MALAKI 4:2 - ASII LAKDAP Bible (BSI)

² Shatmaq namshiq ibom taitai siti miika, kra ranaiq na ngi tiichhii wan ningkun ka rashe kiitlaq ikha, namshiq khuthaq na mililiim wan. Raüta namshiq ma khusang maq siwan miitu rashekiili ikha mikii kiimaq rashekii chai ikha namshiq khum na ra miwiikuq. Kiimaq namshiq ka wase miishe mija han kiimaq khoqriiq shishiiq, minsaü setiim minsaütiip mong wa nyiim tiiphaq kai kilü dibaiq kiijaq riichunchea tlaq ikha michochi han.

Hawa Naga Bible 2001

² Yuq muinz ngvy kvjaz tay jix nuimshiq tvkoc palc daungc wvnc lot yaq ngvy luimc vkawc kuex nuimshiq htauk nuex shalx ikhoc dung wvnc vtueq, shalx kawc ikhoc tvhvlc tv-phenz lvmx dung wvnc tuex. Nuimshiq kuex ruk mungx wawc daz gay rvhumc tueq manx sahez dawk dat yaq ikhoc kokez dung wvnc wuez tuinx.

MALAKI 4:2 Referencias Cruzadas

2 SAMUEL 23:4

phumda ahü ranap chu rakhang ikha; ranap rashe dongchhai ikha, sangphii rü na rajun jai khamtsi chhairai tlaq ikha.”

Tvtsvmc 103:3

Apaiq raq ingarai thun wiita diibaiqto kiimaq ithatsi thun kunkun tiiheatlo.

Tvtsvmc 147:3

Apaiq raq tsantsi mongtsiti thun ka, tiiheakuq wantlo, kiimaq tsangkhum wa ami atsi thun ka phum raüta job kuqto.

Tvtsvmc 61:5

Ikiqkham ka ümniiraq tailaü she, O Shiikeawe lei, kiimaq ümniiraq ngi ma kuqlaü she ümnaq shrengtibi rii sitlaq kra.

Tvtsvmc 67:1

Shiikeawe lei, naishiq tiihangkuq shat riilaq laüta shiimanlaq; naishiq ka mangchan shatmaq liilaq,

Tvtsvmc 84:11

Tatiwe ka nashiq tiiwongti kiimaq achhai anyii hokhamwe, nashiq ka lungwii maq nai shreng maq shiimantlo. Apaiq raq riikhaqli jaqshamti ma ahea awa phan kene khunnii mak phan.

Tvtsvmc 85:9

Tengteng apaiq shrengti chhiike miitu apaiq ka khekham sitlo, kiimaq apaiq tiichhiiwan ngao ka namung na asi miraq.

TAKSU LAK 4:18

Shatmaq kechu maiqse rilung lam ka, ranap na rashe dong wan tlaq ikha, ranaiq hoho rashekii ka, henghea riiwan tlaq ikha, liliim wantlo.

ISAIA 30:26

Jipi kaü ka rashe kaü kiitlaq ikha chaihea mili. Kiimaq rashekaü ka rahinjaq na litlaq kra thaq na jang miishe achan mili. Ranaiq miishi kiitlaq kriika ranaiqshi na rom raüjaq ümtinkhan wa kiijiiq kiitinkhan mikii. Arka Tatiwe raq asenginok dü na apaiq raq ümchuwa tiimitsi wantaq kra, ajop riikuq raüta ami thun ka tiiheakuqtlaq kiitiikaq miku wan.

ISAIA 35:6

Hokkiiti ka adoq haha she miwiinum, kiimaq bomtsü makti thun raq chojong chise mishinge wan. Kumtsaiphii wang binjü na jüseraisetiim tonglong she midong wan.

ISAIA 49:6

Tatiwe raq ngi ma nguto, “Ngi raq ümniima jaqsham jonghea tiisham chang asi, Ijaqshi se lei. Ümniiraq Israilnok aso tiichongtaq ka, atiijonglu wan lam lam li ka riimak; shatmaq Ngi raq ümniika maiqphan thun ma walüli ashi ma mitiijaha; krai mren mangjong maiqse kunli mitiichhii wanlaq.”

