawc vtueq puiuc rueq kauk thvt gay tueq ikhoc, naungshiq rueq muinz Taungjix kuex talx lawc shix rvmuq.