MALAKI 4:3 - ASII LAKDAP Bible (BSI)

³ Ngi raq ijaqsham wan tiikang ranaiq, namshiq raq ashut kiimungti ka mitang wan han. Krai mren tsangshiq ka namshiq hokphi takiq na botkhulai ikhiishe miraq.

Hawa Naga Bible 2001

³ Ngaz rueq shuimx shaungx raungnuiyq, nuimshiq rueq layx bac jix kuex puingc wvnc ruiux, tsuingshiq muinz nuimshiq yaz phac khung wawc bokkhuyx ikhoc yaungx wvnc wuez tuex.

MALAKI 4:3 Referencias Cruzadas

RAPHA HIQWA LAK 3:15

Kiimaq Ngi raq jechak nyung nai ümnaq liipan na makshu rashe mitrii-riingengha. Apaiq laila nai ümlai ümla liipan na wranaiqshe wesang ralii she misi wan. Apaiq lai ala raq ümkhupo ka mitiibuntiiq. Kiimaq ümniiraq tsangshiq hokphi na mithaü haü.”

2 SAMUEL 22:39

Ngi raq tsangshiq ka jok wan tlii, chumbaiq wan kang; tsangshiq ka thongshi tiido lot mak she. Tsangshiq ka ijinichong na amaa, riiphong riirong.

2 SAMUEL 22:43

Ngi raq tsangshiq ka botkhulai ma tiija tlii riikang; Ngi raq tsangshiq ka lam wa boqda ikha, hok maq nyatshatshat nibaiq kang.

YOBA 40:12

Kriq, tsangshiq theaphi na liilaütli tsangshiq ka tiidea baiq laq; abi ati maiqse ka tsangshiq chap chang kiijiili tiinamtok tiiqbaiqlaq.

Tvtsvmc 147:6

Apaiq raq wepuq weseti dopitlo, shatmaq abi kloti ka hiqrai shotbaiqtlo.

Tvtsvmc 49:14

Tsangshiq ka sku kong ikha atsaikai chang dongdii, kiimaq Tsailam ka tsangshiq rümti miraq. Kechu maiqsetiim raq tsangshiq ka mitang wan, tsangshiq maaphong ka jaqloli minam wan, wulum mung na tsangshiq jam wa luhea na.

Tvtsvmc 91:13

Ümniiraq hangsikong nai paüsang nyiqlakong min hok maq nishishi minibaiqhaü, pinthum henghea hangsikong nai paüsangkong thun wiita nishishi minibaiqhaü.

ISAIA 25:10

Tatiwe raq Jajon Pum ka mikhup wongkuq. Shatmaq Mob mungti ka ji maq nishishi minibaiq. Tsamkü phong ka hok maq nibaiq wan raüjaq hiq tiipü chang ma tiijabaiqtlaq ikha.

ISAIA 26:6

Juwa maiq raq ji maq nishishi haihiitaq, kriiti raq ümchaü kriithaq maq khumtlo;

AJONJÜ 1:15

“Tatiwe raq iphenlabi srea nolajong thun, chuphit nüphit slailiito. Apaiq raq rewe phong tiiki raüta, ijerobi thun tiithenbaiqto, Apaiq raq isenginok ka, spiqtsi thaüchang tham na ikha tiikit baiqto.

EJEKIEL 28:18

Ümniiraq piikii pealea ari athii jaqsham kiimung na abi pahea klowan laü. Kra ningkhan ümniiraq phra shomnoq tlaü jam thun ka wiita anamkaiwi siisaq. Kra ningkhan Ngi raq chela ka wa maq chaqbaiqkang. Lata botkhulai rai she shotbaiqkang. Ümchaü ümsham na liiti tarü raq ümniika tapkhu phong li she chhitlo.

DANIEL 7:18

Kiimaq, Ajong Thaq Na Ajong Shiikeawe sengi raq, hokham jaqsham ningkun milap wan. Raüta mung ka pattup pat-sa misiq wan.”

DANIEL 7:27

Mangjong hiq wa mungtan thun ningkun, kiimaq tsangshiq jonglu thun ka, Ajong Thaq Na Ajong Shiikeawe, sengi miishe mikiinong kuqbaiq wan. Tsangshiq hokham jaqsham ningkun ka, ümtiikiimin thumki mak she. Kiimaq mangjong hiq wa hokham wiita raq, tsangshiq puk na nyap raüta, tsangshiq ka mishli wan.”

Mikha 5:8

Israilnok pongmung na atiichongki thun ka, Rum na hangsi raq rum ngamse riimakla, skukong sangphii rü na atsam phaq wa, chaiham chaihiiq jom phaq wan tlaq ikha, tsangshiq tiichhii kewanti junim ahüshe miraq.

Mikha 7:10

Kra akhing na najaqtinok, nashiq nangnga, “Nam Tati Shiikeawe ka, ümbano?” nguta slaiti raq, nashiq tiichhii wan ka michhi. Raüta tsangshiq jea mingaü. Nashiq raq tsangshiq ka, re raq atang wan wishe, lam na boq jimaq nibaiq tlaq ikha michhi rong i.

JEKERIA 10:5

Juda mungti ka srea nolajongbi ma mija wan, phenlabi raq tsangjaqtinok boqchiim na, nibaiq wan tlaq ikha mitang wan. Tsangshiq raq re mikhat wan, jamkhano ngukla Tatiwe ka tsangshiq rai. Raüta tsangshiq raq kumrang thaq na chaoti, jaqtibi ka mitang wan.

MALAKI 3:17

“Tsangshiq ka isengi miraq,” nguta Tati Ningkun Ajong Pinthumwe raq ngutlo. “Ngi raq ümra ranaiq wa kha pho wan tiikang, tsangshiq ka ise inoshaq miishe mija wan. Ngi raq tsangshiq ka, awe bomtaiti ase jamkho awe raq mangchan tlaq, ikhiishe mimangchan ha.

Romans 16:20

Kra riihan jiila, Shiikeawe, nashiq tarü khusang maq rüm wanti we raq, Thawe ka namshiq jitham takiq na tiibunlak mitiithenbaiq wan. Nashiq Tati Jesuq kaphap ka namshiq rai misilaq.

Revelation 11:15

Kiijiishe, rase miishi ngoja raq alerong ka tsüto. Krai mren, ngi raq ramungtan na maiq bom hong raüta abom kra taikang. Tsangshiq raq akha arü ariiq rütrangto: “Mangjong hiq peng arang ningkun ka nashiq Tatiwe nai apaiq Khristo rii she. Apaiq raq pattup pat-sa she mung ka milang wan.”

Revelation 14:20

Chela kinphai na spiqtsi tiikit chang thun kiijaq spiqtsi ka thaüto. Kiimaq krai mren, spiqtsi thaü chang thamkaü mong wa, maiq tiijai ka jüchhang kai ikhiishe, alu nü na kilo mitar shitsam kiimaq atsaü nü na mitar nai tin tiijai kham rai ka lüm wanto chhikang.