Luke 6:48 - ASII LAKDAP Bible (BSI)

⁴⁸ Maiq weshi raq, ajam ka longkaü wat raüta, kham chong thun kra shongto. Raüta, ajam ka haito. Apaiq ka kriiwe kiikha miraq. Akhing ashi na, rajun henghea junto. Raüta, jüchhang kham raq ajam ka kai hut wan nam nam she thaü wanto. Shatmaq, ajam ka akhiismin tiimeshi mak. Ara jamkhano ngangtaq ngukla, apaiq raq kham chong thun ka, longkaü wat raüta shongto.

Hawa Naga Bible 2001

⁴⁸ Kvruex waz rueq ghaq kuex thuiuz hvlc htuz ruiux lung htauk nuex htungyaz tv-phaungx tvjvp vtueq yuimx guirc jix waz rulc rv-ngvlc yaq. Yuix puingx wvnc vtueq kvruex yuimx kuex htulak ruiux yuq, yuimx kuex tvmoay lot shuex rvmuq, yvmx khoc lac ngoz ruiux lec kvruex yuimx kuex phaungx duingduing hvlc vguirx ningkhvnc nuex rvtueq.

Muklom

⁴⁸ Piq sha eshi miq shimal angna, barey him hun ma haqbung sha awing thut eq long khona eshi him sha arong eq hun ta. Jung limta etho him tha nung ta etharin jin thamot núng moq angta chammatakoi him sha jaqhal eq hunta

Luke 6:48 Referencias Cruzadas

2 SAMUEL 22:2

Tatiwe ka ngi tiiwongti; apaiq ka ngi ma kaütang peruk.

2 SAMUEL 22:32

Tatiwe kli dongdii Shiikeawe ka; Shiikeawe kli nashiq tiiwongti.

2 SAMUEL 22:47

Tatiwe asi! ngi Chhiitiwe li tiitsam! Chii riimlanta chongrong laq; Ningkun henghea rümti Shiikeawe jonglu kra! Shiikeawe kli ngi chiiti!

2 SAMUEL 22:5

Ngi ka tsailam jüchhang khamtso raq lam wan miiqmiiq, imiisaq thum chang jütso blun ikhu thaq na.

2 SAMUEL 23:3

Israilnok Shiikeawe raq chongto; Israilnok tiikhup wongketiwe raq, ngi ma akha chongto: “Tri kappe tingting shamti hokhamwe ka, Shiikeawe aming phanphan, mung peng wantiwe ka,

Tvtsvmc 32:6

Arningkhan ümwokhong na tsapkapkap maq siti ümsenginok raq ümman na achu jaü chang, chamchao jüchhang wa ikha saü wan raü min, tsangshiq phana saümak miraq.

Tvtsvmc 62:2

Apaiq riili ngi tiiwongtlo kiimaq chhiikuqtlo; apaiq ka ngi tiichhiiti, krai mren ngi ka re raq ümtiikiimin tangmak.

Tvtsvmc 95:1

Warong ra, nashiq raq Tatiwe tiitsam rong i! Nashiq chojong chise maq Shiikeawe ma shi rong i nashiq tiiwongketiwe ma!

TAKSU LAK 10:25

Rathaiq jonghea misaü; raüta ashut kiimungti ka mipan wan. Shatmaq tingting maiqse ka, khupwong kuqshat miraq.

ISAIA 26:4

Tatiwe ma pattup kam ronglaq; apaiq raq nashiq wranaiqshe mitiiwongkuq.

ISAIA 28:16

Riita, ümchaü Ajong Thaq Na Ajong Pinthum Tatiwe raq akha ngutlo: “Ngi raq Jajon chela na, chela tei wan chang jamkhü longkaü phataqtaq kiimaq angang phan ashi shongkang. Kra jamkhü longkaü thaq na Ngi raq tapshok longkaü tsinhea ashi shongtiikang. Kriithaq na ara bomtsi ara tiiwaiqshat: ‘Kamtsantsii pharang rang sitlaq kriimaq aninwan tsii.’

ISAIA 59:19

Shedong mung maq riita shenyap mung na saüli, maiqse kunli raq apaiq miishe mihai song wan. Apaiq raq ningkun jonghea riimtlaq kra chhi raüta mihai song wan. Apaiq ka jüchhang jonghea ikha misaü wan, kiimaq rathaiq henghea ikha misaü wan.

