Luke 16:8 - ASII LAKDAP Bible (BSI)

⁸ “Ara jaqtsak chere we khonglaq arka, atijong we raq chhi raüta, ashom rarea li she riito. Ara jamkhano shomrata ngukla, ara mangjong hiq na mangjong maiqse ngutlaq kriika, rawii maiqsetiim sitlaq, kra thaq na, tsangshiq ka mangjong hiq rilung lamphan niika, asap atsin wiq khonglaq hea siisaq sitlo.”

Hawa Naga Bible 2001

⁸ “Ekvkhoc khux thuiyx kvmungx tharc maq shuimc thenc ningkhvnc nuex, jiyungx waz rueq maneger waz muex tvtsvmc kvmc tueq; yvmx khoc lac ngoz ruiux lec vruex mungkawx miqsaz htenc kuex tsuingshiq mungkawx yauk shuimc kay waungc shuimx wvnc tueq nuex, raungwuic nuex seng yaq miq htenc htauk nuex jvnc vtueq tharc httax wuez yaq.”

Muklom

⁸ Iri rangma eshi tangteywa aa ngin shingteywa tha jashit somlo eq tho aso alat ta tasungsap ta; chammatakoi alit alang na tongtey miqtang wang eq tho iri mingkang haqna tongtey tang atho mingkang jaksom na rapney aso alat rong sompey aa.”

Luke 16:8 Referencias Cruzadas

RAPHA HIQWA LAK 3:1

Riita Tati Shiikeawe raq paü ka pinthum khonglaq phansangto. Kiimaq paü raq maiq nyung ma waito, “Shiikeawe raq ümniima sonruk mong wa petsi ka chongshi ra wiimin naq siq rongkiq nguta ngohea dea shea nguta?”

2 SAMUEL 13:3

Shatmaq apaiq kongtiwe ashi asi. Apaiq ka pinthum khonglaq. Apaiq mang ka Jonadab. Apaiq ka Dawit no Shamma se.

2 HOKHVMX 10:19

Ümchaü min Baal shammibi thun ka kunli, kiimaq apaiq shomnoqti tlotli, ashammibi thun tlotli, aramwebi thun kunli, adam na triichom hea rong laq. Jumin kaihü maimak. Jamkhano ngukla ngi raq Baal phra ma honglu jonghea mitakuqha. Kiimaq jurwa lomki dam mak riijiiq, kriiti ka atsea mirbaiq.” (Arka Jehu raq Baal shomnoqtibi ka tiithumpak tseabaiq miitu thiikho riito.)

Tvtsvmc 17:14

Ngi ka mangjong rilung na jamlai wa lungwiitlaq kra laptibi jaq wa tiichhiilaq. Tsangshiq ma chamchao mo tiiho chang ümniiraq tiihong laü kriimaq tsangshiq mo ka tiiholaq; kra mo homa ka tsangsetiim miitu min honglu mirlaq kiimaq mo wiijam ka tsangsaütiim miitu mitiichonglaq!

DUNGWVNC 1:10

Chiq nai re dong raüla tsangshiq ka nashiq ma chiqse rewenok rai mopong wan miraq. Raüta namung ara mikhat dam. Raüta namung arwa molaü wan miraq. Nashiq raq tsangshiq ka pahea pu wan mak chang miitu phanshira lamlu tiidong chang.”

TAKSU LAK 12:8

Ümniika maiqshaq riihaüla, maiq raq mishom ra. Shatmaq maiqjiq jahaüla, maiq raq mishummii.

Matthew 12:32

Jurwa Maiq Se ma ngengseng kiqshut tlaq, kra ngarai ka adiike mimai. Shatmaq jurwa Asii Wenyi ma ngengseng kiq shuttlaq, kriika ümchaü pat niimin kiimaq jai na pattup pat-sa saüho tlaq akhing niimin diikuq lot mak miraq.

Matthew 17:26

Kiijiishe, “Wansha we raq kechang” nguta Petar raq treto. “Ahea. Ikhiijiika nokti we riika phunta ke ra mak.

Luke 16:10

Jurwa jaqsham ka aranse li jiimin, tsapkapkap maq sham tlaq, kriiti riika, ajong jaqsham raü min, tsapkapkap maq misham. Jurwa jaqsham ka aranse sham tlaq akhing na, ajaq ka tiitsak tlaq, kriiti miika, ajong jaq tiisham raü jiimin, ajaq ka mitiitsak.

