Luke 16:8 - Hawa Naga Bible 2001

⁸ “Ekvkhoc khux thuiyx kvmungx tharc maq shuimc thenc ningkhvnc nuex, jiyungx waz rueq maneger waz muex tvtsvmc kvmc tueq; yvmx khoc lac ngoz ruiux lec vruex mungkawx miqsaz htenc kuex tsuingshiq mungkawx yauk shuimc kay waungc shuimx wvnc tueq nuex, raungwuic nuex seng yaq miq htenc htauk nuex jvnc vtueq tharc httax wuez yaq.”

ASII LAKDAP Bible (BSI)

⁸ “Ara jaqtsak chere we khonglaq arka, atijong we raq chhi raüta, ashom rarea li she riito. Ara jamkhano shomrata ngukla, ara mangjong hiq na mangjong maiqse ngutlaq kriika, rawii maiqsetiim sitlaq, kra thaq na, tsangshiq ka mangjong hiq rilung lamphan niika, asap atsin wiq khonglaq hea siisaq sitlo.”

Muklom

⁸ Iri rangma eshi tangteywa aa ngin shingteywa tha jashit somlo eq tho aso alat ta tasungsap ta; chammatakoi alit alang na tongtey miqtang wang eq tho iri mingkang haqna tongtey tang atho mingkang jaksom na rapney aso alat rong sompey aa.”

Luke 16:8 Referencias Cruzadas

RAPHA HIQWA LAK 3:1

Majuiuc puiuc kuex Yehowa Tishox rueq vtvdung sung phvnx ngvmx saz htenc wawc rot kaq hvlc phvnx yawxsaz rvtueq. Puiuc kvraq yalxjuik nyuiuz kvmac ngoc, “Tishox rueq sunc mungx nuex httax yaq pulx thuey jungx htenc kvwawc vthuey kuex svy mvy muq ngoz tueq vsuing haz jungx shec tvnx?” ngoz tueq wiz tueq.

2 SAMUEL 13:3

Yuq muinz piq nuex Dawid phuz Shamma saz vmuingc Jonadab ngoz yaq thuinz tsuik lvt kungjix washiz httax yaq.

2 HOKHVMX 10:19

Bala shvmmax bix lotlaz muinz, piq muex nawk palx jix lotlaz nuiyc shomc waz bix lotlaz kuex tvtuimx gvl taq shuinz. Vshiz muinz kvjungx mvy muq; Bala muex shomc nawk kuy yunghvlc shomc kuy ningkhvnc nuex kvyuq lomx muq jix htenc kuex vthvy gay rvhumc tuex,” ngoz tueq jungx tueq. (Kvruex kuex Bala muex nawk palx jix htenc lotlaz thvy gay tvkoc Jehu kox maq kvmungx vtueq laulawc lvmz rvtueq.)

Tvtsvmc 17:14

vruex rullungx vyuq tsuingshiq rueq vroc lotlaz lvp wvnc jix hez yauk wawc ngaz kuex palc wvnc koq; tsuingshiq tvkoc mnoz rueq tvyoalc taq shec toq kuilc daz htenc kvmaq tsuingshiq muex murx tvgurc shuiuz; kvruex tsuingshiq suiuz vsaz nuiyc suiuzpiz sapiz nuex httuiuc laz mrvhumc kueq!

DUNGWVNC 1:10

Mkhoc shoc maq ralx dung ruiux yuq tsuingshiq kuex naungshiq muex ralx yaungc jix nuk kox nuex kvromc vtueq, naungshiq kuex khvt gay ruiux mungtan wawc kaz wvnc wuez tuex. Tsuingshiq miq kuex vruex htauk vyuq lvy vtueq paung wvnc muq juing, vhvlx lvmx maq naungshiq rueq lvmx shishiz maq tuingshaung wuez ix,” ngoz tueq jungx tueq.

TAKSU LAK 12:8

Mnoz vtuiuz tharc vhttax waz ngoz ruiux kuex tvtsvmc kvmc rvhumc tuiux; mnoz miqyaq ngoz ruiux kuex miq rueq mhtauk nuex vlawc tvruinc kv-phux.

Matthew 12:32

Miq Saz vmac kvjaz maq yaq kuy jix waz kuex mvrax dawc kuy juing lvmx httax yaq, yuq muinz Vsawc Siyac muex kvjaz maq yaq kuy jix waz kuex majuiuc pat nuex ngoz ruiux muinz, yix wawc pat nuex ngoz ruiux muinz mvrax dawc kuy juing lvmx vguez.

Matthew 17:26

Peter rueq, “Pungnuk miqsaz htenc yauk wawc tsenz yaq,” ngoz tueq jungx tueq. Yesu rueq, “Kvkhoc ngoz ruiux kuex mungx miqsaz rueq htawc rac muq rvtueq.