ISAIA 50:10

Namshiq tarü jurwa Tatiwe shrengtlan, kiimaq ajaqshi se bom tailanta sitlan; namshiq khumchang lam niika ranyaq min mirsham; Shatmaq Tatiwe miili kam ronglaq, nam Shiikeawe dü niili tiinin ronglaq.

ISAIA 53:5

Shatmaq nashiq ngarai kha na apaiq raq mopung hoto, nashiq raq abi klo kha na apaiq ka bunlak tsatto. Nashiq thatsi ka apaiq raq moho wantaq kriimaq tiiheato, apaiq raq maiqmo howantaq kriimaq nashiq ka phintsaq tsaqhea tiijato.

ISAIA 9:2

Ranyaq nyang na shongtinok raq, rawüli jonghea she chhi wanto. Tsangshiq ka ranyam biibangbang hiq na sito, shatmaq ümchaü tsangshiq ma rawü liliimtlo.

JEREMIA 17:14

Tatiwe ngi tsi ara tiihealaq. Raüla phintsaqtsaq she miheakiha. Ngi tiiwong kuqlaq. Raüla ngi ka minhap tiichhiije she miraq. Ngi raq ümniikli tiitsam tiikang!

JEREMIA 30:17

Ngi raq namkhum ka atiihea mirkuq nongha, Ngi raq namkhum wa mopung thun kra atiihea mirha, namjaqtinok riikla, ‘Jajon ka miimbaiqto she; jurmin kriinyung shiiliti ka ahü she,’ nguta ngutlo. Arka Ngi, Tatiwe raq toqtan tiikang.”

JEREMIA 33:6

Shatmaq Ngi raq ara chela tsisitlaq kra nai ara chelati mungmaiqse tsisitlaq thun ka atiihea mirkuqha. Lata tsangshiq ka man na jamkho hansang sitaq kiikha khusang miishe mirüm wanha. Ngi raq tsangshiq ka khusang rakhang maq nai kiimaq kiqkap jaqshap miishe mirüm wanha.

EJEKIEL 47:12

Ara jürai kii siimhap nai ri niika, pero phanrap phanrii atsi aphaq asea chang phan siisaq pahea asi miraq. Kra pechong jaq nüm tlaq kriika, ümtiikiimin jungki mak phan miraq. Kiimaq kra pechong thun na atsi ango wan ka ümtiikiimin tsaqki mak phan, tsi ngo wan ruq miraq. Ara pero thun na jipi lütek na atsi ka anye tsi wan ruqli miraq. Jamkhano ngukla ara pero thun ka Shomjam maq adong khamrai kiiwa kham ki raü raüta dungtlo. Ara pechong thun raq aphaq sea chang atsi mikuq. Kiimaq ajaq thun kriika maiqse ma atsi asi tiiheake wan chang tsiq miraq.”

Hosea 6:1

Mungmaiqse raq ngutlo, “Ai warong ra nashiq Tati wokhong na, jang wan nong rong i! Apaiq raq nashiq ma mo tiihoto, na mitsi apaiq raq miphumkuq. Apaiq raq nashiq ma mo tsihea tiihoto, apaiq raq nashiq mi ka mijop kuq, riimaksha?

Hosea 6:3

Nashiq raq apaiq tiima tsantsii, khonwan miitu shiichaq rong i. Apaiq nashiq phana, ranap rashe kii li ikha miki dongdii. Lamse sat ma rajuntsi paü pan ikha, apaiq nashiq phana misaüki. Raüta nashiq ma achu shiiman mikuq.”

MALAKI 3:16

Kiijiishe Tatiwe ma tiihai shat maq siti liipan na bom ka riichongto. Kiimaq Tatiwe riimin tsangshiq bom ka taito. Kiimaq tsangshiq raq jamlai wa chongtaq kra trekuqto. Raüta Tatiwe raq apaiq ma haisong tsantsii thüti, kiimaq apaiq shrengti miitu lakdam ashi na akha waiqthüto.

Matthew 11:5

Makchukti riimin chhi tlo she, hokkü jaqküti thun kiimin khumtlo she, kiimaq thupbi thati raq akaq ashong ashe mitsi rai tlaqti thun kriimin tiisii kuq wanto she, nibii biilati thun riimin taitlo she, maiq ka ama wiimin tiijang wantlo she, kiimaq Tsütsa Ahea kra miitsan miijan maiqse thun ma tiitai kuq wanto she.

