Luke 6:49 - ASII LAKDAP Bible (BSI)

⁴⁹ Shatmaq, jurwa i bomchong ara tai raüta, lang mak sitlaq, kriiti ka maiq weshi raq, ajam kham chong thun ka, longkaü wat raüta shong mak maq, haitaq jam kiikha miraq. Akhing ashi na, jüchhang wa saü wanto. Raüta, apaiq jam ka, tiisii rai, phiiptsi jiiptsi, jüchhang wa riishe hutbaiqtaq kiikha miraq!”

Hawa Naga Bible 2001

⁴⁹ Yuq muinz ngvy kvjaz vruex tay vtueq phvnx muq waz kuex, htungyaz tv-phaungx tvjvp muq maq ghaq htauk nuex yuimx guirc jix waz rulc rv-ngvlc yaq. Kvruex yuimx kuex yuix puingx vtueq htulak wvnc ruiux yuq, kvkaq dvyx kvlak rul bac wvnc tueq, kvruex yuimx bac wvnc vtuex kuex kvhiz juing yunghvlc rvtueq!”

Muklom

⁴⁹ Etharin iraaq tat eq tong moq ang aa iri miq raa irimal angna, barey haqbung sha múngjamaa thut eq phang khona hun ta; etho junglim eq him sha núng ajo him sha anim náng qhat na etho esha miqcho miqpan shitti ta!”

Luke 6:49 Referencias Cruzadas

TAKSU LAK 28:18

Mitting maiqse ka, khupwong kuq shat. Shatmaq arot akiq kiimungti ka, tiihanghiiq miili thiikho na mithap wa.

EJEKIEL 33:31

Krai mren, isenginok ka ümbom chong kra taiwa kongta hushhu ümphana watlo. Shatmaq ümniiraq tsangshiq ma jamlai bom wa chongkuq tlaü kriika tsangshiq raq lang mak. Tsangnübok miika lungwii bomtsi bomtlo. Shatmaq tsangshiq ka sükha rilung lam kra phan raütli sitlo.

Hosea 4:14

Shatmaq ngi raq namsetiim jechaksere mephe-nyung ma jakai kha na tsat son mang. Kiimaq nam-nam-nyungtiim sethoq jakai kha na, tsasha mang. Jamkhano ngukla, namshiq maiqmii kiimin, sumla phra shomjam na siti, mephe-nyungre rai siki dam tlan, arningkhan nyan ahü phan ka, athum mirhum.

Matthew 23:3

Kriikha maq tsangshiq raq namshiq ma jamlai phan wa chongkuq tlaq kriika lang ronglaq. Shatmaq tsangshiq rong arai kriika namshiq raq naq phan rongkiq. Tsangshiq raq jamlai wa nokwe ma chongkuq tlaq kriika tsangshiq maiqmii riika lang mak.

Matthew 24:10

Kra akhing na ngi ma kamwanti maiqse pahea raq tsangshiq kamtsantsii ka athaq mirbaiq. Tsangshiq liipan na riingeng riiseng she mirwan. Kiimaq weshi raq weshi ka mung welabi ma mitiishaü kuq wan.

Mark 4:17

Shatmaq, tsangshiq tsan mong na atsaü shang mak dea. Kriikha maq, alu tsing mak. Tsangshiq raq Shiikeawe bomtsi ma kamwan kha na, chamchao litkot akhing she saü raüla, Shiikeawe ma kamwan tsii ka athaq she riibaiq tlo.

Luke 12:47

“Atijong we raq apaiq ma jamlai jaqsham achong wa, kra sapshat shat taü miimin, kra jaqsham tiije mak maq haisea wanti jaqshise kriika, atijong we raq amo tsihea mitiiho.

Luke 19:14

Shatmaq, tsangmungti raq apaiq ka kai ngengto. Kriikha maq, tsangshiq raq apaiq jai na, tsütsa ka, ‘Naishiq raq arwe arka, naishiq khuthaq na hokham ma tiija wan romai!’ nguta kiimwebi tat raüta bom ka tiichongkito.

