MALAKI 4:2 - Hawa Naga Bible 2001

² Yuq muinz ngvy kvjaz tay jix nuimshiq tvkoc palc daungc wvnc lot yaq ngvy luimc vkawc kuex nuimshiq htauk nuex shalx ikhoc dung wvnc vtueq, shalx kawc ikhoc tvhvlc tv-phenz lvmx dung wvnc tuex. Nuimshiq kuex ruk mungx wawc daz gay rvhumc tueq manx sahez dawk dat yaq ikhoc kokez dung wvnc wuez tuinx.

ASII LAKDAP Bible (BSI)

² Shatmaq namshiq ibom taitai siti miika, kra ranaiq na ngi tiichhii wan ningkun ka rashe kiitlaq ikha, namshiq khuthaq na mililiim wan. Raüta namshiq ma khusang maq siwan miitu rashekiili ikha mikii kiimaq rashekii chai ikha namshiq khum na ra miwiikuq. Kiimaq namshiq ka wase miishe mija han kiimaq khoqriiq shishiiq, minsaü setiim minsaütiip mong wa nyiim tiiphaq kai kilü dibaiq kiijaq riichunchea tlaq ikha michochi han.

MALAKI 4:2 Referencias Cruzadas

2 SAMUEL 23:4

phuemx rueq buingc muq raungnvp nuex dung yaq shalx, raungyunc httuemz yix wuiljuit wuiljaungx httuingx ruix phex yaq shalx ikhoc rvtueq.”

Tvtsvmc 103:3

Vpiq rueq ngvy mvrax htenc lotlaz kuex dawc kuq gay ruiux ngvy thuiuz vsac htenc muinz tvhvlc kuq phuex.

Tvtsvmc 147:3

Vpiq rueq thuinz vmungx bunx jix htenc muex tvhvlc kuq ruiux tsuingshiq mac vtsac htenc kuex yop kuq tueq.

Tvtsvmc 61:5

O Tishox lex, ngvy bomkhvmc htenc kuex mnoz rueq tay toq, mnoz muex tvtsanc nganc jix htenc rueq guimz yaq tsak vnyvmx htenc kuex mnoz rueq ngaz muex kuq phux.

Tvtsvmc 67:1

Tishox lex, nuiyshiq muex menjenc vtueq ruimruimx kuq koq; nuiyshiq kuex menjenc thuinz maq lawc koq,

Tvtsvmc 84:11

Yehowa kuex naungshiq muex tvkhup wungx kuy jix ngauz vngax yunghvlc hokhvmx rvtueq, menjenc thuinz maq tvtsanc nganc vtueq naungshiq muex ruimruimx kuq yaq. Vpiq rueq vlvmx yauk shuimc jix htenc muex vhvlx phvnx kuy tvkoc tvdux gay yaq rvmuq.

Tvtsvmc 85:9

Vpiq muex tvtsanc nganc jix htenc kuex vpiq rueq palc wvnc tvkoc vsuing tvyoalc yoalx httax yaq, vpiq rueq palc wvnc tueq ngauz vngax kuex naungshiq ghaq vraungx nuex httax tuex.

TAKSU LAK 4:18

Tsuingrux jix khuemc juing lvmx kuex shalx dung wvnc yaq ikhoc yaungx yaq, kvruex kuex raungnuiyq raungwuix wvnc yaq nuex httuiuc laz, pinhtumc wuix wvnc yaq.

ISAIA 30:26

Yapix kuex shalx ikhoc phelez tuex, shalx lez kuex kungkhux wawc htauk nuex muinz mvnz mvshix vjvnc phelez ruiux, raungx mvshix wuic kuex lauk shiz dvyx wuix hungc ikhoc yaungx tuex. Yehowa rueq vpiq miqsaz htenc tvlvp kuq tueq vmac htenc kuex yop kuq vtueq tvhvlc kuq shuex kvkaq, vruex lotlaz yaungx wvnc tuex.

ISAIA 35:6

Yaz kuix jix kuex dawk dat wvnc tuex, nuix tuingx jix waz kuex vkoz vkez maq guyc sez tuex. Yuix saz ruilx htenc kumtsvy tvnx maq kaz wvnc tuex;

ISAIA 49:6

Yehowa rueq ngaz muex, “Ngvy nvrc waz lex, ngaz rueq mnoz tvkoc yauk shuimc yunghvlc vshiz lvp tauk. Kvjungx yaq Israel miqsaz muex yungc loayc wvnc lvmz kuy tvkoc dvyx rvmuq, yuq muinz ngaz rueq mnoz kuex miqphvnx htenc tvkoc vwuic tvyaungc phaungx, kvkaq mungkawx lotlaz kuex palx daungc wvnc rvhumc tueq,” ngoz tueq.