Matthew 23:37

“O Jerusalem, o Jerusalem! Ümniiraq shammibi thun ka tsatbaiq wan laü. Kiimaq Shiikeawe kiimwebi thun ümniiphana atiiki thun ka long maq tiiqbaiq wan laü! Ngi raq ümse ümno thun ka ümtinkhan wa i wokhong na, wukaü raq asetiim ka wowan tlaq ikha wowan hajaq nguta tsinngin wan kang. Shatmaq ümniiraq ümsetiim ka ngi ma tiiwo wan maü riilaü!

Luke 1:50

Apaiq shreng wanti ma, patshi maq riita patshi na saüli mangchan wantlo.

Luke 1:78

Nashiq Shiikeawe ka mangchan rümti tsanin woknin. Apaiq raq nashiq ma tiichhii wan rashe kii liliim kra mitli kuq wan she.

Luke 2:32

Apaiq ka Pongnok phan maiqse ma, Ümrawü li tiichhike wanti, Apaiq ka ümsenginok Israil mung ma, ümkhushü jonglu kra tiichhike wanti.”

John 1:14

Bomtsi ka maiqse ma pokito. Raüta, apaiq rilung ka kiqkap jaqshap rilung, kiimaq tingting mangchan rilung chhi wan kai. Apaiq ka nashiq rai adam maq sito. Nashiq raq apaiq khushü jonglu kra chhi kai she. Arka Awe raq sekhuq laqlaqse ma akuq, khushü jonglu kra chhi kai.

John 1:4

Apaiq ka rilung rangchong. Kiimaq ara rilung raüchong arka mangjong maiqse ma rawüli.

John 1:8

Apaiq ka rawü tu ka riimak. Apaiq ka rawü tu lirai tlaq kra tsütsa chongke kai ngutli kito.

John 12:40

“Shiikeawe raq tsangshiq mak ka atiichuk baiq wishe. Kiimaq tsangshiq tsii ka atiimo baiq wishe. Krai mren, tsangshiq riika chhi mak she. Kiimaq tsangshiq tsii ka tsang mak she. Kiimaq ngi raq tsangshiq tsii ka tiitsang kuq wan jiiq nguta, tsangshiq ka ngi phana wamak she, nguta Shiikeawe raq chongtlo.”

John 8:12

Jesuq raq Phorisinok ma thongshi ri hali akha chongkuqto, “Ngi ahata mangjong maiqse ma rawü li. Juwa i puk na nyap tlaq kriiti raq rilung rawü milap wan. Kiimaq ümtiikiimin ranyaq mong na khum mak she miraq.”

John 9:4

Rawü asi wiiwii, nashiq raq ngi tiikaiti we jaqsham arka sham wan ruq riichang. Ranyaq akhing she saü wan raüla, jurmin jaqsham wan lot mak she miraq.

Acts 13:26

Paul raq tsangshiq ma, “I phan i maq Israilnok Abraham saü asetiim, kiimaq Shiikeawe ma haisong tsantsii thü wanti Pongnok phan maiqsetiim lei: Ara chong tiikang tiichhii wan tsütsa arka, Shiikeawe raq nashiq tarü miitu tiisaü hoto!

Acts 13:47

Ara jamkhano chongtiikai ngukla, Shiikeawe raq naishiq ma akha aming ake kun she: ‘Ngi raq namshiq ka, mangjong hiq na siti Pongnok phan maiqse miitu, walü tu ashi miishe tiija wan kang, Krai mren, mangjong maiqse kunli ka mitiichhii wan.’ ”

Acts 26:18

Ümniiraq tsangshiq mak ka mitiipiiq kuq wan haü. Kiimaq tsangshiq ka ranyaq nyang mong wa rawü lam phan niishe mishun shea wan haü. Kiimaq tsangshiq ka Thupkaü Thawe jaqkhon mong wa, Shiikeawe wokhong niishe mishun shea wan haü. Krai mren, tsangshiq raq ngi ma kamtsantsii thü tlaq kra lii miishetiq, tsangshiq ngarai ka midii kuq wan. Raüta tsangshiq ka Shiikeawe sengi maiqsetiim rai she shongnga wan dam miitu tsangshiq ma chapchang ngachang she mitiihong thaq kuq wan.’

