Luke 24:44 - ASII LAKDAP Bible (BSI)

⁴⁴ Kra raütiishe, apaiq raq tsangshiq ma, “Arthun ara ngi kongkhuji na namshiq rai siji na, chongkuq pha ihata. Ngi miitu, Mosheq Thungtri na kiimaq, shammibi lak na, kiimaq Tiitsam shi lak na awaiq thü bomtsi thun kriika, kunkun she kupi wan chang dongdii miraq nguta chongkuq pha ihata,” nguta bom ka tsangshiq ma chongkuqto.

Hawa Naga Bible 2001

⁴⁴ Kvkaq Yesu rueq tsuingshiq muex, “Moshe Tvrac nuex muinz, shvmmax bix luik htenc nuex muinz, Tvtsvmc luik nuex muinz ngvy lvmz nuex seng vtueq wuiyq shec tueq lotlaz hungx wvnc tuex, ngoz tueq nuimshiq rulc vdvmz httax tauk nuex ngaz rueq nuimshiq muex jungx phaungx,” ngoz tueq jungx tueq.

Muklom

⁴⁴ Ethi jio, piq aa ning ma batta, “Nga nim jamoq tong taphang tok tho iri tang raa hun bat taphang: Moses thong na, rangsamal tang aa ka shingta eshina etho Psalms likdap na i tung aa raaq chamlang ta batta tang thaji tha asing ang ching.”

Luke 24:44 Referencias Cruzadas

RAPHA HIQWA LAK 14:18

Kiimaq Melkijedek, apaiq ka Salem chela hokhamwe kiimaq apaiq ka Ratsan Ramong Nyang Na Siti Shiikeawe ramwe raq, Abraham ma winsii nai spiqtai lam kuqhoto.

RAPHA HIQWA LAK 22:18

Ngi raq ümsaü ümsetiim shiiman kuq kang kiikha maiq phan wiita raq Ngi ma tsangshiq kiimin shiiman kuqlaq nguta mijaü. Jamkhano ngukla ümniiraq Ngi aming langlaü.”

RAPHA HIQWA LAK 3:15

Kiimaq Ngi raq jechak nyung nai ümnaq liipan na makshu rashe mitrii-riingengha. Apaiq laila nai ümlai ümla liipan na wranaiqshe wesang ralii she misi wan. Apaiq lai ala raq ümkhupo ka mitiibuntiiq. Kiimaq ümniiraq tsangshiq hokphi na mithaü haü.”

RAPHA HIQWA LAK 49:10

Juda raq hokham nyeakii kra misham, Kiimaq asaü ase phan raq pattup mung misiq wan. Maiq mung thun raq apaiq ma tijong tsiiq wa miho kuq wan Kiimaq ajichong na apaiq puk na minyap wan.

Tvtsvmc 118:22

Jamhaiti raq abi nguta ashthubaiq longkaü ka wiita thaq na rahea pinthum longkaü miishe jakito.

ISAIA 28:16

Riita, ümchaü Ajong Thaq Na Ajong Pinthum Tatiwe raq akha ngutlo: “Ngi raq Jajon chela na, chela tei wan chang jamkhü longkaü phataqtaq kiimaq angang phan ashi shongkang. Kra jamkhü longkaü thaq na Ngi raq tapshok longkaü tsinhea ashi shongtiikang. Kriithaq na ara bomtsi ara tiiwaiqshat: ‘Kamtsantsii pharang rang sitlaq kriimaq aninwan tsii.’

ISAIA 52:13

Tatiwe raq ngutlo, “Ijaqshise raq apaiq jaqsham na ong wan ruq miraq; apaiq ka maiqse raq pinthum mishreng wan.

ISAIA 7:14

Ahea na ikhiijiika. Tati apaiq riishetiq ümniima miithii kiishi mishongkuq: Junrii wahüse ka wiihan she miraq. Apaiq raq ase ka maiqwe se michii. Kiimaq apaiq mang ka ‘Immanuel’ nguta mimang.