ISAIA 50:10

Yehowa muex tvtsanc nganc jix nuimshiq lotlaz kuex vpiq nvrc waz kvjaz kuex tay phvnx wuez yaq, mnoz khuemc juing kuex nyauk duk yaungx ruiux yaungx tuex, yuq muinz Yehowa muex kvmx kuiuz, m-Tishox nuex kvnvp rvwak kuiuz.

ISAIA 53:5

Yuq muinz naungshiq mvrax htenc ningkhvnc nuex vpiq kuex vmac vtsac rvhumc tueq, naungshiq rueq vbac shuimc wvnc ningkhvnc nuex vwungc rvhumc tueq. Naungshiq hvlx wvnc laung nuex vpiq kuex vkuilc vdaz maq murx gurx yaq, vpiq vmac vtsac lvp ningkhvnc nuex naungshiq mac tsac kuex hvlx kaz tueq.

ISAIA 9:2

Raungnyauk nuex khuemc jix miq htenc rueq raungwuic yunghvlc khiz yaq. Tsuingshiq kuex wulumx mungx nuex httax wvnc tueq, yuq muinz majuiuc raungwuic kuex tsuingshiq htauk nuex wuix yaq.

JEREMIA 17:14

Yehowa lex, ngaz muex tvhvlc kuq koq, kvkaq ngaz hvlx tvlanc hvlx kaz taungx; ngaz kuex palc wvnc koq, kvkaq ngaz kuex hunghtaungx laz kvwungx taungx. Mnoz kuex ngaz rueq tvtsvmc kvmc juing waz rvtoq!

JEREMIA 30:17

Nuimshiq muex ralx hez rueq, ‘Zion kuex vgay shec rvhumc tueq; vshiz raung rueq muinz piq kuex lawc mawc shuex rvmuq,’ ngoz tueq ngoz wuez ruiux muinz, Ngaz rueq nuimshiq muex lauk shiz tvhvlc kuq yek phaungx; nuimshiq mac vtsac htenc kuex tvgungc phaungx. Ngaz, Yehowa rueq jungx vshaungx,” ngoz tueq.

JEREMIA 33:6

Yuq muinz ngaz rueq vruex ghaqyungx nuiyc kvkhoc miq htenc kuex tvhvlc kuq vtueq gvnhttuingc tvyaungc shaungx. Ngaz rueq tsuingshiq muex nomic nuiyc kvhttuiyq kvwungx juing tvkhic kuq shaungx.

EJEKIEL 47:12

Yuix ruilx saz kvruex kawx samx wvguip nuex vsvy mvy vthuey thueyc yaq pulx phvnx ruip saz kemz tuex. Vyauk htenc kuex mkaq muinz yuiuq muq, vthuey muinz htumx muq. Shomc Yuimx maq vkaz yuix saz ruilx lvp ningkhvnc nuex yapix lex tek vthuey vhvlx thuey yaq. Pulx htenc muinz vsvy juing pulx thuey tvthuey kuq ruiux, vyauk kuex miqthuiuz miqsac tvhvlc tvkoc shuimx yaq,” ngoz tueq jungx phuex.

Hosea 6:1

Miq htenc rueq, “Yehowa kox nuex yek wuez ix! Vpiq rueq naungshiq tvthuiuz sac phuex, yuq muinz vpiq rueq naungshiq kuex vsuingc suing tvhvlc kuq phuex; vpiq rueq naungshiq nuex vmac tvkop kuq phuex, yuq muinz vpiq rueq naungshiq mac vtsac htenc kuex yop kuq phuex, vpiq rueq shuimx shuex rvmuq haz?

Hosea 6:3

Naungshiq rueq Yehowa kuex tuiuz laz juing hunglaungx ix. Vpiq kuex raungnvp raungwuic dung wvnc yaq ikhoc muinz, raungyunc yac ghaq htauk nuex raungyunx yaq ikhoc muinz naungshiq kox nuex vsuing httuiuc kaz ruex.”

MALAKI 3:16

Kvruex yimaq Yehowa muex hiyaz jix htenc tsuingshiq vdvmz dvmz rvjungc phvnc wuez tueq kuex Yehowa rueq tay tvtsuingc vtueq tay tueq. Yehowa muex hiyaz vtueq tvtsanc nganc jix htenc muingc wvlc kuex vpiq khaungkac nuex luik dvp vshiz kvyuq wuiyq tvtsuingc taq tueq.

