Luke 1:17 - Hawa Naga Bible 2001

¹⁷ Piq kuex Taungjix max nuex kay jix waz ningkhvnc nuex shvmmax Elia ikhoc hungc vlaungc httax vtueq yungx luz yaq. Piq rueq vwaz tamx nuiyc vsaz tamx kuex vdvmz nuex tvrungx raz kuq shuex, kvjaz tay phvnx muq jix kuex tsuingrux jix lvmx nuex shvlx tvyez wvnc shuex, Taungjix tvkoc tvyoalc yoalx yaungc muex vpiq miqsaz htenc kuex tvyoalc laz shuex,” ngoz tueq Zecharia muex jungx tueq.

ASII LAKDAP Bible (BSI)

¹⁷ Apaiq ka Tatiwe ma sinkhu na miki. Shammi Elija ikha apaiq ka kamasham na, achaq awaq miraq. Apaiq raq tapin aki, siwe sise ka ashram mirkuq wan. Apaiq raq lamjiq na akihotibi maiqse thun kra, tingting lamphan na hali mitrap ru shea wan nong. Apaiq raq Shiikeawe sengi ka Shiikeawe puk na nyap wan miitu, tsangshiq tsantsii kra mitiinin ja wan.”

Muklom

¹⁷ Piq sha rangsamal Elijah mal rapney achan etho tarong som eq Teyhungwa jakho khona kana. Piq aa uwa nia sa tang wey kara eq na; piq aa raaq tat moqtey tang tha aqhal lam náng wey thawel solna; piq aa Teyhungwa miqtang urangma kacha chol angna tha kapna.”

Luke 1:17 Referencias Cruzadas

1 HOKHVMX 17:1

Gilead mungx Tishbe ghaq jix vmuingc Eliya ngoz yaq shvmmax washiz rueq Hokhvmx Ahab muex ngoc, “Yehowa muingc maq muinz, ngaz rueq shuimx kuq vshaungx vtvraungx httax yaq Israel Tishox maq muinz ngaz rueq jungx yek shaungx nuex httuiuc laz, vruex wawc nueyc wawc thuimx vyuq buing muinz dvy muq, raungx muinz yunx muq rvtuex kuex ngaz rueq mnoz muex jungx vphaungx,” ngoz tueq jungx tueq.

1 HOKHVMX 18:18

Eliya rueq, “Ngaz kuex kuilc daz kuy jix waz rvmuq. Mnoz nuiyc m-waz nuimnueyc dvyx rvtuit. Mnoz waz kuex Yehowa rueq nvr yaq bomc htenc kuex phvnx muq maq, Bala yac yuimx htenc kuex nawk palx vshuiux.

1 HOKHVMX 21:20

Ahab rueq Eliya kuex khiz vtueq, “Ngvy ralx waz lex, mnoz rueq ngaz kuex humc phux shex nyix?” ngoz tueq. Eliya rueq, “Rvtueq, ngaz rueq lauz phaungx shex, mnoz rueq Yehowa htumc nuex vbac yauk shuimc kuex mshauk pumz maq raungc raq tvhtumx laz shuimx vshuiux.

2 HOKHVMX 1:16

piq muex ngoc, “Vruex kuex Yehowa rueq vjungx bomc rvtueq: ‘Israel mungx nuex mnoz rueq wiz muex tishox vganc vguez rvtueq haz, Ekron tishox Baalzebub muex wisoz kay tvkoc kamx waz hez kuex mnoz rueq tvkaz toq ningkhvnc nuex, mnoz thuiuz vsac kuex hvlx kaz tuiux rvmuq; mnoz kuex vthueyc rvtuiux!’ ngoz tueq jungx yaq,” ngoz tueq.

1 KAÜWA WERAÜ 29:18

Nuiyshiq jix vwaz Abraham, Esak, nuiyc Yaku hez Yehowa Tishox lex, Mmiqsaz hez nuex kvkhoc lekuy tuiuz yaq thuinz vmungx kuex pattup tvhungc laungc vtueq, mnoz nuex tsuingshiq kuex mkaq muinz tvmtuing tvhttax shuiuz.

2 KAÜWA WERAÜ 29:36

Tishox rueq vruex yauk shuimc kuex htat htat shuimx wvnc lvp laz juing tsuingshiq muex romc kuy ningkhvnc nuex, Hokhvmx Hezekia nuiyc miq htenc kuex kokez shuenruenz wuez tueq.