ISAIA 9:6

Nashiq miitu noshii ashi chhiito! Ase maiqwe se ashi nashiq ma kuqto! Kiimaq apaiq ka nashiq pengti miraq. Apaiq ka, “Amao Chang Danhonti,” “Ningkun Jonghea Shiikeawe,” “Pattup Pat-sa Awejong,” “Hansang Hokham Maiqwe Se,” nguta mingu.

JEREMIA 23:5

Tatiwe raq ngutlo, “Ngi raq Dawit saüse phan wa kechu hokhamwe ashi mishongha. Kra hokhamwe raq taksu tsü maq kiimaq tri raü ka riikhaqli sham raüta mung hamli ka aheawiq mipeng wan.

JEREMIA 33:14

Tatiwe raq nguto, “Akhing misaü wan; kra saü wan raüla, Ngi raq Israilnok mungti ma nai Juda mungti ma ikiq khamkuq kang kra mitiiku wanha.

EJEKIEL 17:22

Tati Rakaü Hiqwe raq akha ngutlo: “Ngi raq maisak pechong chong luhea kiiwa, amuntsii tsung kra milam baiqha, lata amuntsii ashun nintata ba kra mingoq baiqha; kra Ngi raq pumkaü diiluhea kiijaq michhiha.

EJEKIEL 34:23

Ngi raq tsangshiq ma ijaqshise Dawit ikha hokhamwe ashi mishong wanha. Kriiwe raq tsangshiq ka mirüm wan. Kiimaq apaiq raq tsangshiq ka aheawiq maq mirümkom wan.

DANIEL 2:44

Kra hokhambi raq mung lang wantlaq akhing niishe, ramungtan na siti Shiikeawe raq mungtan ashi she mishong wan. Kra mungtan ka pattup pat-sa thenki mak phan she miraq. Kra mungtan ka hokham ahinti juwe riimin khat lot mak she miraq. Shatmaq kra hokhamwe raq mungtan ahin thun ka wiita tiithumpak mikhat wan. Raüta apaiq mungtan kriili she pattup pat-sa thummak miqmak miishe mung ka misiq wan.

DANIEL 7:13

Kra rawa ma riishammak maq chhitiikang liipan niili, Ngi raq maiqse ikha, apaiq ka phumda mong na, ngi phana akai rai chhikang, raüta apaiq ka pattup pat-sa sitiwe phana wato, kiimaq apaiq ka kriiwe phana shea wanto.

Hosea 3:5

Shatmaq akhing ashi misaü wan, Israilnok ka tsangshiq Tati Shiikeawe wokhong na hali mijang wan nong. Raüta tsangti Dawit saüse phan wa tsangshiq hokham ma shong wantlaq kriiwe puk niishe hali mishang wan nong. Kra akhing niishetiq tsangshiq ka Tatiwe ma haisong tsantsii kra mithü wan nong. Krai mren, tsangshiq raq Tatiwe achu shiiman ahea kongphiq thun kriishe milap wan nong.

AMO LUIK DVP (AMOS) 9:11

Tatiwe raq ngutlo, “Ranaiqshi akhing saü wan tlo, kra ranaiq ngi raq, Dawit Hokham mungtan jam ari arwa hiq na, phintsiiptsiip bumtlaq kra, mitiichap kuq wan nongha. Ngi raq khetuk thun wiita arüm arki, wiitashe mitiihea hai wan ha. Man na rathup rapha ji na jamkho ajong ala sitaq, kiikha mitii jonglu wan ha.

JEKERIA 12:10

“Ngi raq Dawit saüse phan nai Jerusalem na siti tsan nai mongjii na maiq rai riimang riichan maq siwan tsantsii miraü kuqha. Kiimaq achu jaü wenyi mithiikuqha. Tsangshiq raq shuk raüta tsatbaiqtiiwe theaphi niishe milii. Raüta tsangshiq ka tsangse sekhuq laqlaq se tsaiki raüjaq hoqjü tlaq ikha mihoqsii trang. Tsangshiq ka tsangse chhikhuwe tsaiki raüjaq jonjü tlaq ikha mijonjü.

