Luke 16:2 - Muklom

² Ethima piq aa ngin shingteywa tha hal eq batta, ‘Nga batung araaq miq ching wang iri chamta kap tat ang? I lik angin wang nang aa chamlang somlo tu thi nga ma batphu chammatakoi iri jio nang i ngin shingtey ta thamiing mu sey angnu.’

ASII LAKDAP Bible (BSI)

² Kra tai raütiishe, apaiq raq achere we ka hea raüta chongto, ‘Ümniiraq i piikii ka atiisum riitlaü nguta, ngi ma nanok raq chong tlaq ara tengtaq riimak sha? Ümchaü min, ümniiraq, i tsiiq i nyam ümchuwa sitlaq kra, ngi ma kunli weake ra tlo. Ümniika ümchaü, i chere we ma jalot maü she.’

Hawa Naga Bible 2001

² Kvkhoc ningkhvnc nuex luiz waungx waz rueq piq kuex gvl vtueq, ‘Ngaz rueq tay lvp tauk mnoz lvmz kuex yvmx khoc lac? M-yauk shuimc nuex seng vtueq ngvy tsak vnyvmx htenc kuex yvmx khoc lac shuimx vshuiux lvmx tvlot laz wvlc wvlc tvtsuingc luik kuex tvkhic kuq koq, yvmx khoc lac ngoz ruiux lec majuiuc vmaq mnoz kuex maneger yauk shuimc lvp muq shex,’ ngoz kuq tueq.

Luke 16:2 Referencias Cruzadas

Matthew 12:36

“Ethi rangma nga nim ma batphang, nim aa chamtan jashit raaq tin, eshi thaji rangma Khaphung Saal o nim aa wetkot eq nin.

Matthew 20:8

“Rang sey ja atho, pik tangteywa they pik rimteywa thima batta, ‘Pik somtey tang ni hal eq jiwang tha jakho tang ma ning jakthang ni ko u.’

Luke 12:20

Etharin Shkewa they piq thima batta, ‘Miqthom! Thaneypal aa nang utik angnu etho nang aa barang ma tat thajoq chey u tang ri utang eq kapna?’”

Luke 12:42

Teyhungwa thawel batta, “Etha ang ajo ukam tey etho thung aa tha rimkumtey utang aa? Eshi rimkumtey sha angna bari khom o tangteywa him wang thaji sanga tang sha rimkum ma etho khakla rangham o phaksat kotma shing aa.

Luke 16:1

Jesu aa ujiphantey tang ma batta, “Tanglom washey ma ulik angin shingtey sanga angta. Piq aa tanglom wa ngin tathun aa ta tangteywa aa tatta.

Luke 16:3

Ungin shingteywa aa tathinta, ‘I tangteywa nga jaksomlot wang ulat sey chak phanáng. Nga thanga chamlang sey náng? Nga haq khitma rongmoq etho dantun ma rakri ang.

Romans 14:12

Req hiqtang thaji eq Shkewa jakho hiqtang ni hiqtang wetwal sha takhi ni.

1 Corinthians 1:11

Ino nia pho tang, Chloe himtey tang wang chamtey thu eq, nim jaktung na thadan ang aa ta nga ma bat taphang.

1 Corinthians 4:2

Irimal sanga tang eq ning tangteywa jamoq rapney kamlam ching.

1 Corinthians 4:5

Ethirangma, nim atho khakla rangham thuwey phamoq nángduk nak phung inn. Teyhungwa kat náng thula ban inn. Piq aa rangnak na tapu eq somlo aa tang sha rangwung náng thoksol phana etho tinmong o tapu shing eq chamlang ta tathin aa tang thaji sha usam eq ma kot na. Etho eshi rangham tho Shkewa aa thaji miqtang sha chamal rangka kap ching shimal kot na.

2 Corinthians 5:10

Chammatakoi hiqtang thaji Khristo jakho na bara hiqtang khaphung rangma ukat hun ang ching, hiqtang aa chamlang kap ching sha kapni; hanphung na tong tok o jaqhal somlo ti tia jashit somlo ti eshimal hun kapni.

1 Timothy 4:14

Nang aa bara Asang Tsija jakkot kap tu eshi nak shing chak u, iri jakkot raa baluk o mondoli miqlang tang jak ba khom o shing ta rangham tho raaqtóng tungkang o nang aa kap tu.

1 Timothy 5:24

Chamtey miq ngarey sha jin khi eq aa, etho ning ngarey sha ning jakho na uphung kap ma wit na. Etharin miqdak tang ngarey sha jio hun kap khina.

1 Peter 4:10

Nim thaji aa bari jakkot raa Shkewa wang kap tin, eshi jakkot sha Shkewa ching wang thangchan ta tathin eq ashey eq ashey ma jaqhal eq somlo ching.

1 Peter 4:5

Etharin ning aa Shkewa raaq thawel kotching, piq aa atharang nia amáng tang phung ma kacha aa.

Revelation 20:12

Etho nga miqlang nijang tang thaji tiktey tang tha lungwang tongching jakho na lang atha khi táng etho likdap tha lakta. Adak likdap tha lakta bara rollung likdap angta. Etho chamal likdap na thawit ta thimal ning jaksom o utiktey tha phung ta.