Luke 1:17 - ASII LAKDAP Bible (BSI)

¹⁷ Apaiq ka Tatiwe ma sinkhu na miki. Shammi Elija ikha apaiq ka kamasham na, achaq awaq miraq. Apaiq raq tapin aki, siwe sise ka ashram mirkuq wan. Apaiq raq lamjiq na akihotibi maiqse thun kra, tingting lamphan na hali mitrap ru shea wan nong. Apaiq raq Shiikeawe sengi ka Shiikeawe puk na nyap wan miitu, tsangshiq tsantsii kra mitiinin ja wan.”

Hawa Naga Bible 2001

¹⁷ Piq kuex Taungjix max nuex kay jix waz ningkhvnc nuex shvmmax Elia ikhoc hungc vlaungc httax vtueq yungx luz yaq. Piq rueq vwaz tamx nuiyc vsaz tamx kuex vdvmz nuex tvrungx raz kuq shuex, kvjaz tay phvnx muq jix kuex tsuingrux jix lvmx nuex shvlx tvyez wvnc shuex, Taungjix tvkoc tvyoalc yoalx yaungc muex vpiq miqsaz htenc kuex tvyoalc laz shuex,” ngoz tueq Zecharia muex jungx tueq.

Muklom

¹⁷ Piq sha rangsamal Elijah mal rapney achan etho tarong som eq Teyhungwa jakho khona kana. Piq aa uwa nia sa tang wey kara eq na; piq aa raaq tat moqtey tang tha aqhal lam náng wey thawel solna; piq aa Teyhungwa miqtang urangma kacha chol angna tha kapna.”

Luke 1:17 Referencias Cruzadas

1 HOKHVMX 17:1

Shammiwe Elija, apaiq ka Gilead wang wa Tishbe hiqti raq Hokhamwe Ahab ma nguto, “Tatiwe mang na, atra Israilnok Shiikeawe mang na, ngi raq shomnoq tiikangwe mang na, ngi raq ümniima chongtiikang, armung na, ngi raq inübok maq minguha shaq wiiwii wiinai riimakla wiitsam na saüli ra wa bangtsi min rok mak miraq, kiimaq ra min junmak miraq.”

1 HOKHVMX 18:18

“Ngi ka mungbraktiwe riimang,” nguta Elija raq apaiq bom ka treto. “Ümniikhata —ümwe namnai khata mungbrakti ka. Ümnaq nai ümwe tahii jamti raq khata Tatiwe aming thun tleati ka. Lantea Baal sumla phra phong kra shomnoq tlan kata.

1 HOKHVMX 21:20

Kiitiikaq Ahab raq Elija ka chhi raüta, apaiq raq nguto, “Ijaqtiwe loi, ümniiraq ngi hali chhirat wa nong laü nya?” “O, tengto. Ngi raq ümniika humrat kang,” nguta Elija raq treto. “Ümniiraq ümrilung ka Tatiwe makki na jamlai wa ashut kra klowan niilishe dea kiinong kuqbaiq laü kata.

2 HOKHVMX 1:16

Kiimaq apaiq ma akha nguto, “Tatiwe raq ümniima akha ngutlo: ‘Ümniiraq Israil mung na shiikeawe ahü ikha, Ekron chela riimti phrakaü Baaljebub phana teitlangkaitibi tiikilaü kriikha na, ümmitsi ka heamak she; ümniika atsai she mirhaü!’”

1 KAÜWA WERAÜ 29:18

Naititiim Abraham, Isak, kiimaq Jakob Tati Shiikeawe lei, ümsenginok tsan nai mongjii na ümniima shomnoq wan tsan atsii ümchaü riimtlaq arka pattup pat-sa phataqtaq maq thü wan laq. Laüta tsangshiq ka wranaiq she ümwokhong na tsapsaü kap se maq shongnga wan miituli riim laq.

