Luke 24:44 - Muklom

⁴⁴ Ethi jio, piq aa ning ma batta, “Nga nim jamoq tong taphang tok tho iri tang raa hun bat taphang: Moses thong na, rangsamal tang aa ka shingta eshina etho Psalms likdap na i tung aa raaq chamlang ta batta tang thaji tha asing ang ching.”

ASII LAKDAP Bible (BSI)

⁴⁴ Kra raütiishe, apaiq raq tsangshiq ma, “Arthun ara ngi kongkhuji na namshiq rai siji na, chongkuq pha ihata. Ngi miitu, Mosheq Thungtri na kiimaq, shammibi lak na, kiimaq Tiitsam shi lak na awaiq thü bomtsi thun kriika, kunkun she kupi wan chang dongdii miraq nguta chongkuq pha ihata,” nguta bom ka tsangshiq ma chongkuqto.

Hawa Naga Bible 2001

⁴⁴ Kvkaq Yesu rueq tsuingshiq muex, “Moshe Tvrac nuex muinz, shvmmax bix luik htenc nuex muinz, Tvtsvmc luik nuex muinz ngvy lvmz nuex seng vtueq wuiyq shec tueq lotlaz hungx wvnc tuex, ngoz tueq nuimshiq rulc vdvmz httax tauk nuex ngaz rueq nuimshiq muex jungx phaungx,” ngoz tueq jungx tueq.

Luke 24:44 Referencias Cruzadas

Matthew 1:22

Teyhungwa rangsamal tungkang o chamta batta etha hun asing ang rangma irimal angta,

Matthew 16:21

Eshi rangham wang sey Jesu aa ujiphantey tang ma phang batta, “Nga Jerusalem náng katching etho eshináng ka eq nga miqlang tang, ajong tingwa tang etho thong tataltey tang ching wang ajong hal tintashit ching kap náng. Ning aa nga tatik eq chak phanáng etho saltom o nga wey jey ang náng.”

Matthew 26:54

Etharin Asang likwit na eshimal ang ching ta taka ajo, eshimal hun cham tahom aa.”

Matthew 26:56

Etharin eshi tang sha rangsamal tang raaq asing angma angta.” Ethi jio ujiphantey tang thaji piq tha shingchak eq jol chuwang ta.

Mark 9:31

chammatakoi piq aa ujiphantey tang ma tatal eq chey ta. Piq aa ning ma bat kota, “Miqna sa sha dipkup eq miqtang jaknáng kochakna etho ning aa piq sha tatik eq chakna. Etho piq saal tom jio wey jey angna.”

Luke 21:22

Chammatakoi eshi tang sha ‘Tsamnáng kot saal’ bara likwitna taka aa sha asing sey angna.

Luke 22:37

Asang likwit na bat aa, ‘Piq sha tho miq duktey jamna wet ta’ etho iri tung araaq raa asing ang ching, chammatakoi itung araaq taka aa sha asing thu phana.”

Luke 24:46

Etho ning ma batta, “Irimal taka ang aa, Khristo ma tsamnang ukap hun eq ching etho saltom o utik wang wey jey ang ching,

Luke 9:22

Piq aa ning ma batta, “Miqna Sa shima tsamnang ukap eq ching etho miqlang tang, ajong tingwa tang etho thong tataltey tang aa piq sha chik eq ching, etho piq sha tatik chak na, etharin saltom o piq sha rollung náng wey lunna.”

Luke 9:44

“Nga nim ma chamta batma ang phang ri nak lakchak inn! Miqna Sa tha miqtang jaknáng kotchak ma ta.”

John 3:14

“Chamal Moses aa jatna pu tha kantha o aluk náng tun ta, eshimal hun Miqna Sa sha tho aluk náng tun na;

John 5:39

Nim aa asang likwit na bi inn, chammatakoi eshina pattuk rollung kapni ta nim aa tathin inn; etho eshi likwit shey hun imiikkhi kot aa.

John 5:46

Chammatakoi nim aa Moses ma han tin jo nga raa tho uhan eq wang tin, chammatakoi piq aa itung aa raaq kata.

Acts 13:33

piq aa Jesu tha utik wang thalun eq ning susa tang hiqtang o tahom ta. Psalm likwit na irimal thawit aa, Nang raa isa; thaney aa nang raa tachang taphang.

Acts 13:40

Ethirangma, rangsamal tang aa chamta batta sha nim ching náng nak cham ang aa ta rangtun eq tong inn:

Acts 2:27

Chammatakoi nang aa irollung sha utik mingkang o shingchak mu ang nu; etho nang aa uhantey ba sanga, nga sha haq mong o shal ma kot mu ang nu.

Acts 3:18

Jakho wang Shkewa urangsamal tang thaji tha takat eq Messiah tsamnang kapna ta batta; etho piq aa irimal angma kot ta.

Acts 7:37

Iri Moses rey Israel tang ma batta, ‘Shkewa nim pho notang wang nim rangma nga mal ashey rangsamal takat na.’

Hebrews 10:1

Thong sha uthok ang pha jaqhal raaq tang jakhang hun; esha asing raaq ang moq. Eshirangma eshi pinthong sha bara pangwet eshimal hun kot aa, shumnuk kattey sha baluk otho khakla miq ma jin hun moq.

Hebrews 3:5

Moses sha Shkewa him thaji na sanga mal kamtey angta, etho Shkewa bari raaq sha bat ma ta eshi raaq shima miikkhi kota.

Hebrews 7:1

Melchizedek sha Salem lungwang etho thaji phey náng eq ajong Shkewa tingwa. Abraham lungwang tang tha jin eq wel chey atho, Melchizedek piq jamoq tachong eq piq ma sunmaan tha kota,

Hebrews 9:8

Phang bulang taap sha lang ajo ajong asang katáng lam sha takhi moq angna ta Asang Tsija iriwang takhi aa.

1 Peter 1:11

Ning aa iri lunwan raaq baluk o angna etho chamal angna ta bita. Etho bara Khristo Tsija eq ning tin na tasam ta iri tung aa raaq raa ning aa sam ma tathin ta. Khristo tsamnang tung aa raaq etho eshi jio phun amun thupha na ta Khristo Tsija raaq batta.

Revelation 19:10

Nga piq sha shumnuk rangma piq jakho na bon táng, etharin piq aa ngama bat taphang, “Irimal nak som u, ba jamoq etho Jesu miikkhi kottey ba no nia na tang jamoq nga Shkewa sanga. Shkewa shi shumnuk inn!” Chammatakoi raaqtóng Tsija sha Jesu miikkhi kottey.