Luke 6:12 - Hawa Naga Bible 2001

¹² Kvruex baunglaung Yesu kuex vjux thoz tvkoc kanx nuex duiz wvnc vtueq wvrx taungx Tishox kox wawc vjux thoz tueq.

ASII LAKDAP Bible (BSI)

¹² Kiitincho ji, ranaiq shi, Jesuq ka hiqlam ashi na, achu jaüwa wawanto. Kiimaq apaiq ka rawa minru Shiikeawe jaq wa achu jaüto.

Muklom

¹² Ethi rangham tho Jesu romtam chuk ma haqkan náng qhangta etho piq aa paltáng Shkewa jamoq romtam chuta.

Luke 6:12 Referencias Cruzadas

Tvtsvmc 22:2

Ngvy Tishox lex, raungnuiyq nuex ngaz rueq mnoz kuex gvl phaungx, yuq muinz mnoz rueq tvralc muq; ngaz rueq raungwvrx nuex gvl vphaungx, yuq muinz nyec tvkuiyq lvmz ngaz rueq lvp mauk.

ISAIA 26:9

Raungwvrx nuex ngaz kuex mnoz muex ngvy thuinz vmungx lotlaz maq rvwvl vphaungx; ghaq nuiyc kvyuq httax yaq miqsaz htenc kuex mnoz rueq phox shuiux nuex, tsuingshiq lotlaz rueq tvrac vlvmz kuex yvmx lac rvtvnx tvluing wvnc wuez shuex.

DANIEL 6:10

Kvkhoc tvdvy tueq bomc kvyuq sohic htuing tueq kuex Daniel rueq tuiuz vtueq, yuimx nuex waung wvnc tueq. Piq yuimx raunghtauk khok Yerusalem kox nuex vtvmuiz katvnc puc htenc httax yaq. Kvruex yuq piq rueq mkaq muinz shuimx ruiux yaq rulc rv-ngvlc, katvnc puc htenc daz shec tueq kvyuq nuiyq shiz nuex lauk thuimx kuix tsvrung nuex bumx vtueq Tishox kox wawc vjux thoz tueq.

Matthew 5:1

Miq vkung vdaungx htenc kuex khiz vtueq Yesu kuex kanx nuex duiz wvnc tueq. Vpiq vngaungc nuex vsangac hez kuex vpiq kox nuex kaz wuez koq tueq,

Matthew 6:6

Yuq muinz mnoz rueq vjux thoz ruiux yuq yuimx mungx khok nuex woz vtueq kaluix kuex shauk gay ruiux raz tueq, muik maq kvkhic muq waz m-Waz yauk wawc thoz shuiuz. Vyumx samaq shuimx yaq kuex khic lvp jix waz m-Waz rueq mnoz muex yauk mauk kuex kuq kv-phux.

Mark 1:35

Nvp yix raungnuiyq raungnvp samaq, raungx max wuix nuex vpiq kvtenc vtueq yuimx kvwawc kaz wvnc tueq. Vpiq kuex miqghaq kvwawc kaz wvnc vtueq suinglix lix baung nuex vjux thoz tueq.

Mark 3:13

Kvruex yimaq Yesu kuex kanx nuex duiz wvnc vtueq vpiq yix phvnc roc jix htenc kuex vpiq rueq gvl tueq. Tsuinghez vpiq kox nuex httuiuc kaz wuez tueq,

Mark 6:46

Nuk miqsaz muex gvnhttuingc ngoz tueq rvbomc lot yix vjux thoz kay ghaq luimx vshiz nuex vpiq kaz wvnc tueq.

Luke 5:16

Yuq muinz Yesu kuex htungx httax yaq rulc rv-ngvlc yaruix rumz nuex kaz vtueq vjux thoz kaz tueq.

Luke 6:11

Tsuingshiq kuex pinhtumc khaq vtueq Yesu muex yvmx khoc maq mvrax tvgurc juing lac ngoz tueq rvjungc phvnc wuez tueq.

Luke 6:17

Yesu kuex kamx waz hez rulc roc nuex kanx maq svt kaz vtueq ghaq htungx nuex httuiuc kaz tueq, kvruex yuq vpiq sangac bix phungc shiz kvdvyx muinz rvmuq, Yuda mungx nuiyc Yerusalem ghaq wawc muinz, svmuktvrax yuix kawx wawc Tire nuiyc Sidon wawc vkaz miq muinz paunghvlc vhttax rvtueq.

Luke 9:18

Laukshiz Yesu jvnjvnc vjux thoz yaq nuex, sangac bix kuex vpiq kox nuex kaz tueq. Vpiq rueq tsuinghez muex, “Nuk miqsaz htenc rueq ngaz ngoc ukhaq lac ngoz yaq nguinx?” ngoz tueq wiz tueq.

Luke 9:28

Kvruex lvmz htenc jungphvnx kuq tueq jepat shiz tanc httvmx tueq yix maq, Yesu rueq Peter, Yohan nuiyc Yaku hez kuex shvlx wvnc vtueq vjux thoz tvkoc kanx nuex waung wvnc tueq.

Luke 9:29

Piq rueq vjux thoz yaq baunglaung, vpiq htvlx phawc shvmx kv-phelc wvnc tueq nuiyc vpiq svmhung kvmuinz luic hvlc phelez wvnc tueq.

John 6:3

Yesu kuex ghaqluimx vshiz nuex duiz woz vtueq vpiq sangac hez rulc vdvmz nuex ngaungc naungx tueq.

Colossians 4:2

Thuinz luimx lilix maq vjux thoz wuez shuinz, vjux thoz shuinx nuex honc lvmz tharc svmz hvt maq Tishox muex kejux vyungx ngoz wuez shuinz.

Hebrews 5:7

Yesu kuex ghaq htauk nuex miqsaz shauk gvnz muex yaungx kaz vtueq httax tueq baunglaung, vpiq kuex vthueyc wawc palc daungc wvnc lot jix waz Tishox kox wawc muikphic svrc yaq lvmx maq guyc sez vtueq vjux thoz tueq, Tishox rueq muinz vpiq vjux thoz bomc kuex tay kuq tueq. Yvmx khoc lac ngoz ruiux lec vpiq thuinz tv-nyenz ruiux, Tishox thuinroc lvmx phvnc ningkhvnc nuex rvtueq.

1 SAMUEL 15:11

“Sholu kuex ngaz rueq hokhvmx muex tvyaungc gay vtueq ngaz yonz vtaungx; piq kuex ngvy kox wawc kvroz wvnc vtueq ngaz rueq nvr shaungx bomc muinz phvnx muq,” ngoz tueq jungx tueq. Samuel kuex thuinkhaq tueq, piq rueq wvrx taungx Yehowa kox wawc kvmenc jenc thoz tueq.