Luke 16:4

Ümchaü ka ngi raq phanshi mo klo chang! Arka akha klo ha jaq ahea miraq. Ngi ka ara chere ngachang arwa tiisat baiq jai niimin, ngi ma khrumketi maiq kongti kiimti ka sishat miraq.’ ”

Luke 16:7

Raütiishe, apaiq raq weshi miishe hali bom ka wai nongto, ‘Riita, ümniiraq ha, thiitham ka ümchu kechang wa?’ Kriiwe raq, ‘Tsam tii hingshi kechang asi,’ nguta treto. ‘Arjaq ara ümmang na thiitham shiila raüpot akha raütu ara. Tsam ka tii shitiichat li she nguta waiqlaq,’ nguta chere we raq treto.”

Luke 18:6

Kra ngu raütiishe, Tatiwe raq bom ka akhiishe tiitho shatto, “Riita, ara phathe hea phowe ariiraq jamlai wa ngutaq, kra tairong liina. Apaiq riisin tla liikuqtaq,

Luke 20:34

Kiijiishe, Jesuq raq tsangshiq bom ka akha treto, “Ara mangjong han-ngam rilung niika, maiqse ma arlam arwa nguta asi.

Luke 20:35

Shatmaq, Shiikeawe raq khaphoke jai she, ümriiti wa ama wa dong wan thek tlo nguta phokuq tlaq, kriiti miika, saüho tlaq pat na arlam arwa ngutiika ahü she.

John 12:36

Kriikha maq, namshiq ma rawü li kra likushat li tlaq bala liipan na, namshiq ka rawü li kiima kam rong laq. Kra riihan jiitiq, namshiq ka rawü maiqse ma mija wan han.” Jesuq raq ara traho bomtsi ara chongkuq lot raütiishe, apaiq ka tsangshiq maklii wa ahin nü niishe tiiko wan lam maq kihoto. Raüta, maiq maklii akaiq kaiq niishe kihoto.

1 Corinthians 3:18

Jurmin maiqmii nai maiqmii ka angok angi ma naq tiijan rongkiq. Namshiq phong wa weshi ra raq, ara mangjong hiqti maiqse maklii na, atsii we sitiikang nguta tiima tlaq jiila, apaiq ka riikhaqli atsii we ma jawan miitu, angok angi we ma mija laq.

Ephesians 5:8

Man na, namshiq min la, ara chongtiikai ranyaq mong na siwan lan ihata. Shatmaq, ümchaü sanha, namshiq ka Tatiwe sengi miishe jawan lan. Krai mren, namshiq ka rawü maiqsetiim she. Kra ningkhan, rawii maiqse jamkho sitlaq, kiikha si rong laq.

Philippians 3:19

Tsangshiq ka wamungtan na mide wan. Ara jamkhano chongtiikang ngukla, tsangshiq shiikeawe ka tsangshiq han-ngam ramho. Tsangshiq ma shiikeawe ka, han-ngam ramho dunghiqtlaq kriili. Tsangshiq raq jamlai wa kiimung tlaq kra miitu, tsangshiq ka jeasi raq tsai chang riiwe khoti, tsangshiq ka kra ajiq jaqsham wantlaq kra miitu, tiishom mra lishe, srarai hotaq ahata. Kiimaq tsangshiq riika, phiija wa raq jamlai phan wa rotlaq, kriili shamtlo.

1 Thessalonians 5:5

Ümchaü sanha, namshiq tarü ka, rawü maiqsetiim siisaq she. Kiimaq ranaiq na siti siisaq. Nashiq ka ranyaq maiqse ri riimai she. Kiimaq ranyaq nyang na siti min riimai she.

1 Peter 2:9

Shatmaq, namshiq riiwe kla, Shiikeawe raq atsea arwan maiq phan she. Hokham we ramwebi. Asii mung ashi nguta sitlan. Shiikeawe sengi. Namshiq ka Shiikeawe raq ngarai ranyaq tangtang mong wa, apaiq tiichhii wan rawüli, achong lot mai awang chang liliim rilung she kuqto. Apaiq raq namshiq hea wantaq kriika, apaiq raq awang chang tiichhii wan jaqsham wantaq kra nanok ma chongke wan miitu tseatsiiq wanto.

1 John 3:10

Ara chongtiikai arhata, Shiikeawe setiim nai Thawe setiim liipan na atrai chang trai longshong kaü ikha tiishong shat sitlaq ara. Jurwa athuk atsom jaqsham chang kra sham mak riitlaq, lo aphu ano ka lungwii mak sitlaq, kriiti ka Shiikeawe se ka riimak.