Luke 16:2 - ASII LAKDAP Bible (BSI)

² Kra tai raütiishe, apaiq raq achere we ka hea raüta chongto, ‘Ümniiraq i piikii ka atiisum riitlaü nguta, ngi ma nanok raq chong tlaq ara tengtaq riimak sha? Ümchaü min, ümniiraq, i tsiiq i nyam ümchuwa sitlaq kra, ngi ma kunli weake ra tlo. Ümniika ümchaü, i chere we ma jalot maü she.’

Hawa Naga Bible 2001

² Kvkhoc ningkhvnc nuex luiz waungx waz rueq piq kuex gvl vtueq, ‘Ngaz rueq tay lvp tauk mnoz lvmz kuex yvmx khoc lac? M-yauk shuimc nuex seng vtueq ngvy tsak vnyvmx htenc kuex yvmx khoc lac shuimx vshuiux lvmx tvlot laz wvlc wvlc tvtsuingc luik kuex tvkhic kuq koq, yvmx khoc lac ngoz ruiux lec majuiuc vmaq mnoz kuex maneger yauk shuimc lvp muq shex,’ ngoz kuq tueq.

Muklom

² Ethima piq aa ngin shingteywa tha hal eq batta, ‘Nga batung araaq miq ching wang iri chamta kap tat ang? I lik angin wang nang aa chamlang somlo tu thi nga ma batphu chammatakoi iri jio nang i ngin shingtey ta thamiing mu sey angnu.’

Luke 16:2 Referencias Cruzadas

THARC TVLUINGC 12:14

Jamkhano ngukla, nashiq raq ümchuwa ahea abi klo wantiikai ka, ahukse maq aklo wan thun kiimin, Shiikeawe raq wiita kappe maq mishin.

Matthew 12:36

“Ngi raq chongtiikang arka tengteng. Phangthum Khapho Ranaiq na maiq khumtek raq maiqmii nübok maq ümchuwa shiiton hü maq bomtaq, kra bomtsi awea, apaiq raq bom tre chang miraq.

Matthew 20:8

“Raji niishe wakchongti we raq achere we kiima akha thaüto, ‘Maiq ningchangti thun ka tarü triichom hea laq. Laüta maiq ümriiti wa rajiko rashe acha wan niishe tiikikai, kriiti ma jaq maq ka kuq phaho laüta, maiq ranap na jaqsham phahoti kriima tsangshiq jaq maq kra pheakuq laq.’

Luke 12:20

Shatmaq, Shiikeawe raq apaiq ma, ‘Ei, angi we loi! Athi rawa li, ümmiisaq ka mithumki ngo ka sapphaq maü. Riita ümnaq tsai jai, ümtsiiq tum kriika jurshe wa miphesiq?’ ”

Luke 12:42

Kiijiishe, Tatiwe raq treto, “Ngi chongpha, maiqshaq nai setsii jaqshi ka akha miraq. Apaiq miika atijong we raq, apaiq wanhiq kaiho ma ajam ka mitiikhethü. Atijongwe raq apaiq ma ajaqshisetiim abi sitlaq kiima tü adung ka akhing khaqkhaq na tiiphaq siq laq nguta michong thü.

Luke 16:1

Jesuq raq ajaqshisetiim ma ara manphan arhali chongkuqto, “Man na maiq chiithe weshi asi riito. Apaiq piikii kra liike wanti ajaqshi se weshi asi. Riita, chiithe we kriima, nanok raq achere we raq, apaiq piikii kriika atiisum riitlo nguta tsütsa ka tiitaito.

Luke 16:3

Kra tai raütiishe, ajaqshi se raq atsan na akha tiimato, ‘Ai, i tijong we raq, ngi arka, ara i jaqsham arwa atiinga she mirbaiq. Ngi arka jamkhiishe wa mijaha? Ngi raq miina, shamla kaitsa wak jaqsham kriika shamlot mang miraq. Kiimaq maiq hisiq lata siwan miika, jeasi tsiri.

Romans 14:12

Ara chong tlaq arai mren, nashiq wiitarü maiq khumtek raq, Shiikeawe ma maiqmii rilung na jamkho siwan tiikai, kiimaq jamlai wa sham wan tiikai, kra raüpot ka weake wan chang miraq.

