Luke 6:12 - ASII LAKDAP Bible (BSI)

¹² Kiitincho ji, ranaiq shi, Jesuq ka hiqlam ashi na, achu jaüwa wawanto. Kiimaq apaiq ka rawa minru Shiikeawe jaq wa achu jaüto.

Hawa Naga Bible 2001

¹² Kvruex baunglaung Yesu kuex vjux thoz tvkoc kanx nuex duiz wvnc vtueq wvrx taungx Tishox kox wawc vjux thoz tueq.

Muklom

¹² Ethi rangham tho Jesu romtam chuk ma haqkan náng qhangta etho piq aa paltáng Shkewa jamoq romtam chuta.

Luke 6:12 Referencias Cruzadas

Tvtsvmc 22:2

Ranaiq na ngi raq ümnaq heatiikang, i Shiikeawe lei, shatmaq ümniiraq tre maü; ngi raq rawa na heatiikang, shatmaq nii phin mak.

ISAIA 26:9

Rawa thung niimin itsan imong wiita kuq lata, ümniikli lungwii tiikang, ümtiikiiwa ümniiraq mangjong hiq kha miphohaü, kiijiiqtiq tsangshiq wiita raq tingting khapho ka jamlai wa kra misap.

DANIEL 6:10

Riita, Daniel raq kra aming ka khatto she nguta tho lapto. Apaiq ka ajam na wawanto. Raüta apaiq jam rathong khok na kitanpu thun kilü tlinshat asi riito. Kra kitanpu thun ka Jerusalem chela nü na tiinyi raqraq riito. Kitanpu thun tlin shat kiijaq walili raüta, rahinjaq ratili na jamkho achu jaütlaq kiikha, ranaiqshi na jangtsamtsam kaütsrong na nga raüta Shiikeawe jaq wa achu jaüto.

Matthew 5:1

Jesuq raq maiqphong ka chhi raüta, apaiq ka hiqlam ashi na wawanto. Raüta kiijaq ngawato. Kiimaq, ajaqshisetiim ka apaiq tro na riitam ngato.

Matthew 6:6

Shatmaq ümtiikiiwa ümniiraq achu jaü tlaü, kra akhing na, ümniika ümtap mong na walaq, laüta kilü maq tiishaq laq. Laüta üm We maiqse raq makhia maq chhilot mak we jaq wa achu ka jaü laq. Raüla pumsii jaqsham chhiti üm We raq ümniima poksi ka mikuq.”

Mark 1:35

Anap ranap na, wuwacho niili, Jesuq ka tiidohoto. Raüta, chela phai na, maiq akaiq kaiq ba na kihoto. Raüta achu jaüto.

Mark 3:13

Kra jai maq, Jesuq ka hiqlam ashi na wawanto. Raüta kiijaq, apaiq raq ümriiti wa rotla, kriiti thun ka apaiq phana heato. Krai mren, tsangshiq ka apaiq phana wato.

Mark 6:46

Mungmaiqse tiiwa lot jai she, apaiq ka hiqlam ashi na achu jaüwa wawanto.

Luke 5:16

Shatmaq, apaiq ka maiq akaiq kaiq ba na, apaiq honhonse kiholili raüta, achu jaüto.

Luke 6:11

Kra chhi raütiishe, tsangshiq ka walüwa ikhiishe khiq trangto. Kiimaq, tsangshiq liipan na, Jesuq ka tsangshiq thiikho na jamkhii tiithap chang wa miraq nguta, bom ka riichongto.

Luke 6:17

Jesuq ka hiqlam maq, akiimwetiim rai satki raüta, hiq thung ba na, ajaqshisetiim pahea rai chapto. Maiq mungnyung mungse, Judia wang tlotli wa, kiimaq Jerusalem wa, kiimaq Tajar nai Sidon hong na khamjong kii na atei chela thun wa awa rai thun ka kiijaq thungto.

Luke 9:18

Ranaiqshi Jesuq ka achu jaürea riito. Kiijaq ajaqshisetiim ka apaiq phana wato. Kiijiishe, “Mungmaiqse raq ngi ka ju nguto ngu tla?” nguta apaiq raq tsangshiq ma waito.

Luke 9:28

Arthun ara chongke wan jai maq chepat shitin jai miishe, Jesuq raq apaiq rai Petar, Johan kiimaq Jakob kra shea raüta, hiqlam ashi na achu jaü wa wawanto.

Luke 9:29

Apaiq ka achü jaürea liipan niili, atheaphi kriika klaisaq klai kito. Adü na asam khea kriika chhaihea langlang, maklüp jaqlüp she chhairaito.

John 6:3

Jesuq ka ajaqshisetiim rai hiqlam ashi niishe ngawato.

Colossians 4:2

Achu jaü ka teptep maq jaü ronglaq. Jamlai wa jaü tlan, kra tsan na tiitsang shat maq jaü ronglaq. Kiimaq Shiikeawe ma kechutum shat maq si ronglaq.

Hebrews 5:7

Jesuq ka mangjong hiq na siji na, achu jaü maq siwanto. Apaiq tsan mong na tiima tsantsii atsin maq, apaiq ka atsai chang wa tiichhii lotti, Shiikeawe jaq wa achu jaüto. Kiimaq makphai trok raüta, ajong maq hong raüta, Shiikeawe ma tiitaito. Apaiq ka Shiikeawe wokhong na phaqchii nichii maq siti kha maq, Shiikeawe raq apaiq achu jaü bomtsi thun kra tre kuqto.

1 SAMUEL 15:11

“Ngi raq ka Saul ka hokham ma shong kang kriikha na ümchaü kai tiishudaq tiikang. Apaiq raq ngi ka jainong miishe shung thüto. Raüta ngi raq apaiq ma aming akuqha kra jinto.” Samuel ka akhiq riito, kiimaq rawa minru konhü maq Tatiwe man na achu jaü tiipaiqneato.