NAHUM 1:8

Apaiq raq ajaqti thun ka, jüchhang wa ikha, wiita tiithum tsat baiqtlo; Apaiq raq apaiq ngengti, maakhobok na tiidea baiqtlo.

Luke 6:47

Jurwa i phana wa raüta, i bomchong ara tiitsang tai tlaq, raüta lang tlaq; ngi chongpha kriiti ka akha miraq.

Luke 6:49

Shatmaq, jurwa i bomchong ara tai raüta, lang mak sitlaq, kriiti ka maiq weshi raq, ajam kham chong thun ka, longkaü wat raüta shong mak maq, haitaq jam kiikha miraq. Akhing ashi na, jüchhang wa saü wanto. Raüta, apaiq jam ka, tiisii rai, phiiptsi jiiptsi, jüchhang wa riishe hutbaiqtaq kiikha miraq!”

John 16:33

Ngi raq namshiq ma ara bomtsi chongkuq tiipha arka, namshiq ka ngi rai pumshi hanshi maq silanta, hansang maq misi laq nguta ngo maq chongkuq tiikang. Mangjong maiqse raq namshiq ka mitiichamchao wan. Shatmaq, srea nola ma ja ronglaq! Ngi raq mangjong hiq ka tang kang she!”

Acts 14:22

Tsangshiq raq phungmaiqsetiim ma tsangshiq kamasham rang ka samhea apha maq tiicham wan miitu bom she chongkuq wanto. Kiimaq Jesuq ma kamwan tsantsii ka pharangrang maq rüm ronglaq nguta tsaido jido bom akha tsii chongkuqto. “Nashiq ka chamchao litkot walü pahea lea wan laitiitiq Shiikeawe mungtan na saü wan chang,” nguta trahokuqto.

Ephesians 2:20

Ümchaü sanha, namshiq kiimin, kiimwebi nai shammibi raq jamkham longkaü, khamlawe shongpha wantaq, kra thaq niishe shong wan damto. Riita, kra chongtiikai jamhai tlaq kra, khamlawe chaptlaq kriika Jesuq Khristo.

TRI CHONGKE 32:15

“Tatiwe senginok ka chiithe jawanto, shatmaq kiqkhii sruti riito; tsangshiq ka apüwiq, phaqsea chamtraq rongboq. Shatmaq tsangshiq raq Shiikeawe tsangshiq phansangti miimbaiqto, kiimaq tsangshiq chhiiti ningkun henghea riimtiwe shipoqto.

TRI CHONGKE 32:18

Tsangshiq raq tsang Shiikeawe, ningkun henghea riimti chiitiwe laq baiqto, tsangshiq ma tsitsü ketiwe apaiq riito.

TRI CHONGKE 32:31

Tsang jaqtinok raq tsangshiq phra kong ka ningkun ajom nguta asap, Israilnok Shiikeawe kiikha ningkun aheng riimak nguta asap.

2 Timothy 2:19

Shatmaq, Shiikeawe raq ashong khamlawe kaü ka jurmin tiimeshiki lot mak she. Ara khamlawe kaü na akha bomtsi waiq thüje she: “Tatiwe raq asengibi ka sapshat! Jurwa apaiq ka Tatiwe sengi she nguta sitlaq, kriiti raq ngarai lam phan raa mak she,” nguta waiq tlo.

2 Peter 1:10

Ara chong tiikai arai mren, lungwii phunotiim lei, Shiikeawe raq namshiq ka hea wanto. Kiimaq namshiq ka tsea wanto. Krai mren namrilung na atsi ango wahea la petsi chong ikha sirong laq. Kiikha sihan jiika, namshiq kamasham ka ümtiikiimin tiimo baiq man miaq.

1 John 2:28

O raq, i setiim lei, apaiq rai pumshi hanshi maq sirong laq. Akha shongnga hai jiika ümtiikiiwa apaiq ka saüki jiiq, kra Ranaiq nashiq ka apaiq ma hai ma, atiijeasi chang jam min ahü she miraq. Kra Ranaiq nashiq ka tsailam jilam maq, chojong chise she misi rong i.

Jude 1:24

Namshiq ka tiichhan mak maq tiiwongketiwe, kiimaq namshiq ka shutphit ahü siirairai maq apaiq khushü ngao chhainyii mong na shea wantiwe, kiimaq chojong chise maq kiijaq mantut na tiichap wantiwe--

1 SAMUEL 2:2

“Tatiwe khan asii jumin ahü; apaiq khan jumin ahü, nashiq Shiikeawe khan chhiiti jumin ahü.