JEKERIA 13:7

Tati Ningkun Ajong Pinthumwe raq ngutlo, “O jasai lei, tiidolaq, Laüta isku rümtiwe ka riithit se laq! Apaiq ka tsatbaiq laq, skukong ka mipinholaq. Ngi raq isenginok mikhat ha.

JEKERIA 14:4

Kra akhing na Tatiwe ka Jerusalem chela maq shedong nü na Olipro Pum na michap. Kiijiishe Olipro Pum ka man nai na shedong nü maq riita shenyap nü na tiikholiiq she mitiikhoki. Raüta aheawea niika jüwiikaü jonghea ashi she midong. Pum khoko ka shekhu nünü niishe mitiikoq wan. Kiimaq khoko ka shemai nünü niishe mitiikoqho.

JEKERIA 6:12

Laüta apaiq ma Tati Ningkun Ajong Pinthumwe raq akha ngutlo nguta chonglaq. ‘Maiq weshi juwa Pekü nyam ngutliiwe kriika ümchaü apaiq ümbano sitlaq kriijaq pinthum mitiijong lu kuq wan. Kiimaq apaiq lümaq Tatiwe Shomjam ka mitiihea hailot.

JEKERIA 9:9

O Jajon chelati lei, chochi rong laq, chochi ronglaq, O, Jerusalem chelati lei chochi ronglaq! tiihong lanta gitrang ronglaq! Liimanta, nam hokhamwe ka saüwato she; Apaiq ka tingting maiqse kiimaq tiichhiiketi, apaiq ka tsannin woknin, kumtoq kaü thaq na ngaraü; kumtoq kaüse thaq na ngaraüta watlo.

WEAWEA 21:8

Kiijiishe Tatiwe raq Mosheq ma miiki ngam maq paü sumla ashi tiiqlaq. Laüta kra sumla ka lükii ashi na tsomlaq. Kiimaq juwa paü raq thaütlaq, kriiti raq kra lükii na atsom paü sumla kra miliilaq. Raüla atsi ka ahea mirki nguta chongto.

WEAWEA 35:25

Mungmaiqse raq matwe ka ajaqtiwe apaiq phuk lam rittlaq kriiwe jaq wa tiiwongke chang. Kiimaq tsangshiq raq apaiq ka atiipaü chang chela apaiq jutaq kiijaq hali tiijang wan nong chang. Apaiq ka kra chela na kra matdong akhing na Ramwe Ajong Pinthumwe kra mitsai shaq wiiwii siruqli sichang.

Matthew 1:22

Riita arthun hongtha wantaq arka Tati Shiikeawe raq apaiq sham- mibi lümaq tiichong kuq wantaq bomtsi thun kra tiikupi wan miitu she hongtha wanto.

Matthew 16:21

Kra akhing miiphat she Jesuq raq ajaqshisetiim ma linham linhok chongkuqto, “Ngi ka Jerusalem na saü ra dongdii. Kiimaq welabi, ramwe jongbi kiimaq Thungtri shrinketibi jaq na pinthum chamchao wan chang miraq. Tsangshiq raq ngi ka atsea mirbaiq. Shatmaq ranaiq tsam jai maq Shiikeawe raq ngi ka ama wa atiijang mirwan nong.”

Matthew 26:54

Shatmaq Shiikeawe raq ngi tiichhii wan miitu rasetiim she tiiki raüka, Asii bomtsi na akha hong wa chang dongdii nguta achong thü bomtsi ka jamkhii she wa mishku wan?”

Matthew 26:56

Shatmaq ümchaü arthun hongtha rai wantaq arka, Asii bomtsi na shammibi raq ngi miitu awaiq thü bomtsi kra riikhaqli tiikupi miitu she hongtha wanto.” Kiijiishe ajaqshisetiim raq Jesuq ka miimbaiq thü raütiishe, pongpin riipin she pintrangto.

