Mark 9:50 - ASII LAKDAP Bible (BSI)

⁵⁰ “Shum ka asum. Shatmaq, asum she khoiki raüka, thongshi hali shum ma jamkho mitiija nong?” “Namshiq liipan na, riilung riiwii shum maq tiisum lanta, shongnga rong laq. Kiimaq namshiq khu asang maq sirong laq.”

Hawa Naga Bible 2001

⁵⁰ “Shumz kuex vhvlx phvnx rvtueq; yuq muinz shumz vsumc moz kaz ruiux yuq, nuimhez rueq yvmx khoc lac tvsumc lvp yek shuinx? “Nuimhez nuex lux rvyaungc ngoz yaq shumz httax wuez kuinz, vdvmz dvmz nomic httax wuez kuinz,” ngoz tueq tsuinghez muex jungx tueq.

Muklom

⁵⁰ Simm sha aqhal, etharin simm siim sha shiti ajo, chamal eq wey jin tasimm na? Nim ni nim jaktung o simm mal siim inn etho ashey eq ashey jamoq nungmay wang tong inn!

Mark 9:50 Referencias Cruzadas

YOBA 6:6

Shatmaq summak, shum ahü maq ashong lum tü adung ka juro miphaq siq? Wutai mong na alü ka asum asi shea?

Tvtsvmc 133:1

Arka Pinthum amao chang, pinthum peohea, Shiikeawe sengi pumshi hanshi maq shongnga ka!

Tvtsvmc 34:14

Abi lamphan wa jang wan liishe; laüta jaqsham ahea kli shamlaq; mungtsing maq si miitu tsantsii wiita kuq laüta shiikutlaq.

EJEKIEL 43:24

Laüta kra wiinai ka ikhaki na milam wan haü. Ramwebi raq kra ngam thaq na shumtai maq mibat. Raüta wa na Ngi ma honglu na wa maq michaq.

Matthew 5:13

“Namshiq ka maiqse ngusaq kun li ma shum sitlan. Shatmaq shum ka asum she khoiki raü ka, ja she wa miraq? Kriika jamkha she wa mitiisum nong? Kriika thiihü she. Kriika araü baiq chang li she. Raüta maiq raq hok miili she mini baiq.”

Mark 9:34

Shatmaq, tsangshiq raq abom ka trelot mak dea riito. Jamkhano ngukla, tsangshiq liipan na, juwa ajong pinthum nguta lam maq riichong raüta, riikhii rai wanto.

Mark 9:49

“Alu ngamrea ka shum maq tiisii tlaq ikha, maiqse angu tarü ka, wa maq tiikhiim raüta michen wan.”

Romans 12:18

Namshiq raq ümtinkhan wa tang wan tlan kiitinkhan, nanok tarü rai ari aram maq shongnga wan miitu shiikut ronglaq.

2 Corinthians 13:11

Riita, ümchaü sanha, phunainotiim lei, awashejo! Minhap jawan miitu shiichaq ronglaq; ngi tiipaiqnea bom kra tai ronglaq; ari aram maq si ronglaq; hansang maq si ronglaq. Kiimaq lungwii Shiikeawe kiimaq khusang ka namshiq ma misilaq.

Galatians 5:22

Shatmaq, Asii Wenyi riika maiqse rilung na, arthun ara tiitsi ngo kuq tlo: Lungwiitsii, chochi, khusang, anin wan, arlungwii, athuk atsom, phan rap na tsapkapkap,

Ephesians 4:29

Maiq tsan tiibi chang bomtsi ka, naq bom rongkiq she. Shatmaq, kongti tsaiji tiijong lu chang bomtsi, ahea awa kli bom ronglaq. Nambomtsi ka kongti tsan na washasha hea, kongti tiijong luwan chang bomtsi kli bom ronglaq.

Philippians 1:27

Riita, ümchaü namshiq ma akhek pinthum ka, namshiq rilung ka Khristo Tsütsa na jamkhiiwa chong tlaq, kra phanphan singa chang. Krai mren, ngi ka namshiq liiwa wakang lo, kiimaq walap mang lo, li jiimin, ngi raq namshiq ka miitung ashi niili, pharang rang maq chap tlo nguta mitaiha. Kiimaq kra rekhu ashi jaqsham kra ningkhan li, reraüshi maq, Tsütsa Ahea chongke wan jaqsham na misi wan han.

Colossians 3:12

Namshiq ka Shiikeawe sengi she. Apaiq raq namshiq mangchan tlo. Raüta, namshiq ka apaiq miitu tsea wanto. Krai mren, namshiq tsan nai mongjii na kongti ma mangchan tsii, lungwii tsii, aran se ma ja tsii, saksi minmi tsii, kiimaq anin wan tsii, kra thun rong arai maq tiimiikhiiq lantiishe si rong laq.

Colossians 4:6

Namshiq bom asa ka akhingtek na athuk atsom, ataisea ma ahea wiq maq bom rong laq. Kiimaq nanok ma bomtre chang dong tlaq niika, riikhaqli tingting bomtsi maq tre rong laq.

1 Thessalonians 5:13

Tsangshiq ka namshiq kamasham rilung noboq wanti. Kriikha maq, namshiq raq tsangshiq ka lungwii tsantsii ajong maq, shreng ronglaq. Namshiq nai namshiq liipan na, ari aram maq, kiqshi tsiimshi maq shongnga ronglaq.

2 Timothy 2:22

Riita, ümkhum ka jero han-ngam tiima ramho ma naq tiijam sha wankiq. Kiimaq jero hon atsii ma naq tiisheakiq. Ümrilung ka siirairai kechu maiqse rilung ashi simaq silaq. Khristo ma kamtsantsii rüm tlaü ka, tsapkapkap maq thü laq. Laüta Phungmaiqse phunaino ka, ahea wiq maq lungwii laüta silaq. Kiimaq tsangshiq tarü rai kaütak rishi maq silaq. Arthun jaqsham wan arka, nanok Phungmaiqse liipan wa maiqshaqti thun ümchuwa sitlaq, kra rai adam na kiimung ashi maq silaq.

Hebrews 12:14

Wiitarü rai, ari aram maq si miitu, shiikut ronglaq. Kiimaq, asii arai, kechu rilung, jamlai kiqjiq ahü maq si ronglaq. Kechu rilung siwan hümiika, juwe riimin, Tatiwe rai sham ka riichhi lot mak.

James 1:20

Maiqbi ngikhiti riika, Shiikeawe raq apaiq miitu asii rilung lamphan tiichhikuq tlaq kra, phan wan lot mak miraq.

1 Peter 3:8

Riita ümchaü jamlai wa chong kang, kra bomtsi ka ashat she riipha. Namshiq wiitarü ka tiima tsantsii ashi kiimaq chap ashi, nga ashi maq sirong laq. Namshiq liipan na siphu sino ikha riilung riiwii sirong laq. Riimang riichan kiimaq sobsob bombom maq sironglaq.