1 Corinthians 1:11

Phunainotiim lei, namshiq liipan na riisang riila sitlan nguta, ngi ma Klo tahii jamtitiim raq, tiitsang dada chongto.

1 Corinthians 4:2

Akhnok jaqsham kewanti jaqshise ashi ka, atijong we jaqsham kra pinthum tsapkapkap maq shamke chang.

1 Corinthians 4:5

Ara chongtiikang arkha na, Shiikeawe raq atiihong rahiq kra misaü shaq na, namshiq raq maiq ka ajiq alam nguta naq sairan rongkiq. Phangthum Khapho miika Tatiwe saükai kra khechang dongdii. Apaiq riishetiq ranyaq jaqsham kaiwa thun kra linhokhok raüta mitiichhi kuq. Kiimaq maiqse raq ajiq tiima tsantsii apaü ashan raüta rüm wantaq thun kra wiita she mitiichhi kuq. Kra akhing niishetiq Shiikeawe raq maiq khumtek ma tsangshiq raq jaqsham wantaq kra khankhan she mishom ra.

2 Corinthians 5:10

Ara jamkhano chongtiikai ngukla, nashiq tarü loweatek raq nashiq kha phoke wanti we Jesuq Khristo man na chap laita, apaiq ma nashiq kha kra tiipho chang miraq. Apaiq raq nashiq kha ka mipho kuq. Raüta nashiq pumsiitek ma, tri maq jamlai poksi kewan wa thek tlaq, kra phanphan she poksi mikuq. Riimak jiila atsa miraq. Khristo raq ara poksi kewan nai atsa wan kriika, nashiq pumsiitek raq ara mangjong hiq maq atra siji na, jamlai phan jaq wa shamkai, kra thaq na seng raütiishe mikuq

1 Timothy 4:14

Ümkhum na asii kamasham kongphiq Shiikeawe raq akuq sitlaq kra, samhea wiq maq rüm laq. Arka ümniima Shiikeawe shammibi raq chongkuqtaq, kiimaq kamasham na maiqlare raq, tsangshiq jaq ka ümdü na sham raüta ramram achu jaü kuqtaq akhing na, Shiikeawe raq akuq.

1 Timothy 5:24

Maiq wiijamti ngarai ka ra na rashra tiichhishat. Kiimaq tsangshiq ngarai thun ka, tsangshiq ma sinkhu na khapho chang rung na wawan tlo. Shatmaq, maiq wiijamti ngarai ka jai na shetiq dong tlo.

1 Peter 4:10

Shiikeawe raq namshiq ma phanrap phanrii kongphiq ka akekun she. Krai mren, namshiq loweatek raq, maiqmii kongphiq atiitsang lap wan lan kriika, ahea wiq maq, khaqshkhaq jaqsham wan na lang rong laq. Kriika tarü ma amet dong chang jonghea miitu jaqsham tlan kriijaq lang ronglaq.

1 Peter 4:5

Shatmaq tsangshiq raq, maiqmii rilung ka mangjong hiq maq siji na jamkho shongnga wan taq, kra heshap thop kra, maiqse atra siti nai amaati sitlaq kra khapho keti we, Shiikeawe khaki na diike wan chang midong. Kra Khaphoke Ranaiq na juwa atra sijiiq, kriiti kha ka mipho kuq. Kiimaq juwa kra ranaiq atsai kaiwi she riijiiq, Shiikeawe raq tsangshiq ka amaa wa atiidong mirwan. Raüta tsangshiq kha ka mipho kuq. Shiikeawe ka kra ranaiq khapho kewan miitu tiijeshat maq sitlo.

Revelation 20:12

Kiimaq ngi raq maiqse ümchuwa atsai kaiwi ajong ala kiimaq wepuq wese thun ka kongshi niili ngacho khaki na chap raqraq chhikang. Mangjong maiqse raq jamlai wa sham wantaq kra awaiq thü lakdap thun ka linto. Raütiishe lakdap ashi, maiq atra sitlaqti thun mang awaiq thü kriishe linto. Maiq atsai arki thun ka tsangshiq raq jamlai wa sham wantaq thun kriika, kra lakdap thun na awaiq thü asi. Kra phanphan she tsangshiq kha ka pho kuqto.