Luke 16:10

Raungluingx saz nuex tvmtuing httax jix waz kuex paunghvlc nuex muinz tvmtuing httax tuex. Kvmaq raungluingx saz nuex tsuingrux muq waz kuex paunghvlc nuex muinz tsuingrux muq.

Luke 16:4

Ngaz yauk shuimc vwawc tvdung gay ruiux yuq, miq vbez rueq tsuingshiq yuimx nuex ngaz vruex malc wvnc tvkoc yvmx khoc ruec juing lac lvmz ngaz rueq tuiuz lvp tauk!’ ngoz tueq.

Luke 16:7

Kvmaq washiz muex hulawx, ‘Mnoz hux mjuc htuimc juing lac httax yaq nguinx?’ ngoz tueq wiz tueq; kvruex waz rueq, ‘Tsvmz tawx shashiz httax yaq,’ ngoz tueq tvralc tueq. Maneger waz rueq, ‘Mnoz rueq tvtsuingc toq luik kuex lvmz vtueq 800 ngoz tueq wuiyq taq shuiuz,’ ngoz tueq.

Luke 18:6

Taungjix rueq, “Tsuingmuq ruxmuq phoc waz rueq jungx yaq kvjaz kuex tay tvtsuingc shuinz.

Luke 20:34

Yesu rueq, “Vruex pat vwawc miqsaz htenc kuex miqlvmc miq tvwaungc ngoz tueq httax yaq,

Luke 20:35

yuq muinz vthueyc wawc yuing kvtenc wvnc vtueq raungmungx nuex nyuip aungx jix miq htenc kuex miqlvmc miq tvwaungc ngoz tueq muinz vguez shex.

John 12:36

Kvkhoc rvtueq raungwuic vhttax baunglaung raungwuic kvmac kvmx wuez kuinz, kvkhoc ngoz ruiux yuq jix nuimshiq kuex raungwuic suiuz vsaz hez muex yaungx wuez tuinx,” ngoz tueq. Kvkhoc Yesu rueq jungc lot yix, vpiq kuex dung kaz wvnc vtueq vpiq shauk pumz kuex tsuingshiq kox kvwawc kvpuiuc kaz tueq.

1 Corinthians 3:18

Ukhaq yuq muinz miqmac shauk vgvnz kuex nauk tvshonx ronx kaz. Nuimshiq wawc vshiz shiz rueq ngaz kuex mungkawx tanc khvnc maq miqmac shauk pumz kuex taksux httax vtaungx ngoz tueq kv-ngoc ruiux kuex, wvtharc jix waz muik shauk yaungc tvkoc vngauk vngaz miq muex m-yaungx kueq.

Ephesians 5:8

Mvnnuex nuimshiq kuex raungnyauk mungx nuex httax wvnc tuit, yuq muinz majuiuc kuex Taungjix miqsaz htenc muex yaungx wvnc vtueq raungwuic nuex shex httuiuc wvnc tuit. Kvkhoc rvtueq nuimshiq kuex raungwuic miqsaz htenc ikhoc shuimx kaz wuez shuinz,

Philippians 3:19

Tsuingshiq kuex ngarvyx nuex lvmx suip wuez tuex, yvmx khoc lac ngoz ruiux lec tsuingshiq tishox kuex tsuingshiq wuk ngoz yaq gvnngvmx rvnphvnx lvmx yaungx yaq. Tsuingshiq kuex yvlc svy lvmx nuex kvsomc parc juing muex tvyaungc ruiux, vruex mungkawx wawc hup vsvmx muex dvyx rvwvl wuez yaq.

1 Thessalonians 5:5

Nuimshiq lotlaz kuex raungwuic suiuz vsaz htenc rvtuit, raungnuiyq suiuz vsaz htenc muinz rvtuit. Naungshiq kuex raungnyauk rvmuq ngoz ruiux raungwvrx suiuz vsaz htenc rvmiq.

1 Peter 2:9

Yuq muinz nuimshiq kuex vthvlc vruez shec Hokhvmx shomc waz bix, vsawc miqsaz htenc nuiyc Tishox vpiq rueq guimz yaq miqsaz htenc rvtuit, kvkhoc thvl wvnc lvmz kuex, nuimshiq raungnyauk mungx kvwawc vpiq vwangc juing raungwuic nuex gvlc wvnc jix waz ngauz vngax httax yaq shuimc vkay htenc kuex jungphvnc tv-nyvmc wvnc tvkoc rvtueq.

1 John 3:10

Kvruex kuex Tishox sahez nuiyc Htaungc sahez rv-ngvlc muq lvmx rvtueq: ukhaq yuq muinz vlvmx yauk shuimc shuimx muq maq, piq phuz vnox waz muex lungwawc muq waz kuex Tishox saz rvmuq.