Luke 24:44 - Hawa Naga Bible 200144 Kvkaq Yesu rueq tsuingshiq muex, “Moshe Tvrac nuex muinz, shvmmax bix luik htenc nuex muinz, Tvtsvmc luik nuex muinz ngvy lvmz nuex seng vtueq wuiyq shec tueq lotlaz hungx wvnc tuex, ngoz tueq nuimshiq rulc vdvmz httax tauk nuex ngaz rueq nuimshiq muex jungx phaungx,” ngoz tueq jungx tueq. Ver CapítuloASII LAKDAP Bible (BSI)44 Kra raütiishe, apaiq raq tsangshiq ma, “Arthun ara ngi kongkhuji na namshiq rai siji na, chongkuq pha ihata. Ngi miitu, Mosheq Thungtri na kiimaq, shammibi lak na, kiimaq Tiitsam shi lak na awaiq thü bomtsi thun kriika, kunkun she kupi wan chang dongdii miraq nguta chongkuq pha ihata,” nguta bom ka tsangshiq ma chongkuqto. Ver CapítuloMuklom44 Ethi jio, piq aa ning ma batta, “Nga nim jamoq tong taphang tok tho iri tang raa hun bat taphang: Moses thong na, rangsamal tang aa ka shingta eshina etho Psalms likdap na i tung aa raaq chamlang ta batta tang thaji tha asing ang ching.” Ver Capítulo |
Majuiuc kuex vruex lvmz nuex seng vtueq Johvlc Yehowa rueq, “Ngaz rueq Zion kanx nuex phaungx ngaungx yaq vruingx jungx tvjvp taq shaungx. Ngaz rueq kvruex baung kvyuq, ‘Kvmluimx kuex phaungx ngaungx vtueq vnanx muinz rvtueq,’ ngoz tueq luik wuiyq tvkop shec tueq phaungx hvlc vshuk lung vshiz shungc shec shaungx.
“Dawid suiuz vsaz phvnx htenc nuiyc Yerusalem nuex httax yaq vganc miqsaz htenc muex menjenc siyac nuiyc vjux thoz siyac kuex tvmvrc kuq shaungx. Tsuingshiq rueq tvthueyc laz shuiuq gay tueq waz kuex lawc vtueq saz lauk saz tvkoc yonzyex yaq ikhoc, vpiq tvkoc khoar yonzyex wuez tuex. Tsuingshiq kuex miqmac saz pekhux waz tvmoz gay tueq hez ikhoc khuip khaq laz yonzyex wuez tuex.
Kvkaq vpiq kuex Yerusalem maq shaldungc kox Olip Kanx nuex jvp tuex. Kvkaq Olip Kanx kuex shaldungc kox maq shalx nyuip kox nuex httuiuc laz vnueyc muex khoz wvnc vtueq yunghvlc warc tvnx vshiz muex yaungx wvnc tuex. Kanx kholak kuex ghaqkhux kox nuex, kholak kuex ghaqyaz kox nuex kvhttot wvnc tuex.
Zion miqsaz lex, kokez wuez kuinz, kokez wuez kuinz! Yerusalem miqsaz lex, vkoz vkez maq guyc sez wuez kuinz! Lawc shuinz, nuimshiq hokhvmx waz kuex nuimshiq kox nuex kaz yaq! Vpiq rueq taungx vtueq lotlaungc wvnc tueq, yuq muinz thuinz tvyomz vtueq loze htauk nuex ngaungc yaq, loze saz vshiz htauk nuex, loze kuiux kvruex saz htauk nuex ngaungc yaq.
Kvruex vkhing maq raz tueq Yesu rueq vpiq sangac hez muex jungx phaungc wvnc tueq kuex, “Ngaz kuex Yerusalem nuex kaz vtueq vyungx vlaungx bix nuiyc shomc walaungx bix tvluingc waz hez yauk maq tvliz tvlawx guirguenc paunghvlc rvhumc vtueq, vthvy gay rvhumc ruiux raungnuiyq thuimx nuex ngaz tvtenc tvyuing wvnc rvhumc taungx,” ngoz tueq.
Vpiq rueq tsuingshiq muex jungx tueq kuex, “Miq Saz vruex kuex vkuilc vdaz phvnx ruip saz rvhumc vtueq walaungx bix nuiyc shomc waz bix, Tvrac tvluingc waz hez rueq tvdux gay vtueq thvt gay shuex. Vpiq kuex tvthueyc laz thvt gay shuex, yuq muinz raungnuiyq thuimx ngoc yaungc nuex yuing kvtenc wvnc tuex,” ngoz tueq.
Yuda miqsaz Tvrac kuex vsuing vmuik shauk rvtueq lvmz htenc kuex rvkhauk laz vshvmx shauk rvmuq maq, httuiuc wvnc yaq wawc vhvlx rungwanx wvnc juing phvnx htenc kvruex vromz vyac tvkhic kuy dvyx rvtueq. Shomc nawk kuy juing phvnx kuex rv-ngvlc dvyx wawc wvruip ruip shomc kuq yaq. Kvkhoc rvtueq kvkhoc shomc nawk kuy juing maq Tishox kox nuex kvnvp wvnc jix miqsaz htenc kuex, Tvrac rueq yvmx khoc maq lac hungx htaungx jix muex tvyaungc kuq lot shvnx?
Palc daungc wvnc nuex seng yaq kejux kuex mruex vkhing mruex pat yvmx khoc maq raz tueq httuiuc kaz tuex lvmz kuex hunglaungx thuiyx tueq. Tsuingshiq nuex httax yaq Christu Siyac kuex kvtanc jauz Christu rvhumc juing rvtueq kuilc daz muinz, kvkhoc rvhumc yix maq lvp wvnc juing ngauz vngax muinz tvluz nuex tvkhic shec tueq.
Kvkaq ngaz rueq piq yaz phaungx nuex bumx vtueq nawk palx dvnc tauk, yuq muinz raungkamx waz rueq, “Kvkhoc nauk nawk kaz! Ngaz kuex mnoz nuiyc mphuz mnox hez maq phaungc vtueq, Yesu rueq jungphvnx wvnc tueq tsuingrux lvmx phvnc jix htenc rulc shuimc shiz kayshiz jix nvrc waz dvyx rvtauk. Tishox muex dvyx nawk palx shuiuz!” ngoz phuex. Yvmx khoc lac ngoz ruiux lec Yesu rueq jungphvnx tueq tsuingrux bomjungc maq jix shvmmax bix muex rawshvmx tvwaung kuq yaq.