Luke 16:1 - ASII LAKDAP Bible (BSI)

¹ Jesuq raq ajaqshisetiim ma ara manphan arhali chongkuqto, “Man na maiq chiithe weshi asi riito. Apaiq piikii kra liike wanti ajaqshi se weshi asi. Riita, chiithe we kriima, nanok raq achere we raq, apaiq piikii kriika atiisum riitlo nguta tsütsa ka tiitaito.

Hawa Naga Bible 2001

¹ Yesu rueq vpiq sangac hez muex vkhoc jungx kuq tueq, “Lauk shiz luiz waungx washiz httax vtueq piq kox nuex piq tsak vnyvmx lawc mawc kuy jix nvrc waz washiz httax yaq. Kvruex waz kvraq vjiyungx waz kuimphox htenc kuex khuec guez nuex tvmoz maq kuq yaq lvmz, luiz waungx waz muex jungx tueq.

Muklom

¹ Jesu aa ujiphantey tang ma batta, “Tanglom washey ma ulik angin shingtey sanga angta. Piq aa tanglom wa ngin tathun aa ta tangteywa aa tatta.

Luke 16:1 Referencias Cruzadas

RAPHA HIQWA LAK 15:2

Shatmaq Abram raq treto, “Tati Rakaü Hiqwe lei, ümniiraq poksi kuqtlaü ka ngi ma jamliip wa miraq, isetiim ri ahü? Ngi tachong hupsam lap wanti ka Damaskas hiqti Eliejar sitlaq kli kata.

RAPHA HIQWA LAK 43:19

Kra ningkhan, kra jam kilamchong maq, tsangshiq raq jam khetiwe jaqshise kriima chongto,

1 KAÜWA WERAÜ 28:1

Hokhamwe Dawit raq Israil mung wa ajong alabi ka Jerusalem na ngongthun raa nguta aming kuqto. Krai mren maiq phantek wa mungtubi, kiimaq hokhamwe rai mung peng damti siihiipbi, aweraü thun welabi, kiimaq tachong hupsam jaqsham liiketi ajongbi, kiimaq hokhamwe nai asetiim nyamse kong rümtibi, hokham jam na jaq shamtibi kunli, phentu ajongbi, kiimaq maiq akhek welabi thun wiita, Jerusalem na ngong thungto.

TAKSU LAK 18:9

Ajaq sham mak, riininti ka abi pinthum, maiq tiithenti.

Hosea 2:8

Apaiq ma tü atsam, che, olip petsi tai, kampho, kiimaq chaq thun ka, Ngi raq apaiq ma aphong kuqha nguta sapmak dea riito. Kriithun ka apaiq raq Baal shomnoq ma, tiisheshi baiqto.

Matthew 20:8

“Raji niishe wakchongti we raq achere we kiima akha thaüto, ‘Maiq ningchangti thun ka tarü triichom hea laq. Laüta maiq ümriiti wa rajiko rashe acha wan niishe tiikikai, kriiti ma jaq maq ka kuq phaho laüta, maiq ranap na jaqsham phahoti kriima tsangshiq jaq maq kra pheakuq laq.’

Luke 12:42

Kiijiishe, Tatiwe raq treto, “Ngi chongpha, maiqshaq nai setsii jaqshi ka akha miraq. Apaiq miika atijong we raq, apaiq wanhiq kaiho ma ajam ka mitiikhethü. Atijongwe raq apaiq ma ajaqshisetiim abi sitlaq kiima tü adung ka akhing khaqkhaq na tiiphaq siq laq nguta michong thü.

Luke 15:13

Kra pheake jai maq jaqlo miili, anowe raq apaiq la hup asam kra asha riito. Raüta, kra sha kampho ka hoho raüta, apaiq ka wanhiq na kihoto. Raüta, apaiq ka maiq mung ashi luhea na tre hoto. Raüta, kra mung na akampho kiimin pili piilii, tuwan piiwan shaphaqto.

Luke 15:30

Shatmaq, ara ümse ariiraq, ümtsiiq ümnyam chong thun kra wiita, mephe nyungre rai sethoq ja lam maq, raü baiqlot raütiishe, apaiq ka jam na jang wan kiiphaü tiitiq sha, ümniiraq ahan aphin pinthum minsaü pongse kra takuq laü!’

Luke 16:19

“Man na maiq weshi ka chiithe pinthum riito. Apaiq ka athii atsin pinthum miirii maq tiimiikhiiq raüta sito. Kiimaq wranaiqshe chamtraq tiipao tiipii raüta sito.

Luke 16:2

Kra tai raütiishe, apaiq raq achere we ka hea raüta chongto, ‘Ümniiraq i piikii ka atiisum riitlaü nguta, ngi ma nanok raq chong tlaq ara tengtaq riimak sha? Ümchaü min, ümniiraq, i tsiiq i nyam ümchuwa sitlaq kra, ngi ma kunli weake ra tlo. Ümniika ümchaü, i chere we ma jalot maü she.’

Luke 19:20

“Kiijiishe, ajaqshi se weshi kra hali chap wa raüta apaiq ma chongto, ‘Aki we le, arjaq ara ümchaq kampho sii ira. Ngi raq phaqchet na thop lata apaü lata thükang.

Luke 8:3

Kiimaq Herod rung na jaqshamti siihiip we Chuja tanyung Joana, kiimaq Susana thun kra riito. Kiimaq jechakre pahea ahinti, Jesuq nai ajaqshisetiim ka tsangshiq tsiiq anyam maq khrum kewan damtibi thun kra wadamto.

Titus 1:7

Phungtu sheati maiqla weshi she nguta sitlaq kriika, Shiikeawe jaqsham tawun howanti nguta sitlo. Kriikha maq, apaiq khum na jamlai phan mrong mra si min maimak. Apaiq tsan na ashkong tsii si raa mak. Apaiq ka mokhiq kai min khiq raa mak. Apaiq ka cherop ja raa mak. Atsan khiq raüla, jasam piqsii pheraiti ka raa mak. Atsan na kampho ma sükha tsii min rüm raa mak.

James 4:3

Kiimahali namshiq raq Shiikeawe jaq wa tsiiq nai nyam miitu achu jaü tlan. Shatmaq apaiq raq namshiq ma kuq mak. Apaiq raq namshiq ma tsiiq nai nyam ka jamkhano kuq mak, ngukla namshiq raq tsiiq nai nyam jaü tlan kriika, namshiq raq mangjong ngarai han-ngam polosea miitu jaü tlan. Kriika Shiikeawe maklii na ajiq. Kriikha na apaiq raq namshiq ma kuq mak.

1 Peter 4:10

Shiikeawe raq namshiq ma phanrap phanrii kongphiq ka akekun she. Krai mren, namshiq loweatek raq, maiqmii kongphiq atiitsang lap wan lan kriika, ahea wiq maq, khaqshkhaq jaqsham wan na lang rong laq. Kriika tarü ma amet dong chang jonghea miitu jaqsham tlan kriijaq lang ronglaq.