Luke 6:13 - ASII LAKDAP Bible (BSI)

¹³ Anap ranap niishe, apaiq raq ajaqshisetiim ka apaiq tho na triitam riichom heato. Raüta, tsangshiq phong wa roqshi ri wenai ka kiimwebi miitu shiikapto.

Hawa Naga Bible 2001

¹³ Raungwuic wvnc koq tueq, vpiq sangac bix kuex gvl vtueq tsuinghez phungc wawc waz rokshiz rac wanueyc thvl taq ruiux, kvruex hez kuex kamx waz hez ngoz tueq muingc tueq.

Muklom

¹³ Rangwung sey ang atho ujiphantey tang tha halta etho ethi tang thiwang asi ani tal eq ning thima apostle ta miing shing ta.

Luke 6:13 Referencias Cruzadas

Matthew 10:2

Kiimwebi roqshi ri wenai shong wantaq mang thun ka ara riito: Apha shaqshaq we mang ka Simon, (Apaiq ka Petar ngutiimin ngutlo). Kiimaq apaiq ma anowe ka Andru. Kiimaq Jebedi we senai Jakob nai anowe Johan.

Matthew 19:28

Kiijiishe Jesuq raq tsangshiq ma chongto, “Namshiq raq tsan na tiitsang shat maq siwan lili rong laq. Ümra akhing niiwa Mungtan Anye kra saüho tlaq, kra akhing na Maiq Se ka apaiq Hokham ngachang ngacho na nga raüta, achhai anyii maq, mung ka milang wan. Kra akhing na, ümchaü namshiq i jaqshisetiim weroqshi ri wenai sitlan kriimin, maiqmiimii hokham ngachang na nga lanta, ngi rai Israilnok mung maiq phan phan roqshi ri phannai kra milang wan.

Matthew 9:36

Apaiq raq mungnyung mungse riiphong rong rai wantlaq kra thun ka chhi wan raüta, tsangshiq miitu atsan mong na kai tsi wanto. Tsangshiq ka achapa riili tsai wan raüta siwan tlaq kra chhi raüta kiimaq tsangshiq ka tsangshiq rümkom wanti ahü, skuse kong mangrang mra mangmii rai wan tlaq ikha, chamchao rai wan kra chhi wan raüta, apaiq tsan ka kai tsi wanto.

Mark 6:30

Akiimwetiim ka traho wanhiq khumrii maq jangwa raütiishe, Jesuq rai riihumto. Kiimaq tsangshiq raq trahokuq wantaq nai shrinkuq wantaq thun tsütsa kra apaiq ma tiitai chong kuqto.

Mark 6:7

Apaiq raq ajaqshisetiim roqshi ri wenai ka, adam na triitam hiato. Raüta, tsangshiq ma, tsak amii tha thun kra jobaiq miitu arang kuqto. Raüta, tsangshiq ka wenai nai maq, trahokai tiikito.

Luke 11:49

Riita akha maq tiina, Shiikeawe Taksma raq chongtaq, ‘Ngi raq tsangshiq phana shammi bi nai tsasoqtibi mitiikiha. Tsangshiq raq wiijam ka atsea mirbaiq. Kiimaq wiijam ka atiichamchao mirwan.’

Luke 22:30

Krai mren, namshiq ka ngi rai i Mungtan na hokham ngachang na nga lanta, takshi pinshi maq miphaq siq wan dam han. Lanta namshiq ka Israilnok maiq phan, phan roqshi ri phan nai kra thaq na nga lanta, mungsea wan mungtubi ma mija wan han.

Luke 6:14

Tsangshiq ka arthun ara: Simon (Apaiq raq kriiwe ka Petar nguta mangto), kiimaq ano Andru; Kiimaq Jakob nai Johan, Philip nai Bartholomi.

John 4:33

Kra tai raütiishe, “Riita, ashi ra raq apaiq ma tü adung sha kuqta nya?” nguta ajaqshisetiim liipan na bom ka riiwaito.

Acts 1:13

Tsangshiq ka Jerusalem na jang wanto. Raüta, tsangshiq jap chang jam na rathong khokti kiina riitam ngato.

Ephesians 2:20

Ümchaü sanha, namshiq kiimin, kiimwebi nai shammibi raq jamkham longkaü, khamlawe shongpha wantaq, kra thaq niishe shong wan damto. Riita, kra chongtiikai jamhai tlaq kra, khamlawe chaptlaq kriika Jesuq Khristo.

Ephesians 4:11

Apaiq arkata, “Maiqse angu ma kongphiq pahea pheakuqto” nguta chongtliiwe kra. Apaiq raq, maiqse wiijam ka kiimwebi ma shongto; maiq wiijam ka shammibi ma shongto; kiimaq wiijam ka Tsütsa Ahea chongke wan miitu shongto; wiijam ka shrabi ma shongto; kiimaq wiijam ka ashrinketi ma shongto.

Hebrews 3:1

Shiikeawe raq ngi rai ahea wan damti, asii lungwii Phungmaiqse phunainotiim lei! Nashiq raq Shiikeawe ma kam tiikai lamphan na, nashiq shunshea wanti we, Jesuq ka Shiikeawe raq Ramwe Ajong Pinthum ma shong raüta tiikito. Apaiq raq nashiq ma Ramwe Ajong jaqsham kuq tlaq kra atsi dada maq tiima laita si rong i.

2 Peter 3:2

Richü pat na, asii ra shammibi raq chü rüm raüta, Shiikeawe bomtsi riisham bom maq chongkuq wantaq tsütsa kra nai nashiq Tatiwe kiimaq nashiq Chhii wanti we raq ashrinkuq Tsütsa Ahea kiimwebi lümaq namshiq ma chongkuqtaq kra, ümchaü namshiq ma bliiq chongke nong rotiikang.

Revelation 12:1

Kiijiishe, pinthum awang chang jonghea rawang win na tiijikito chhikang. Kiijaq maiqnyung ashi, apaiq miirii ka rashe kaü samraü, kiimaq jipi kaü thaq na ahok ka tiida raüta nga raü chhikang. Kiimaq apaiq hokham khuphok phok tlaq kriika raiqsaiqpo roqshi ri anai maq tiimii raüta ahai riito.

Revelation 18:20

Chochi ronglaq, o ramungtan lei, arnyung thentaq ara miitu! Chochi ronglaq, Shiikeawe sengi, kiimwebi kiimaq shammibi lei! Apaiq raq namshiq ma haihii wantaq, kriikha na Shiikeawe raq namshiq tiichhii wan, apaiq ka tüsaiq she tiishut baiqto!

Revelation 21:14

Kra chela tro na peruk haitaq kra tiichap wan chang ka longkaü roqshi ri anai thaq na sii wan raüta haito. Kra longkaü thun thaq na Skuse kiimwebi roqshi ri wenai mang ka tiiwaiq shat asi.