Luke 10:22 - Muklom

²² Iwa nga ma phanrip kota phang. Wa tha shing chak eq utang eq tho Usa sam moq. Utang ma Sa aa uwa takhi aa, ning aa Wa sha sam aa. Ning nia Usa tha shingchak eq utang eq tho Wa sha sam moq.

ASII LAKDAP Bible (BSI)

²² “I We raq ngi ma phanrap ake kun she. Awe tlea raüta, Ase ka juwa, kriika maiq ahinti jurmin sapmak. Kiimaq Ase ka lea raüta nai Ase raq tsea raüta ümriitimo tiichhikuq tlaq, kriiti lea raüta, Awe ka juwa kriika maiq ahinti jurmin sapmak.”

Hawa Naga Bible 2001

²² “Iwaz rueq phvnx ruip saz lotlaz kuex ngaz muex vlekuy wuez shex, Msaz vruex ukhaq lac rvtvnx lvmx kuex Iwaz maq lvy vtueq uraq muinz tuiuz muq, Iwaz muinz ukhaq lac rvtvnx lvmx kuex Msaz nuiyc Msaz vpiq rueq tvkhic kuq roc yaq jix maq lvy vtueq uraq muinz tuiuz muq,” ngoz tueq jungx tueq.

Luke 10:22 Referencias Cruzadas

Matthew 11:25

Ethi rangham tho, Jesu aa batta, “Iwa, mungtan nia mingkang Teyhungwa, nga nang ma kechu ajong kophang chammatakoi nang aa iri tang thaji raa rapney samtey etho asam atol miqtang wang tapu eq nijangsa mal miqtang ma tasam ma kotu.

Matthew 11:27

“Iwa nga ma phanrip kota phang. Iwa tha shing chak eq utang eq tho Usa sam moq. Utang ma Usa aa uwa takhi aa, ning aa Uwa sha sam aa. Ning nia Usa tha shingchak eq utang eq tho Uwa sha sam moq.

Matthew 28:18

Jesu ning relnáng thu eq batta, “Mungtan ni mingkang thaji authority tha ijak o kochak tapha.

John 1:18

Shkewa tha utang eq tho khi moq angta, etharin Shkewa Miqwasa ashey dang hun hiqtang ma Shkewa tha samtol ma kot taphi. Piq Shkewa hun etho Uwa jamna tong aa.

John 13:3

Jesu aa usam eq ta, “Iwa thaji sha i jak náng kochak taphang, etho nga Shkewa relwang katapha etho Shkewa relnáng wang chey ang.”

John 17:10

Chamtan i rang thaji sha ba rang etho bara ba rang sha i rang etho eshi tungkang o i phun amun takhi ta.

John 17:2

Chammatakoi nang aa piq ma thaji atharang phan sho authority shing ma kotu, req nang aa Miqwasa ma ko tu eshitang thima piq aa pattuk rollung ko aa.

John 17:26

Nga ba miing ning ma tasam táng etho eshimal hun som náng, irimal ang eq bari tinmat wang nang aa nga ma tinmat taphu eshi tinmat shi ning otho atha ang na, etho nga ning o tong náng.”

John 17:5

Iwa, mingkang phanghun jakho bari phun amun raa nga ba jamna shing táng, thanga ba jakho na eshi phun amun shey nga ma tashey phu.”

John 3:35

Uwa aa Usa ma tinmat aa, etho piq aa thaji tangwang tha piq jaknáng kotchak aa.

1 Corinthians 15:24

Ethi jio hun uthom angna; eshi rangham o thaji jaktáng o shingtey tang, etho authority tang etho lungwang tang sha Khristo aa tathom chak eq rangmungtan sha Uwa Shkewa ma kotchak na.

2 Corinthians 4:6

Shkewa batta, “Anak wang alit shi cham pháng aa!” Ira Shkewa hun í tinmong o alit sha tapháng ta, irimal ang eq Shkewa phun amun sha bara Khristo sham wang pháng aa, esha í ma tasam ma kot aa.

Ephesians 1:21

Eshina Khristo aa thaji jaktáng o shingtey tang etho authority tang etho tarong etho tangteywa tang sha ujakkhung na shing aa; etho umiing sha iri mingkang wang chen ang moq, etharin uthuk ang pha mingkang authority miing tang wang tho ajong.

Hebrews 2:8

Nang aa thaji sha ujaa khungna shing chak tu.” Thaji sha piq jakkung na shingchak ta tho, piq jakkhung na shing moq ta chamtho ahung angta. Etharin hiqtang aa thanga náng thula thaji sha piq jakkhung na khi mi.

1 John 5:20

Hiqtang ira tho usam eq i, Shkewa Miqwasa ka tapha etho hiqtang thaji ma thunglam kota phi, ethi rangma hiqtang aa asing Shkewa tha sam i. Hiqtang Asing Shkewa jamoq kara eq tong i; chammatakoi hiqtang Usa Miqwasa Jesu Khristo jamna kara eq tong i. Piq sha asing Shkewa, etho pattuk rollung.

2 John 1:9

Utang Khristo tatal na tong hung aa adak tatal konáng kattey tinmong na Shkewa ahung. Utang iri tatal na tongtey tinmong na Wa nia Miqwasa thani atha.