Luke 10:22 - ASII LAKDAP Bible (BSI)

²² “I We raq ngi ma phanrap ake kun she. Awe tlea raüta, Ase ka juwa, kriika maiq ahinti jurmin sapmak. Kiimaq Ase ka lea raüta nai Ase raq tsea raüta ümriitimo tiichhikuq tlaq, kriiti lea raüta, Awe ka juwa kriika maiq ahinti jurmin sapmak.”

Hawa Naga Bible 2001

²² “Iwaz rueq phvnx ruip saz lotlaz kuex ngaz muex vlekuy wuez shex, Msaz vruex ukhaq lac rvtvnx lvmx kuex Iwaz maq lvy vtueq uraq muinz tuiuz muq, Iwaz muinz ukhaq lac rvtvnx lvmx kuex Msaz nuiyc Msaz vpiq rueq tvkhic kuq roc yaq jix maq lvy vtueq uraq muinz tuiuz muq,” ngoz tueq jungx tueq.

Muklom

²² Iwa nga ma phanrip kota phang. Wa tha shing chak eq utang eq tho Usa sam moq. Utang ma Sa aa uwa takhi aa, ning aa Wa sha sam aa. Ning nia Usa tha shingchak eq utang eq tho Wa sha sam moq.

Luke 10:22 Referencias Cruzadas

Matthew 11:25

Kra akhing na Jesuq raq Awe rai akha riibomto, “I we le, ra nai hiq rümti Tati we le! Ngi raq ümniima pinthum kechu tum tiikang. Ümniiraq atsin ahonti kiimaq tsüwe tsitwe thun ma, jamlai wa apaü riibaiq laü, kra thun tengman tlaq bomtsi ka, jehin nore setiim, jam min saptsin makti thun ma tiichhikuq wan laü she.

Matthew 11:27

“I We raq i jaq na phanrap arang ake kun she. Ase ka jurmin sap mak. Awe raq saptlaq kli. Kiimaq Awe ka jurmin sapmak. Ase raq saptlaq kli. Kiimaq Ase raq ümriiti miiwa tiichhikuq tlaq kriiti riili saptlo.”

Matthew 28:18

Kiijiishe, Jesuq ka tsangshiq tiinap niishe tiisotto. Raüta tsangshiq ma akhiishe chongkuqto, “Ramungtan nai mangjong hiq ara lang miitu arang ka ngi ma thumli ake kun she.

John 1:18

Shiikeawe sham ka ümchaü niitaq, maiqse angu wa, jurmin chhi mak shaq. Ase sekhuq laqlaqse, Awe rai shamshi, Awe wokhong na siti we kra riili, Shiikeawe hon atsii ka, maiqse ma tiichhi kuqto.

John 13:3

Awe raq apaiq ma phanrap tang wan miitu ningkun ka akekun she nguta apaiq raq asap. Kiimaq apaiq ka Shiikeawe pha wa aki, kiimaq apaiq ka Shiikeawe pha na hali wawan nong nguta, Jesuq raq wiita asap.

John 17:10

Ngi rii ümchuwa sitlaq kriika ümniirii. Kiimaq, ümniirii ümchuwa sitlaq, kriika ngi rii. Kiimaq, tsangshiq lümaq, i khushü jong ara tiichhikuq tlo.

John 17:2

Ümniiraq apaiq ma maiqse angu wiita hupkhang wan miitu arang ka kuq laü she. Krai mren, ümniiraq apaiq ma sengi ümchuwa kuq laü, kriima apaiq raq pattup pat-sa rilung she mikuq.

John 17:26

Ngi raq tsangshiq ma, ümmang ka triisap kuq wan kang she. Kiimaq, arthaq niimin ngi raq ümmang ka tsangshiq ma, atsaü maq triisap kuq wan ruq li mirha. Krai mren, ümniiraq ngi lungwii tlaü, ümmang chan tsantsii ka tsangshiq tsan mong na misi wan. Krai mren, ngi min tsangshiq rai tsanshi mongshi maq misi wan dam ha.”

John 17:5

I We lei! Riita ümchaü min, ra nai hiq min mitiiq shaq niiphü, i khushü jonglu siwantaq irhali, ümchaü ümniirai mantut na, tiijong kuq nonglaq.

John 3:35

Awe raq Ase ka pinthum lungwiitlo. Krai mren, Ase ma phanrap lang wan miitu arang ka ake kun she.

1 Corinthians 15:24

Kra jai miishetiq, phangthum akhing ka misaü wan. Kra akhing na Khristo raq ümchuwa thawe ningkun, shotsai winji, jowe binti, rakaü hiq we winji hokhambi thun ümchuwa sitlaq kra, wiita ajaq khon mong niishe mijam sha wan. Raüta Shiikeawe mungtan ka Awe Shiikeawe kiimiishe mili kuq wan.

2 Corinthians 4:6

Shiikeawe raq ra nai hiq tiiq wan lam maq, “Ranyaq mong ka rawüli miishe mija laq” nguta aming tatto. Ara chongtiikai Shiikeawe riisü hali, naishiq tsan mong na, apaiq tiichhii wan wanii tu ka tliliim kuqtlo. Ara naishiq tsan mong na liliim tlaq walüli raq, Shiikeawe khushü chhainyii tlaq kra naishiq ma tiichhikuq tlo. Riita ara walüli ka Khristo theaphi wa liliim tlo.

Ephesians 1:21

Kiimaq, ümchaü Khristo ka kiijaq Ramungtan na nga raütiishe, ra na siti winji mungtubi, arang hotibi winji, ningkun rümtibi, winji welabi, kiimaq winji tuwebi ümchuwa sitlaq kra thun khuthaq na, Khristo apaiq riishe, mung ka lang tlo. Khristo raq, apaiq jaqsham arang mang ho tlaq kriika, ümchaü pat wa nai jai na saüho tlaq pat na siwan tlaq thun tarü thaq na, ajong pinthum mang ho raütiishe sitlo.

Hebrews 2:8

Laüta, ümniiraq apaiq ka, ra nai hiq wiita kunkun peng wanti we miishe shong laü.” Ara chongtlaq Asii lakdap jaq niika, “Shiikeawe raq maiqse ka mangjong hiq na sitlaq phanrap kra rümti we miishe shongto” nguta chongtlo chhi tiikai. Shatmiitiq nashiq raq mak maq rashra kaü chhi tiikai, maiqse raq phanrap ka ümchaü niitaq awokhong na tiishang lot mak shaqli.

1 John 5:20

Nashiq raq asap i, Shiikeawe Se ka kito. Raüta nashiq ma phaqchi kuqto. Krai mren, nashiq raq riikhaqli Shiikeawe ka saptiikai. Nashiq ka riikhaqli Shiikeawe rai pumshi hanshi maq sitiikai--Ase Jesuq Khristo rai pumshi hanshi maq sitiikai. Ahata riikhaqli Shiikeawe. Kiimaq ahata pattup pat-sa rilung.

2 John 1:9

Juwa Khristo raq achongkuq bomtsi aming wokhong na simak, aming jin raüta lamjiq nü na kiho tlaq, kriiti ka Shiikeawe rai adam na simak she. Shatmaq juwa Khristo rilung manphan bomtsi chong tlaq kra lang raüta sitlaq, kriiti ka Awejong Shiikeawe kiimaq Ase tsangnai wenai wiita wokhong na sitlo ngushat.