Luke 10:21 - ASII LAKDAP Bible (BSI)

²¹ Kra akhing na, Jesuq khum na Asii Wenyi ka ama riito. Krai mren, apaiq ka kai chochito. Kiimaq apaiq ka akha achu jaü bomto, “Iwe lei, ra nai hiq Rümtiwe lei! Ngi raq ümniima pinthum kechutum tiikang. Ümniiraq phaqchi maiqse nai asap atsinti maiqse miika, arthun arka apaü riiwan tlaü. Shatmaq, jam min saptsin makti ma, ümniiraq arthun ara tiichhi kuq tlaü. Ngohea dea, i we lei, ümniiraq tiima tlaü kra phan phan she dea hongtha wanto.

Hawa Naga Bible 2001

²¹ Kvruex baunglaung Yesu kuex Vsawc Siyac ningkhvnc nuex kokez thuinz mvrc vtueq, “Raungx nuiyc ghaq Taungjix, Iwaz lex! Wvtharc jix nuiyc thuinz vrux jix hez kox wawc mnoz rueq vhttuiyq taq vlvmz htenc kuex tharc vguez jix muex mnoz rueq tvkhic kuy ningkhvnc nuex ngaz rueq mnoz muex tvtsvmc vshaungx. Rvtueq, Iwaz lex, kvruex kuex mnoz rueq vroc tvyaungc wvnc lvmx rvtueq.

Muklom

²¹ Ethi rangham tho Jesu Asang Tsija wang sungrang ta etho batta, “Iwa, mungtan nia mingkang Teyhungwa; nga nang ma kechu ajong kophang chammatakoi nang aa iri tang thaji raa rapney samtey etho asam atol miqtang wang tapu eq nijangsa mal miqtang ma tasam ma kotu. Ang ang aa, Iwa, nang aa irimal angma hun nuk tu.”

Luke 10:21 Referencias Cruzadas

Tvtsvmc 24:1

Mangjonghiq nai kiijaq ümchuwa sitlaq kriika Tatiwe rii; hiqraikhü kiimaq kriithaq na jamlai wa sitlaq kriika apaiq rii.

Tvtsvmc 25:14

Tatiwe ka awokhong na siti ma khi alu, kiimaq apaiq raq atongshong tri ka tsangshiq rai atiipha shat raüta sitlo.

Tvtsvmc 8:2

Arka nosere kong raq nai noshiisetiim raq shingetlo. Ümniika ümjaqtinok maklii wa tiiwongshat kiimaq angang alang sitlaü; Jurwa ümkiq khiitlaq kra tiikaiqshakli tiinga baiqtlaü.

ISAIA 29:14

Kriikha na Ngi raq tsangshiq ka klata maq abuk ikha thongshi riihot bukjai na thongshi ri hali tiipat-saq mibukha. Juwa taksu maiqsetiim nguta tiimatlaq thun ka angok angikong miishe mijaki. Kiimaq tsangshiq khonglaq phaqchitu kriika khanhüli she mijaki.”

ISAIA 35:8

Kiijaq munglam jong kaü jonghea she mitan wan, kra mang ka, “Asii Lamjong” nguta mingu. Ngarai maiqse ka kra lam maq ümtiikiimin khum mak miraq; kra lam phan phan khumti ka maiqjiqti thun raq tiishonlot mak she miraq.

ISAIA 53:11

Chamchao rilung siwan jaimaq, apaiq rilung ka chojong chise rilung miraq; apaiq chamchao wantaq kriika atu na riimak nguta apaiq raq misap wan. Iwokhong na siti ijaqshise, Ngi raq apaiq ka pinthum lung wiitiikang. Maiqse pahea raq mo howan chang ka, apaiq raq wiita miho wan. Kiimaq apaiq mang na, Ngi raq tsangshiq mra ka midiikuqha.

ISAIA 62:5

Jerowe raq junsangse ka atanyung ma lam wantlaq ikha, Ümnaq phansangti raq ümniika achak ma milam wan. Alam wantiwe raq junrii nyung ma chochitlaq ikha, Üm Shiikeawe ka ümniima michochi.

ISAIA 66:1

Tatiwe raq ngutlo, “Ramungtan ka Ngi ngachang hokham ngacho. Kiimaq mangjong hiq ka ihok tiida chang hüda. Ümniiraq Ngi miitu jamkhiinok jam wa mihai kuq haü? Ngi sichang ka jamkhiinok hiq ba niiwa miklo haü?

