Luke 16:8 - Muklom

⁸ Iri rangma eshi tangteywa aa ngin shingteywa tha jashit somlo eq tho aso alat ta tasungsap ta; chammatakoi alit alang na tongtey miqtang wang eq tho iri mingkang haqna tongtey tang atho mingkang jaksom na rapney aso alat rong sompey aa.”

ASII LAKDAP Bible (BSI)

⁸ “Ara jaqtsak chere we khonglaq arka, atijong we raq chhi raüta, ashom rarea li she riito. Ara jamkhano shomrata ngukla, ara mangjong hiq na mangjong maiqse ngutlaq kriika, rawii maiqsetiim sitlaq, kra thaq na, tsangshiq ka mangjong hiq rilung lamphan niika, asap atsin wiq khonglaq hea siisaq sitlo.”

Hawa Naga Bible 2001

⁸ “Ekvkhoc khux thuiyx kvmungx tharc maq shuimc thenc ningkhvnc nuex, jiyungx waz rueq maneger waz muex tvtsvmc kvmc tueq; yvmx khoc lac ngoz ruiux lec vruex mungkawx miqsaz htenc kuex tsuingshiq mungkawx yauk shuimc kay waungc shuimx wvnc tueq nuex, raungwuic nuex seng yaq miq htenc htauk nuex jvnc vtueq tharc httax wuez yaq.”

Luke 16:8 Referencias Cruzadas

Matthew 12:32

Ashey miq eq Miqna Sa ma jashit raaq ajo piq ma tolchak eq na, etharin ashey miq Asang Tsija ma jashit raaq ajo, piq aa tolchak kap moq angna! Iri mingkang etho ukat ang pha mingkang sho tho piq aa tolchak kap moq angna.”

Matthew 17:26

Peter aa batta, “Adak mung wang thupha tang ching wang.” Jesu aa thawel batta, “Irimal ang ajo, mung miqtang eq phunta kot ching ang moq.

Luke 16:10

Bari miq rey aming jaksomlot sha jaqhal eq somlo na, piq aa ajong jaksomlot tang sha tho jaqhal eq hun somlo na; bari miq rey aming jaksomlot o hutdip eq aa sha ajong jaksomlot otho hutdip hun eq na.

Luke 16:4

Thanga nga chamlang som ching atha nga usam eq ang. Irimal ang ajo ijaksom raa ahung sey angna, nga ma inokwa tang atha barey nga ning him o tatong phanáng.’

Luke 16:7

Ethi jio piq aa jee wang wa thima wey pitta, ‘Nang aa chamtan namtu?’ Piq aa batta, ‘Tuk hajatshey ban.’ Ngin shingteywa aa piq thima batta, ‘Ira ba liklo. Nang aa shaashat tuk ta kaley ka u.’

Luke 18:6

Etho Teyhungwa batta, “Iri miqshi khaphung kotteywa rey chamta batta sha usam eq ma tathin inn.

Luke 20:34

Jesu aa ning thima thawel batta, “Iri pat ro miqwa etho miqnu takap ang aa,

Luke 20:35

Etharin bari miqnu nia miqwa tang utik jio wey jey jin ang ching ta ang ajo ning sha takap moq angna.

John 12:36

Baluk náng thula wallik nim jamna, nim aa alik sha han inn, irimal ang ajo alik susa tang ang inn.” Jesu aa iri raaq raa bat eq qhing chuwang eq ning wang tapu eq tong ta.

1 Corinthians 3:18

Utang eq tho piq ni piq sha athom ma hun ching ang moq. Nim wang chamtey iri mingkang rangma thunglam aa asam ta tathin ajo, piq sha athom ang ching. Irimal ang ajo piq sha asing eq asam atol angna.

Ephesians 5:8

Nim jakho rangnak na ang tin, etharin thanga Teyhungwa jamoq alit na sey; alit susa tang mal tong inn.

Philippians 3:19

Ning walmungtan náng hun thun na, chammatakoi ning wok sha hun ning rangwa. Barima rakri ang ching, ning eshima tharangka ang aa. Ning tin sha mingkang tangwang tinthin na tham nak aa.

1 Thessalonians 5:5

Nim thaji alit nia rangwung susa tang. Hiqtang rangpal nia anak susa tang ang mi.

1 Peter 2:9

Etharin nim talchol miqtang, lungwang tingwa tang, asang miqtang, etho Shkewa miqtang, eshirangma barey nim rangnak wang piq patja rangwung shináng hal taphin, piq phun amun shi phanchan inn.

1 John 3:10

Irimal ang eq hiqtang aa jaqhal eq jin sam ni, utang Shkewa sa etho utang thangwa sa. Barey asing jaksom lot somlo moq etho piq ni piq pho ni no tang ma tinmat moq, piq sha Shkewa sa ang moq.