2 Thessalonians 1:3

Naphu nanotiim lei, naishiq raq namshiq miitu, Shiikeawe ma wranaiqshe kechutum chang akhek sitlo. Arka riikhaqli athuk atsom jaqsham ashi. Ara jamkhano chongtiikai ngukla, namshiq kamasham ka pinthum kham ama wan ikha jonglu wan tlo. Kiimaq namshiq raq kongti miitu lungwiitsii rüm tlan kra, barap na nyam wan tlo chhi tiikai.

2 Peter 1:19

Ara ra wa bomtsi saütaq kriika, man na shammibi raq Messia ka misaüho lii nguta chiiriim raüta tra hokuq wantaq kriika, tengto dea nguta bomchong raükha tiipha wan she riito. Arkha maq, nashiq raq shammibi bomchong ka tsan na atsi maq thü laita kam hai jiika nashiq ma ahea miraq. Krai mren, namshiq tarü raq, shammibi raq achongthü tsütsa kiima kam lanta sironglaq. Tsangshiq raq achongkuq tsütsa ka ranyaq mong na piijongteng tlü tlaq ikha maiqse ma wenyi walüli. Ranap rawü rashe midong hoshaq wiiwii ka, piijongteng wanii ka akhek raa tlo. Namshiq mongjii na Jesuq Khristo, ranap Saiqwüpo kra misaüho shaq wiiwii, shammibi bomchong piijongteng kra samhea tiinyai lanta thü ronglaq.

2 Peter 3:18

Shatmaq nashiq Tatiwe kiimaq Chhiitiwe Jesuq Khristo kaphap na kiimaq apaiq sap wan niili chhanchhi wan ruq ronglaq. Apaiq khushü ngao kli ümchaü kiimaq pattup pat-sa na saüli mijong laq! Amen.

1 John 2:8

Namshiq raq man na tai lan aming ka achu li jiimin, ümchaü ngi raq waiq nong tiikang arka, aming anye she hali. Jamkhano arka aming anye ngukla, Shiikeawe aming tri raü tu ka, Khristo khum niishe kupi wanto. Kiimaq namshiq rilung niimin she ku wanto. Ara jamkhano chongtiikai ngukla ranyaq ka thum rai wan tlo she. Kiimaq riikhaqli rawiili ka arshe liliim wanto she.

Revelation 11:18

Thatsang maiqse ka ümniima pinthum khiqriqto! Shatmaq ümchaü ka tsangshiq khuthaq na, ümtsankhiq walü tiinyai chaq akhing she saüto. Atsai kaiwiti thun khaphoke akhing she saüto. Ümsengi shammibi ma poksi pansun kewan akhing she saüto. Ümse ümno kunkun ümwokhong na siti tarü, ajong aran wese wela pili ma poksi ke akhing she saüto. Mangjong hiq wa maiqse tiichamchaoti, kiimaq maiqse shiithen jenti ma, tsangshiq shiithen baiq akhing she saüto!”

Revelation 2:28

Arka ngi raq i We jaq wa arang lap kang akha mikuq ha. Ngi raq apaiq ma ranap saiqwüpo kriimin mikuq ha.

Revelation 22:16

“Ngi, Jesuq raq i rase ka arthun tsütsa ara namshiq phungtuti ma mitiitai kuq laq nguta tiikikang. Ngi ka Dawit weraü lai. Ngi ka Ranap Saiqwüpo.”

Revelation 22:2

Raüta chela mong na lamjong tingting maq jükok ka kihoto. Kra jürai siimhap ri takii niika, rilung tsitsü petsi chong chap raqraq. Kra pechong raq rawiishi niili, jangroq shi ri jangnai nai nai, jipitek na jangshi shi tsitlo. Kiimaq ajaq thun ka maiqmung ümchuwa sitlaq kra, atsi asi tiiheake miitu.

RUTHA 2:12

Riita, ümniiraq atinkhan ahea awa jaqsham wan laü ara miitu Tatiwe raq ümniima aliip apha maq mitham songkuq laq. Israilnok Tati Shiikeawe puk na ümnaq nyap wan tlaü kra riitiq ümniima poksi mikuq laq!”