Matthew 11:5

Muik mawz jix htenc rueq khiz lvp wvnc tueq; hukkuix jix htenc khuemx shamx lot yaq; vshungx jix htenc sawc wvnc tueq; nabawx jix htenc rueq tay lot wvnc tueq; vthueyc jix htenc tvyuing tvtenc wvnc rvhumc tueq, htemc saz jix tvkoc Thuix Thaungx Vhvlx jungphvnx kuq yaq.

Matthew 23:37

“Yerusalem lex, Yerusalem lex! Shvmmax bix htenc thvt toq ghaq, Tishox rueq vtvkaz htenc kuex lung maq tuip thvt gay toq ghaq lex! Wukuiux rueq vsahez kuex vraungx khung nuex tvtuimx wvnc shuex ikhoc ngaz rueq mnoz kuex tvkhup wungx wvnc tvkoc paunghvlc lauk hunglaungx wvnc tauk, yuq muinz mnoz rueq roc muq!

Luke 1:50

vpiq muex tvtsanc nganc jix htenc htauk nuex patshiz maq patshiz nuex httuiuc laz menjenc thuinz tvkhic yaq.

Luke 1:78

Naungshiq Tishox kuex menjenc nuiyc lungwawc thuinz mvrc yaq. Vpiq rueq palc daungc wvnc shuex kejux raungwuic kuex raungwawc shalx phez ikhoc naungshiq htauk nuex httuiuc kaz vtueq,

Luke 2:32

Pungnuk miqsaz htumc nuex mnoz thuinroc lvmx tvkhic muex vwuic nuiyc Mmiqsaz Israel tvkoc ngauz vngax kuy lvmx rvtueq,” ngoz tueq jungx tueq.

John 1:14

Bomjungc kuex miqsaz gvnngvmx muex yaungx kaz vtueq, kejux nuiyc tsuingrux lvmx mvrc ruiux naungshiq rulc httax wvnc tueq. Naungshiq rueq vpiq ngauz vngax kuex khiz wvnc tiq, kvruex ngauz vngax kuex Vwaz kox wawc Vsaz vshiz lauklauk waz rueq lvp wvnc tueq lvmz rvtueq.

John 1:4

Bomjungc kuex rullungx thuiuzthuic pauk rvtueq, kvruex rullungx kuex miqsaz tvkoc vwuic rvtueq.

John 1:8

Piq pumz kuex raungwuic muik shauk rvmuq, raungwuic lvmx kuex hakhix khvmc tvkoc vkaz dvyx rvtueq.

John 12:40

“Tsuingshiq muik htenc maq khiz lot ruiux tsuingshiq thuinz vmungx maq tuiuz lot ruiux doc muinz tsuingshiq kuex miqmac vthuiuz vsac mac vtsac hvlc kay tvkoc thuinz kvlayc wvnc wuez tuex. Kvkhoc rvtueq tsuingshiq muik kuex tvmawz kuq gay ruiux, thuinz vmungx kuex puingc kuq gay tauk ngoz tueq Tishox rueq jungx tueq,” ngoz tueq jungx tueq rulc rv-ngvlc tsuingshiq kvmluimx wuez muq.

John 8:12

Yesu rueq Pharise nuk muex jungx yek tueq kuex, “Ngaz kuex mungkawx raungwuic rvtauk. Ngvy yix phvnc jix waz kuex rullungx raungwuic lvp wvnc vtueq mkaq muinz raungnyauk nuex khuemx tuex rvmuq,” ngoz tueq.

John 9:4

Ngvy tvkay jix waz vpiq yauk shuimc kuex raungnuiyq baunglaung naungshiq rueq shuimc juing, uraq muinz shuimx lvp muq raungnyauk vkhing httuiuc wvnc tuex.

Acts 13:26

“Abraham suiuz vsaz phvnx iphuz inox Israel miqsaz htenc nuiyc Tishox muex nawk palx jix vganc Pungnuk miqsaz htenc lotlaz lex, vruex palc daungc wvnc lvmx nuex seng yaq bomjungc kuex naungshiq kox nuex httuiuc waung ruex rvtueq.

Acts 13:47

Yvmx khoc lac ngoz ruiux lec nuiyshiq muex Taungjix rueq: ‘Palc daungc wvnc lvmx kuex mungkawx lotlaz rueq lvp wvnc tvkoc nuimshiq kuex Pungnuk miqsaz muex raungwuic yaungc tvkoc ngaz rueq thvl taq vphaungx,’” ngoz tueq.