2 KAÜWA WERAÜ 29:36

Hokhamwe Hejekia nai mungmaiqse ka kai khoqriiqto. Jamkhano ngukla Shiikeawe raq tsangshiq ma jaqlo liipan niili arthun jaqsham ara tlot wan miitu khrum kuqto.

Tvtsvmc 10:17

O Tatiwe lei, ümniiraq mitai kuq haü, wepuq wese kong raq achu jaütlaq kra mitrekuq haü; ümniiraq tsangshiq ma tsaiji midokuq haü.

Tvtsvmc 111:10

Taksu ma jawan lam ka Tati shrengkli; apaiq aming thun langtibi ma apaiq raq riikhaqli tri sham phaqchi kuqtlo. Apaiq ka pattup pat-sa tiitsam chang.

Tvtsvmc 78:8

Tsangshiq ka tsangtitiim kiikha riimak mirlaq, Tsangtitiim pat ka kiqkhii sruwali kiimaq nilan, tsangshiq raq Shiikeawe ma kamtsii ka ümtiikiimin pharangrang maq thümak kiimaq tsangshiq ka apaiq wokhong na tsapkapkap simak riito.

ISAIA 29:24

Angok angi kong riimin phanrap ka ahea she misap tsin wan. Kiimaq abot atsaü wali sitibi kiimin chochikhiq miishe shrinkuqtlaq ka mishrin wan.”

AMO LUIK DVP (AMOS) 4:12

“Riita, ara chongtiikang akha, Israilnok lei, ngi raq namshiq kha ka mipho ha. Lata namshiq ka mitiichamchao ha. O, Israilnok lei, namshiq Shiikeawe rung na chap ma, khekham sirong laq!”

Matthew 11:14

Kiimaq namshiq raq tsangshiq traho bomchong ma kamwan tlan jiika, Johan kata tsangshiq raq shammi we Elija miki nguta tiithai chongkuq thü tiiwe kra.

Matthew 14:4

Kriikha na kongkhuji na Khamlamketi we Johan raq, “Ümniiraq ümno chhi-nyung Herodias rom wan laü kriika, thungtri na hong mak!” nguta Herod ma tsii chongke apaiq ka sonto.

Matthew 3:3

Isaia shammi we raq tiithai thütiiwe ka Johan ara. Apaiq raq akha nguta tiithai thüto, “kumtsaiphii na ashi ra raq asii lülü maq riimtlo, ‘Tatiwe kai chang lam ka tanholi laq; Apaiq khum ma lam ka liitatat tanho laq!’ ”

Matthew 3:4

Johan miirii ka Kumtsong nyamse bin maq ataq khea samto. Apaiq raq achhü niika ngamkhü shinket pato. Kiimaq rum wa kupchi nai ngiqngu kra apaiq dung ma tiija raüta phaqsiq wanto.

Luke 1:16

Kiimaq apaiq raq, Israilnok mung maiqse pahea, Tati Shiikeawe wokhong na mitiijang shea wan nong.

Luke 1:76

“I se le, ümniika, Ajong Pinthum Shiikeawe shammi ngutiishe mingu. Ümniika Tatiwe ma sinkhu na miki haü. Laüta, apaiq kai chang lam kra mitanho haü.

John 1:13

Tsangshiq Shiikeawe setiim ma jawantaq kriika, mangjong han-ngam maq rawü chhi tlaq, ikha rawü chhi raüta Shiikeawe setiim ma jawan ka riimak. Shatmaq, Shiikeawe apaiq raq tsangshiq ka, asetiim ma tiija tlo.

John 1:34

Riita, kra ngi ma chongkuqtaq krai mren, ngi raq chhi kang she. Ngi chongpha, Shiikeawe Se ka apaiq dea,” nguta Johan raq mungmaiqse ma tru chong kuqto.