JEPHANIA 3:17

Tati üm Shiikeawe ka, ümniirai asi. Apaiq ningkun jong maq ümniima, rekhat mitiitangkuq. Tatiwe ka ümniima michochi, Kiimaq apaiq lungwii wokhong maq, ümniima rilung anye she mikuq. Apaiq ka ashi ange miraq, kiimaq ümniima pinthum michochi,

Matthew 16:17

Kiijiishe, Jesuq raq, “Kechu jonghea, Johan se Simon le!” nguta treto. “Riita ara tengtlaq bomtsi chongtlaü arka ümniima maiqse raq achongkuq ka riimak. Shatmaq i We ramungtan na siti we raq ümniima tingsang atiichhi arkuq.

Matthew 21:16

Kra kha miishe, tsangshiq raq Jesuq ma waito, “Riita, ümniiraq ara tsangshiq raq jamlai wa gisii trang rai wantaq arka tai tlaü khata?” Kiijiishe Jesuq raq, “O, arka ngi riimin la taishat na!” nguta tsangshiq bom ka treto. “Riita, namshiq raq asii lakdap na, ‘Ümniiraq nosere nai noshiisetiim ma pinthum athuk atsom tiitsam kam bomtsi ka shrinkuq laü!’ nguta chongtlaq kriika namshiq raq phat man dea sha riilan?” nguta tsangshiq ma waito.

Matthew 3:7

Shatmaq, Johan raq Phorisinok nai Sadusinok ka apaiq phana khamlamkai nguta pahea akai rai kra chhi raüta, tsangshiq ma akha sonto, “Namshiq ka paüsang nyiqla ikha khonglaq tlan! Namshiq ka Shiikeawe raq ngarai maiqse ma chamchao tiisaüho tlaq kiiwa kham lam wan laita mihang wanlot rong i ngutiisha tiima tlan?

Mark 10:15

Ngi chongpha, tai ronglaq, jurwa ara nosere akha ja raüta, Shiikeawe Mungtan ka tao mak, kriiti ka ümtiikiimin Shiikeawe Mungtan na saülot mak miraq.”

Luke 15:5

Riita, ümtiikiiwa apaiq raq kra skuse ka hum jiiq, apaiq ka kai chojong chise she, skuse ka aphaq lam na pisaq raüta miboq wan.

Luke 15:9

Raüta, apaiq raq ümtiikiiwa kra kamsii kra hum jiiq, raüla, apaiq raq akongti nyungre nai ajamthoti nyungre ka adam na hea raüta, ‘Ngi ka kai khoqriiq tiikang. Ara i kampho sii ara amo arki wa hum kang. Ümchaü min, nashiq tarü adam na chochi rong i!’ nguta michong.

John 11:41

Kra chongtaq krai mren she, tsangshiq raq longsha kilü pang chang longkaü kra linbaiqto. Jesuq raq ra nü na lü raüta akha achu jaüto, “I We lei, ümniima kechutum tiikang. Ümniiraq ngi achu jaü ka tre tlaü.

2 Corinthians 4:3

Naishiq raq chongkuq tiikai Tsütsa Ahea ka, maiq wiijamti riika akhiismin tak mak dongdii maq siwanti min asi. Tsangshiq ka ranyaq mong na sitibi. Tsangshiq ka amo amii rai wantibi.

Ephesians 1:11

Phanrap kiimung tlaq arka, Shiikeawe apaiq raq sürii tlaq nai thimi tlaq kra phanphan tiikutlo. Kiimaq Shiikeawe raq nashiq ka, Jesuq Khristo rai pumshi hanshi she tiija wantaq kra lümaq, asengi she nguta phumram kham maq bat wanto she. Arka apaiq raq man na rapha hiqwa niiphü athapthi wan wi she dongdii kra tiiku pi miitu she nashiq ara tsea wanto.

Ephesians 1:5

Shiikeawe raq kongkhu miiphü, Jesuq Khristo pum na, nashiq ka asetiim ma tiija wan ma nguta, bom ka ashat wan wishe dongdii. Riita, ara bomtsi shatthü wantaq arka, apaiq tsan mong na chojong chise nai shonron khiq maq thimi wanto.