Mark 9:31

Jamkhano ngukla, apaiq raq ajaqshisetiim ma tsii chongke chang riito. Apaiq raq tsangshiq ma chongto, “Maiq Se ka maiqjaq mong na mikuq baiq. Tsangshiq raq apaiq ka atsea mirbaiq. Shatmaq, apaiq ka ranaiqtsam jai maq, adong mirwan nong.”

Luke 21:22

Kra matdong akhing kriika, Asii bomtsi na, ‘Atiichamchao wan Akhing,’ nguta chongtlaq kra bomtsi kra tiiku wan akhing rahiq she dea saü wanto nguta sap chang miraq.

Luke 22:37

Ara jamkhano chongtiikang ngukla, ngi miitu Asii bomtsi na, ‘Apaiq riika thiimeaq dakubi kharü homa kra riisha howan damto,’ nguta chongtlo. Kra ngi miitu achong thü bomtsi kriika riikhaqli maq kuwan miitu, akhing she hong wato.”

Luke 24:46

Raütiishe, apaiq raq tsangshiq ma bom ka akha chongkuqto, “Asii Bomtsi na akha waiqto: Khristo ka tsai chang dongdii miraq. Raüta, ranaiqtsam jai maq, apaiq ka ama wa dong wan chang dongdii miraq.

Luke 9:22

Kiimaq, apaiq raq tsangshiq ma akhri chongkuqto, “Maiq Se ka pinthum chamchao chang dongdii. Kiimaq welabi raq nai ramwe jongbi raq, kiimaq Thungtri shrinketibi raq shleq baiq chang dongdii. Apaiq ka atsea mirbaiq. Shatmaq, apaiq ka ranaiqtsam ngo jai maq, atra hali mitiidong wan nong.”

Luke 9:44

“Ara ümchaü ngi raq namshiq ma jamlai bom wa chongkuq tiikang arka, namshiq raq tsan na tiitsang dada lanta, shaq ronglaq! Maiq Se ka ümchaü maiqjaq khon mong niishe mikuq baiq,” nguta chongkuqto.

John 3:14

“Mosheq raq kumtsaiphii maq koti ngam maq ahai paü sumla ka lükii na tsomtaq, kiikhiisii hali, Maiq Se armin tsom chang dongdii miraq.

John 5:39

Namshiq raq Asii Bomtsi ka sidi phat siq tlan. Namshiq raq Asii Bomtsi phat tlan kriika, kiiwa namshiq raq pattup pat-sa rilung ka lap wan ma nguta phat tlan. Riita, ara Asii bomtsi riika, ngi arka juwa kra chongkuq tlo!

John 5:46

Namshiq raq ngohea shaq shaq dea, Mosheq ma kam tlan ngu haü jiika, ngi miimin mikam han wa. Mosheq raq jamlai wa waiqtaq kra ma, namshiq ka kamwan man dea riilan. Ara jamkhano chongtiikang ngukla, Mosheq riika, ngi miitu bomchong ka waiq wanto.

Acts 13:40

Riita, arkha maq, namshiq raq tsii lam ronglaq. Riimak la, arka shammibi raq jamlai wa chongthütaq, kra namshiq dü nap miniki. Shammibi raq akha chongthüto:

Acts 2:27

Shiikeawe ümniiraq ngi ka wulum mung na tiinam baiq maü. Ümjaqshise maiqshaq ashi ka, maakho niili ka triim baiq maü.

Acts 3:18

Arka, Shiikeawe raq rathup rapha niiphü dongdii, apaiq shammibi tarü nübok maq, apaiq Khristo ngutlaq kriika, pinthum chamchao raütiitiq tsai chang dongdii miraq, nguta tiithai chong jeshe dongdii. Krai mren, Shiikeawe raq shammibi lümaq tiithai chongkuqtaq kra phan phan she dea, ara mra ka pin wanto.