John 3:28

Namshiq ma ngi raq tsii ka chongke jeshe. Namshiq ka i hakhi sitlan. Ngi raq namshiq ma, ‘Ngi arka asaükaiti we Khristo kriika riimang. Shatmaq, apaiq ma lam tankeho kongkhu na Shiikeawe raq atiiki we kra,’ nguta chongkuq pha ihata.

Acts 10:33

Kiimaq kra chongkuqtaq krai mren, ngi raq ümniika tlothit li ana tiiheaki kang. Kechu jonghea, ümniiraq tlea maü maq saü wa laü. Riita, shiilangwe lei, ümchaü min Tatiwe raq naishiq ma jamlai chongkuq wakiq ngutiiwa tiiwataq, kra taiwan miitu naishiq tarü ajaq Shiikeawe man na riitam wan kai,” nguta treto.

Romans 9:23

Kiimahali, apaiq raq nashiq ma, apaiq achhai anyii khushü tum jonghea towantlaq kriimin, nashiq ma tiichhike wan rotlo. Ara apaiq khushü tum kaü towan tlaq kriiwa, nashiq ma riisha raükuq wanto. Nashiq ka apaiq raq kongkhu miiphü dongdii, apaiq tiihang wan mangchan khoqram kii maq rairii wanje she dongdii riito.

2 Timothy 2:21

Riita, juwa ara chongtiikai arot shrabi abi ashe lamphan arwa maiqmii khum ka asii, siirairai thütlaq, kriiti ka Shiikeawe ma pinthum rahea miraq. Apaiq ka siqlaitap na khütsaü abat thü ikha akkhek atiitsang akhing niili milang. Apaiq ka Tatiwe raq lang wan miitu, pong na arai wan wishe. Apaiq ka Tatiwe ma phanrap jaqsham ahea sitlaq kiijaq lang wan miitu tiijeje maq thü tlo.

1 Peter 2:9

Shatmaq, namshiq riiwe kla, Shiikeawe raq atsea arwan maiq phan she. Hokham we ramwebi. Asii mung ashi nguta sitlan. Shiikeawe sengi. Namshiq ka Shiikeawe raq ngarai ranyaq tangtang mong wa, apaiq tiichhii wan rawüli, achong lot mai awang chang liliim rilung she kuqto. Apaiq raq namshiq hea wantaq kriika, apaiq raq awang chang tiichhii wan jaqsham wantaq kra nanok ma chongke wan miitu tseatsiiq wanto.

1 John 2:28

O raq, i setiim lei, apaiq rai pumshi hanshi maq sirong laq. Akha shongnga hai jiika ümtiikiiwa apaiq ka saüki jiiq, kra Ranaiq nashiq ka apaiq ma hai ma, atiijeasi chang jam min ahü she miraq. Kra Ranaiq nashiq ka tsailam jilam maq, chojong chise she misi rong i.

Revelation 20:4

Kiijiishe, ngi raq hokham ngachang ngacho thun ka chhikang. Kiimaq hali ngi raq Jesuq tsütsa nai Shiikeawe bomtsi ka tsapkapkap maq traho bom chongke wan kha na, atsatbaiq wanti maiq tsaiji thun min chhikang. Tsangshiq raq ngamthaiq kaü lo, ngamthaiq kaü sumla lo kra shomnoq mak dea riito. Kiimaq tsangshiq raq ngamthaiq kaü abi khoqramkii maq tsangshiq khakam na lo, tsangshiq jaq na lo, tiiwaiq wan mak dea riito. Tsangshiq ka amaa wa dong wan nongto. Raüta hokham ngacho na ngatlo. Jamkhano ngukla, Shiikeawe raq tsangshiq ma hokham jawan arang ka kuqto she. Kiimaq krai mren, tsangshiq raq Khristo rai rawii hingshi mung she milang dam.

1 SAMUEL 7:5

Raütiishe Samuel raq Israilnok kunli ka Mijpa chela na thung miitu, akha tiichong wato, “Ngi raq namshiq miitu Mijpa chela maq achu mijaü kuq kang.”