Luke 6:47 - ASII LAKDAP Bible (BSI)

⁴⁷ Jurwa i phana wa raüta, i bomchong ara tiitsang tai tlaq, raüta lang tlaq; ngi chongpha kriiti ka akha miraq.

Hawa Naga Bible 2001

⁴⁷ Ngvy kox nuex kaz vtueq ngvy kvjaz tay ruiux phvnc jix waz ukhaq yuq muinz, yvmx rulc lac rv-ngvlc yaq nguinx kuex ngaz rueq nuimshiq muex jungx kuq ix.

Muklom

⁴⁷ Utang iching náng kapha na etho iraaq tat eq tong aa, eshi miq shi chamrol aa sha nga takhi kophang.

Luke 6:47 Referencias Cruzadas

ISAIA 55:3

“Taironglaq ümchaü, isenginok lei, lantea Ngi phana warong ra; warong ra, raüla namshiq raq rilung milap han! Ngi raq namshiq rai pattup pat-sa miitu tong mishongha, lata achu shiiman mikuqha, Ngi raq Dawit ma kiq akham kuqha kra.

Matthew 12:50

Jurwa i We ramungtan na sitiwe raq achong bomtsi kra tai tlaq, kriiti kata ngi ma i no, i sheanyung kiimaq i nyung.”

Matthew 17:5

Apaiq ka abom rai liipan kiijiiniili, tiidong chhaq maq phongtsok ra wa chhaihea langlang phumlü da ashi deaki raüta, tsangshiq tarü ka pang baiqto. Kiimaq phumda mong wa maiq bom ashi akha taito, “Ahata I tsantsii ran chang I Se. Ngi ka apaiq ma pinthum khoqriiq wan tiikang. Apaiq bom ka tai rong laq!”

Luke 11:28

Kiijiishe, Jesuq raq, “Kra nam miika, jurwa Shiikeawe bomtsi ka tai raüta lang tlaq, kriiti ma kopan jonghea miraq!” nguta apaiq bom ka treto.

Luke 14:26

“Juwa i jaqshi ma jawan ro tlaq, kriiti raq ngi ka anyung nai awe, achak nai asetiim, aphu nai anotiim, ashea nyungtiim, kiimaq apaiq khum thaq niimin, ngi ka apa lungwii mak jiila, apaiq ka i jaqshise ma jawanlot mak.

Luke 6:48

Maiq weshi raq, ajam ka longkaü wat raüta, kham chong thun kra shongto. Raüta, ajam ka haito. Apaiq ka kriiwe kiikha miraq. Akhing ashi na, rajun henghea junto. Raüta, jüchhang kham raq ajam ka kai hut wan nam nam she thaü wanto. Shatmaq, ajam ka akhiismin tiimeshi mak. Ara jamkhano ngangtaq ngukla, apaiq raq kham chong thun ka, longkaü wat raüta shongto.

Luke 8:13

Tsamlai longrong hiawia na arokti ka ara. Maiq ümriiti riiwa Shiikeawe bomtsi ka tai raüta, chochikhiq maq lang tlo. Shatmaq, tsangshiq tsan na arang ka atsaü maq cham mak dea. Tsangshiq kam- tsantsii ka jaqlose miitu li sitlo. Krai mren, maitai chamchao akhing saü tlaq ranaiq na, tsangshiq kamtsantsii ka achhan riiwan tlo. Kriiti ka tsamlai longrong hiawia na arokti maq shiiton tlo.

Luke 8:8

Shatmaq, tsamlai wiijam ka hiqngam na rokto. Krai mren, tsam cham ka aheawiq jong lu wanto. Raüta, tsam ka aheawiq dong man wanto. Raüta tsamnyam nyam nyamshi niili tsamrai ka rai shishi dong manto.” Ara chongkuq raütiishe, Jesuq raq abom ka akha shatto, “Juwa ni asi, kriiti raq tiitsang tai ronglaq!”

John 10:27

I skukong riika i bom tai tlo. Ngi riimin, tsangshiq ka loweatek asap ha. Krai mren, tsangshiq raq i jai phan tlo.

John 13:17

Riita, ümchaü sanha, namshiq raq ara chongkuq tiikang tengteng bomtsi arka sap lan she. Jurwa ara bomtsi ara lang lanta mishong nga han, kriiti ka pinthum khoqriiq shishiiq miishe misi han!

John 14:15

“Namshiq raq ngi lungwii han jiika, i wokhong na silanta, ngi raq namshiq ma aming kuq tiikang kra lang lanta misi han.

John 5:40

Kiikhiitaü maq dongdii min, namshiq ka i puk na riikhaqli rilung lap wan miitu nyap wan ro man.

John 6:35

Kiijiishe, Jesuq raq tsangshiq ma chongto, “Ngi ahata rilung tsitsü winsii. Juwa i puk na nyap tlaq, kriiti miika ram tsimak she miraq. Juwa ngi ma kam tlaq, kriiti ma khamnyang min tsimak she miraq.

John 6:37

I We raq ngi rii nguta ümchuwa maiqse thiiqtaq, kriiti thun ka i puk na minyap wan. I puk na nyap wanti ka ngi raq jumin jai na tiijang baiq mang she.

John 8:52

Kiijiishe, tsangshiq raq apaiq bom ka tre nongto, “Ahata! Ümkhum na abi winji asi ngutiikai ka tiisapshat she dea! Abraham ka atsaikai kun she. Kiimaq shammibi thun kiimin atsaikai kun she. Jamlai jiq ngu kai! Ümbom chong kra lang wanti ka tsai mak she miraq ngukai?

Hebrews 5:9

Apaiq raq ajaqsham wan chang ümchuwa sitlaq kra, kunkun tiinyi sham wan kha maq, apaiq ka minhap maiqse ashi miishe jawanto. Krai mren apaiq ma kamwantibi ma apaiq ka tiichhiiwan tsitsü raüchong miishe jawanto.

James 4:17

Arkha maq, Phungmaiqse ashi raq jaqsham ahea sham chang asi nguta, sapshatshat taü maq sham mak raü ka, kriika apaiq ma ngarai miraq.

1 Peter 2:4

Riita ümchaü min, warong ra, Tati Jesuq Khristo, atra longkaü, mangjong maiqse raq apaiq ka jam min taimak, thiihü nguta atiithu baiq, apaiq pha na warong ra. Shatmaq, Shiikeawe raq apaiq ka rahea longkaü nguta tsea wanto.

2 Peter 1:10

Ara chong tiikai arai mren, lungwii phunotiim lei, Shiikeawe raq namshiq ka hea wanto. Kiimaq namshiq ka tsea wanto. Krai mren namrilung na atsi ango wahea la petsi chong ikha sirong laq. Kiikha sihan jiika, namshiq kamasham ka ümtiikiimin tiimo baiq man miaq.

1 John 2:29

Namshiq raq Khristo ka asii arai we nguta asap han. Krai mren, jurwa tingting jaqsham tlaq, kriiti ka Shiikeawe se she nguta namshiq raq sap chang kata.

1 John 3:7

I setiim lei, namshiq ka jumiimin naq tlao rongkiq! Khristo ka asii kechu maiqse. Krai mren, jurwa tingting jaqsham tlaq, kriiti ka kechu maiqse.

Revelation 22:14

Kechu jonghea jurwa maiqmii samtong jong ka tiisii heje sam raüta sitlaq. Tsangshiq ka chela mong na minyap wan lot kiimaq tsangshiq ma rilung tsitsü petsi chong kiiwa petsi pansea miitu arang asi miraq.