Acts 7:37

Kiimahali, Israilnok ma, ‘Shiikeawe raq ngi ka namshiq phana jamkho tiikitaq kiikha, apaiq raq namshiq phana, shammi weshi hali mitiiki nong. Kiimaq apaiq ka namshiqnok phan wa mishong,’ nguta tsii chongke wantiwe ka Mosheq riito.

Hebrews 10:1

Jehudinok ma akuq Thungtri lang raüta, Shiikeawe shomnoq tlaq arka, ramungtan na sitlaq awongsii, Shiikeawe shomnoq wan lam kra tsaiji lamlam li. Arka jai maq saüho tlaq, chiisan tri lam phan raüta, Shiikeawe shomnoq wan chang lamphan kra sumla tsaiji. Wranaiqtek, Shiikeawe ma honglu takuq tlaq kriika, achü kli bliiqkiki raüta takuq tlo. Riita, ara Thungtri lamphan raüta, Shiikeawe ma rawiitek nyamse takuq tlaq kriiraq, maiqse ka Shiikeawe wokhong na siwan miitu asii maiqse miika jamkho mitiija lot?

Hebrews 3:5

Mosheq ka Shiikeawe jamkun na tsapkapkap setsang setsii jaqshise ashi siwanto. Krai mren, Shiikeawe raq apaiq ma rawiichii miitu, jamlai bomtsi wa chongkuqtlaq kra phanphan tsapkapkap maq Israilnok ma chongkuqto.

Hebrews 7:1

Riita, ara chongtlaq Melkijedek ka Salem chela na hokham jati we riito. Kiimaq apaiq ka Ratsan Ramong nyang na siti Ajong Shiikeawe shomnoqti ramwe we. Abraham ka hokham weblai khat kai kito. Raüta hokham weblai nai tsangshiq sengi thun ümchuwa kra wiita khat raüta tangto. Rekhat tang raüta, rejang wa, lam na awarai riito. Kiijaq Melkijedek ka ki raüta, Abraham ka humkito. Raüta Abraham ma Shiikeawe mang na ramram kuqto.

Hebrews 9:8

Riita, arjaq chongtlaq ramwebi raq jolitiip mong na mowa wamak phan arwa, Asii Wenyi raq nashiq ma akhek bomtsi ka ahea wiq maq tiichhikuq tlo. Ara liichum arka, ara tongshong chü pat wa jolitiip ara sishat wiiwii, ramungtan na sitlaq asii jolitiip mong na, Asii Thaq Na Asii Khok kiijaq nyap wan chang kilü ka midi kuq shaqli nguta chongtlo chhi tiikai.

1 Peter 1:11

Tsangshiq riika ara kupi wan akhing ranaiq ka ümtincho wa miraq, kiimaq arka jamkhiiwa miku pi wan, kriithun ka wiita sap lot haijaq nguta shiichaq sidi wanto. Khristo Wenyi tsangshiq shammibi khum na tiipum raüta phanchan kuq wantaq ka, ara chongtiikai ümchaü kupi wantaq akhing ranaiq arshe riito. Kra tiithai kuqtaq bomtsi ka, Khristo ka pinthum chamchao riihum wan chang miraq nguta chongto. Kra chamchao walü lea wan lot raütiitiq, apaiq achai anyii khushü ka jonghea mijong wan nguta chongthüto.

Revelation 19:10

Kiijiishe ngi ka ajichong na bumsaq, apaiq noqla nguta bumkang. Kra riikangta apaiq raq ngi ma chongto, “Ngi ka naq noqkiq! Ngi ka namshiq Phungmaiqse phong wa ümchu riiwa Jesuq wokhong na sitlan, kriiti thun tlotli kongti Jesuq jaqshi sii. Kra ningkhan, Shiikeawe kli shomnoq laq!” Jamkhano ngukla, Jesuq raq achongkuq tengteng bomtsi raq shammibi ma tsütsa chongke wan miitu ningkun kuq tlo.