Acts 26:18

Mnoz rueq Pungnuk miqsaz htenc muik kuex tvkalc kuy rax, tsuingshiq kuex raungnyauk wawc raungwuic nuex tvhttuiuc kuq ruiux, Satan yauk mungx wawc Tishox kox nuex tvyenc wvnc shuiux. Tsuingshiq kuex ngaz muex kvmluimx ningkhvnc nuex mvrax dawc kuy rvhumc vtueq, Tishox rueq vthvl taq miqsaz muex yaungx wvnc tuex,’ ngoz tueq jungx phuex.

2 Thessalonians 1:3

Phunox bix lex, nuimshiq lvmz nuex seng vtueq Tishox kejux kuex nuiyshiq rueq mkaq muinz tvtsvmc vshix. Kvkhoc tvtsvmc vshix lvmz nuiyshiq rueq shuimx vshix kuex nuiyshiq tvkoc aungx yaq yauk shuimc rvtueq, yvmx khoc lac ngoz ruiux lec nuimshiq kvmluimx lvmz pinhtumc yungx luz wvnc vtueq nuimshiq nuex httax yaq miq muex lungwawc lvmz muinz pinhtumc yungx luz wvnc yaq.

2 Peter 1:19

Kvkhoc rvtueq nuiyshiq kuex shvmmax bix rueq jungc tvtay wvnc tueq bomjungc kuex thuinz nuex rvkhauk laz lvp wvnc tix. Nuimshiq rueq kvruex kvjaz kuex vhvlx waq tsvp kvp wuez shuinz, yvmx khoc lac ngoz ruiux lec kvruex kuex nuimshiq thuinz vmungx nuex lez wvnc vtueq raungnvp ruiywuic poz dungc wvnc nuex httuiuc laz, raungnyauk baung nuex lez yaq wvrkok ikhoc rvtueq.

2 Peter 3:18

Nuimshiq kuex naungshiq palc daungc Taungjix Yesu Christu kejux nuiyc vpiq tuiuz wvnc lvmx nuex tvhttoarc vtueq yungx luz wvnc kuinz. Majuiuc muinz pattup pat-sac muinz Yesu Christu nuex ngauz vngax mhttax kueq! Amen.

1 John 2:8

Yuq muinz majuiuc ngaz rueq nuimshiq muex wuiyq tvwvnc vphaungx vnvrc bomc vruex kuex vnyalx rvtueq, kvruex vnyalx rvtueq lvmx vsuing kuex Christu maq muinz, nuimshiq rueq tuiuz tay wvnc tuit lvmz htenc maq muinz kvkhic yaq. Yvmx khoc lac ngoz ruiux lec raungnyauk kuex moz wvnc ruiux, raungwuic rvkhauk laz kuex lez wvnc yaq shex rvtueq.

Revelation 11:18

Mthuinz khvy kvdaungc yaq vkhing muinz, vthueyc wvnc jix htenc muex phoc kuy vkhing muinz, majuiuc httuiuc wvnc vtuex shex ningkhvnc nuex miq phvnx lotlaz kuex thuinkhaq wuez yaq. Mnvrc waz shvmmax bix htenc, mmiqsaz htenc, mnoz muex hiyaz tvtsanc nganc jix vyungx vruinx htenc, muex yauk mauk kuy vkhing kuex httuiuc wvnc yaq shex. Ghaq vruex tvbac gay jix htenc kuex tvbac gay vkhing httuiuc wvnc yaq shex!” ngoz tueq jungx tueq.

Revelation 22:16

“Ngaz Yesu rueq phungc nuex httax yaq nuimshiq muex vruex lvmz htenc kuex tvtay jungc kuy tvkoc ngoz tueq ngvy raungkamx waz tvkaz tauk. Ngaz kuex Dawid waruiuz wawc rvtauk; raungnvp kox nuex lez yaq ruiywuic poz muinz rvtauk.”

Revelation 22:2

Kvruex yuix ruilx ral kox nueyc nuex vthuey phvnx rokshiz rac phvnnueyc thuey yaq rullungx tvraungx juing pulx kemz yaq, yapix lexshiz nuex laukshiz, wawc shiz nuex lauk rokshiz rac lauknueyc thuey yaq. Kvruex pulx yauk htenc kuex miqphvnx ruip rawx thuiuz vsac htenc tvhvlc kuy juing rvtueq.

RUTHA 2:12

Mnoz rueq shuimx vshuiux yauk shuimc laung Yehowa rueq yauk mauk yauk noalc mkuq kv-phux. Mnoz kvkhup wungx kvnvp vtuiux Yehowa Israel Tishox kox wawc yauk noalc kejux mvrc laz lvp wvnc shuiuz!” ngoz tueq jungx tueq.