Luke 19:27

Riita, ija, ümchaü min, i jaqtinok, ngi ka tsangshiq khuthaq na hokham ma tiija wan lungwii makti thun kriika, lap wa lanta ana tsiiq wa rongkiq. Lanta, tsangshiq ka ajaq, i makki na jiipbaiq ronglaq!’ ”

Luke 6:46

“Namshiq raq ngi nangnga, ‘Tatiwe, Tatiwe,’ ngutiika jaram li wa hearat tlan, ngi raq namshiq ma jamlai bomtsi wa chongkuq tiikang, kra riiwe ka lang man?

Luke 6:48

Maiq weshi raq, ajam ka longkaü wat raüta, kham chong thun kra shongto. Raüta, ajam ka haito. Apaiq ka kriiwe kiikha miraq. Akhing ashi na, rajun henghea junto. Raüta, jüchhang kham raq ajam ka kai hut wan nam nam she thaü wanto. Shatmaq, ajam ka akhiismin tiimeshi mak. Ara jamkhano ngangtaq ngukla, apaiq raq kham chong thun ka, longkaü wat raüta shongto.

Luke 7:1

Jesuq raq mungmaiqse ma traho bom chongkuq lot raütiishe, apaiq ka Kaparniam na wawanto.

John 15:2

Apaiq raq i tsung na, atsi ahühüti i kü i ko thun kriika, angei riibaiqtlo. Kiimaq, atsi asisiti i kü i ko thun kriika, aheawiq maq tiisii chhintsii wantlo. Raüta, atsi ango ka apapa she tiitsi ngo wan miitu, ashun thun kriika, aton riibaiqtlo.

Acts 20:29

Ngi raq asap ha, i kiim tiijinho jai, namshiq phana bihea pinthum shekong kriishe misaü wan. Raüta, tsangshiq raq skuse kong ka wiita mitiiküshii baiq.

Acts 26:11

Ngi raq tsangshiq ka akhing pahea, sinagok thun maq tsat wan kang. Lata tsangshiq raq Jesuq ma kamtsantsii thü tlaq, tsangshiq kamtsantsii kra, tiipan baiq miitu, tiiphiip miijiip longliiq wan kang. Ngi ka tsangshiq ma, i tsankhiq ninlot mangshe kha maq, tsangshiq ka pongmung chela thun na saülili she tiikot trot jowan lata, tsangshiq pahea tiichamchao wan kang.

1 Thessalonians 3:5

Arningkhan tiina, ngi raq Timothi ka namshiq liiwa, tiiwa kang. Ngi raq namshiq miitu chapa tsi ka ninlot mang she riilata, apaiq ka namshiq kamasham ka jamkhiiwa kra, tho tlap wa nguta, tiiwa kang. Ngohea shaqshaq dea, namshiq ka thawe maitai na dea man sha, kiimaq naishiq raq ümtinkhan wa jaqsham wankai ka, atu niika moki mak ahiq na, nguta tlii wa tiiwa kang!

2 Peter 2:20

Ara ngarai khamchum mangjong hiq na riitsam nyiim tlaq ara mong wa maiq tiichhii wan tlaq kriika, tsangshiq raq nashiq Tati kiimaq nashiq Chhii wanti we Jesuq Khristo ma kamwan raüta tiichhiitlo. Shatmaq, tsangshiq ka man na jamkho siwan taq kiikha rilung lamphan achü na hali jangho nong raüta, tsangshiq hanho phara ngarai rong arai kharü mong na thongshi ri hali jangki nong raü ka, tsangshiq rilung ka Phung na mishang shaq na sitaq kra nam ma tiimiqchup naolaq she miraq.

1 John 2:19

Riita ara chongtiikai Khristo ma wesang raliibi thun arka, apha miiphü nashiq rai tushi niika sidam mak dongdii. Kriikha maq, tsangshiq ka na tu mong wa pong na tiichiiq raüta pong lamphan na kihoto. Tsangshiq ka nashiq ngam napti dongdii ngu raü ka, nashiq rai adam na riitushat maq misi dam wa. Nashiq tushi wa tsangshiq ka pong na tiichiiq raüta kihotaq kra, tsangshiq ka nashiq rai tushi na sidamti ka riimak dea nguta tiisap shat mirlaq nguta ngo maq pong na khüphiiq niishe tiichiiq raüta kihoto.