Mark 10:1 - ASII LAKDAP Bible (BSI)

¹ Kriimiishe, Jesuq ka kra hiqshong wa tiido wan raüta, Judia wang na Jordan raire nü na kihoto. Nokmaiqse ka apaiq phana pahea, konta hushhu maq hali riitsap wan nongto. Kiimaq apaiq raq tsangshiq ma, rahin jaq akhing na ikha, Shiikeawe bomtsi shrinkuqto.

Hawa Naga Bible 2001

¹ Kvruex yimaq Yesu kuex kvruex baung maq dung kaz vtueq Yuda mungx hong nuex kaz wvnc ruiux, Yodan Ruilx kvkox ral nuex yanz wvnc tueq. Nuk miqsaz vkung vdaungx vpiq kox nuex rvtuimx kaz koq tueq, mkaq muinz vpiq rueq shuimx ruiux shuex rulc rv-ngvlc tsuingshiq muex tvluing kuq tueq.

Muklom

¹ Etho Jesu aa ethi haq tha shingchak eq, Jordan jungku tha jan eq Judea mung náng thuta. Ethina daqhan miqtang piq jamoq tachong ma thuta, etho thaji haq na ang aa thimal hun, piq aa ning ma tatalta.

Mark 10:1 Referencias Cruzadas

THARC TVLUINGC 12:9

Shatmaq Phaqchi Shrawe ka taksu maiqse. Kriikha maq, apaiq raq saptlaq kra, nokwe ma phaqchi ka shrin kuq wan ruq riito. Apaiq raq uqkhiima bomtsi ka arang chong maq liichum ka sidi wanto. Raüta tengtlaq bomtsi ka tingting maq shin raüta maitai wanto.

JEREMIA 32:33

Tsangshiq raq Ngi ma jainong shungkuq wanto. Ngi raq tsangshiq ma ümtinkhan wa shrinkuq wan kang. Shatmaq tsangshiq raq ibom chong ka taimak dongdii tlea wanto. Kiimaq saptsin wan hai jaq ngutiika manhii mak dongdii.

Matthew 26:55

Kra bomlot raütiishe, Jesuq raq maiqphong kiima nguto, “Namshiq ka ngi lap wa nguta wiija wiipiq kiimaq klata pi raq maq thiimeaq daku we lapwa ikha warai man sha ra rai ta? Ngi ka wranaiqshe Shomjam na nga lata namshiq ma tra hokuq wan kang ihata. Riita namshiq raq ngi ka kiiwa jamto lap man riilan.

Matthew 4:23

Kra raütiishe, Jesuq ka Gelili wang hamli na barap se na wato. Raüta, sinagok thun maq shrinkuqto. Kiimaq Shiikeawe raq mangjong maiqse kunli asengi ma tiija wan akhing ka saüto she nguta Tsütsa Ahea kra tra hokuq wanto. Kiimaq maiq atsi asiti phanrap phanrii thuptsi thatsi raq chamchao rai tlaq thun kra wiita tiihea chhintsii kuqto.

Mark 1:21

Jesuq nai ajaqshisetiim ka Kaparniam chela na wato. Kiimaq tlothit li, jai wa Asii Niitiitsak ranaiq na, Jesuq ka sinagok na kito. Raüta tra hokuqto.

Mark 10:2

Phorisinok wiijamti ka Jesuq phana waraüta, apaiq ka tsangshiq thiikho na tiithap haijaq nguta, bom ka akha waito, “Chongliita, nashiq Thungtri na, chakmiim thungtri ka asi shea ahü wa?”

Mark 12:35

Jesuq raq Shomjam maq nokwe ma trahoke lam maq, “Thungtri shrinketibi raq Khristo ka Dawit saüse lai wa mipo nguta chongkuq tlaq kriika, jamlai bomtsi na seng raüto chong kuqtla?

Mark 14:49

Ngi ka wranaiqshe, namshiq rai Shomjam na trahoke siwan kang riimak sha. Riita namshiq raq ngi ka kiiwa jamto lap man riilan. Shatmaq ümchaü arka, Asii Bomtsi na achongthü bomtsi kra tiihong tha chang she dongdii.”

Mark 2:13

Jesuq ka Gelili Thamchum kii binjü nü na hali jang wan nongto. Mungmaiqse ka akong ada apaiq bom taikai nguta, apaiq phana kito. Kiimaq apaiq raq tsangshiq ma traho bomtsi chongkuqto.

Mark 4:2

Apaiq raq tsangshiq ma tengteng bomtsi pahea ka, shiiton manphan setiim maq chong kuqto. Apaiq raq tsangshiq ma akha chongkuqto:

Mark 6:2

Apaiq raq Asii Niitiitsak ranaiq na, sinagok maq traho bom chongkuqto. Kiijaq nokmaiqse ka pahea asi riito. Kiimaq tsangshiq tarü raq, apaiq traho bom chongke kra tai raüta kai amao riito. Raüta, tsangshiq liipan na, “Riita apaiq raq ara atinkhan phaqchi pinja ara jambawo saptsin wanta nya? Apaiq ma atinkhan taksma tsantsii arka juro shrinkuq wanta nya? Apaiq raq atinkhan awang chang jaqsham kaiwa arka jamkho shamtla nya?

Mark 6:34

Jesuq ka lai maq satki raüta, mungmaiqse pahea riiphong rai tlaq kra chhito. Apaiq raq tsangshiq ka arümti ahü skuse kong ikha chhi raüta, tsangshiq miitu atsan mong na, kai mangchan tsito. Kra ningkhan, apaiq raq tsangshiq ma phanrap tengteng bomtsi kra shrinkuqto.

Mark 6:6

Nokwe raq apaiq ma kam mak kra chhi raüta, apaiq ka kai amao riito. Kiimahali, Jesuq ka kra binjü tro na, maiq hiqshong sitlaq thun kiina wato. Raüta, tsangshiq ma trahokuqto.

John 10:40

Kra jai miishe, Jesuq ka Jordan raire na, kongkhu ji maq Khamlamketi we Johan raq, nokmaiqse ma kham lamke wan chang hiqba binjü kiiniishe kiho nong raüta sikito.

John 11:7

Kra haithü jai shetiq, apaiq raq ajaqshisetiim ma, “Ümchaü ka Judia wang niishe jangho nong rong i,” nguta chongto.

John 18:20

Kiijiishe, Jesuq raq apaiq bom ka treto, “Ngi riika nokwe man na kholam kholiiq maq traho bom chongkuq wan kang ihata. Ngi raq mungmaiqse ma traho bom chongke wan ka nokwe riitam nga chang sinagok thun nai Shomjam mong maq chongkuq wan kang ihata. Ngi raq adam apaü lam maq, jamlai bom min chongkuq mang.