Tvtsvmc 10:17

O Yehowa lex, mnoz rueq thuinz tvyomx jix vjux thoz bomc kuex tay kuq vtueq; mnoz rueq tsuingshiq muex khvmc thuinz kuex kuq shuiux.

Tvtsvmc 111:10

Yehowa muex tvtsanc nganc kuex tharc httaz wvnc juing lvmx rvtueq; vpiq rueq nvrc bomc htenc tay phvnx jix lotlaz muex rvkhauk laz khac phoc kuy lvmx kuq yaq. Vpiq rueq pattup tvtsvmc kvmc lvmz lvp wvnc tueq.

Tvtsvmc 78:8

Tsuingshiq kuex khawc lvlc jix nuiyc tay phvnx muq jix htenc, Tishox muex tvluimc lvmx nuex mkaq muinz phaungx muq jix htenc nuiyc, vpiq nuex tvmtuing thuinz vguez, tsuingshiq jix vwaz tamx ikhoc yaungx tuex rvmuq shex.

ISAIA 29:24

Miqyaq jix rueq vtuiuz vtay juing kuex tvluing wvnc shuex, mkaq muinz kvbot nyvnx jix kuex tvhonc tvtharc rvhumc wvnc tvkoc vkoz vkez rvwuez tuex,” ngoz tueq jungx tueq.

AMO LUIK DVP (AMOS) 4:12

“Kvkhoc rvtueq, Israel miqsaz lex, ngaz rueq nuimshiq muex murx tvgurc phaungx. Vkhoc ngaz rueq shuimx shaungx ningkhvnc nuex, ngvy khac phoc shaungx kuex rvhumc tvkoc tvyoalc wuez shuinz!”

Matthew 11:14

Tsuingshiq bomjungc kuex nuimshiq rueq tay vtueq kvmx wuez ruiux yuq, vruex Yohan kuex httuiuc kaz yaq waz ngoz tueq tvluz nuex jungx wvnc tueq Elia kuex rvtueq.

Matthew 14:4

Yvmx khoc lac ngoz ruiux lec Yuix Luip Yohan rueq Herod muex, “Mnoz rueq Herodia kuex lvmc mvy muq!” ngoz tueq jungx tueq.

Matthew 3:3

Shvmmax Esaia rueq, “Taungjix tvkoc lvmx tvyoalc wuez shuinz, ‘Vpiq khuemc juing lvmx kuex tvrux tvpvnz wuez shuinz,’ ngoz tueq kumtsvy tvnx nuex miq washiz guyc yaq,” ngoz tueq kvjaz kuex Yohan nuex seng vtueq vjungx kvjaz rvtueq.

Matthew 3:4

Yohan kuex gola-uk mul khvysvmx vtueq piq kheshuit ruiuz kuex ngvmx khuix ruiuz rvtueq, piq phuiuz svy juing kuex kup jawrawx nuiyc yaruix wawc nyaq ngurx rvtueq.

Luke 1:16

Piq rueq Israel paunghvlc kuex Taungjix tsuingshiq Tishox kox nuex tvroz shvlx wvnc shuex.

Luke 1:76

Isaz lex, mnoz kuex Johvlc Pinhtumc Tishox waz shvmmax ngoz tueq ngoz kv-phux. Vpiq lvmx tvyoalc kuy tvkoc, vpiq max nuex kaz wvnc tuiux rvtueq,

John 1:13

Tsuingshiq kuex miqsaz htungx vlayx maq vjawx sahez yaungx wvnc tueq ikhoc Tishox sahez muex yaungx wvnc tueq rvmuq; Tishox vpiq pumz maq vsaz muex tvyaungc rvhumc jix hez dvyx rvtueq.

John 1:34

Kvkhoc jungx tueq rulc rv-ngvlc yaungx wvnc tueq kuex ngaz rueq khiz tauk,” ngoz tueq. Kvmaq raz tueq Yohan rueq, “Ngaz rueq nuimshiq muex jungx kuq ix, vruex waz kuex Tishox Saz rvtueq,” ngoz tueq jungx tueq.

John 3:28

‘Ngaz kuex Mesia rvmauk, vpiq max nuex vtvkaz waz dvyx rvtauk,’ ngoz tueq ngaz rueq jungx vphaungx, nuimshiq pumz kuex ngvy hakhix rvtuit.

Acts 10:33

Kvkhoc rvtueq mnoz kox nuex ngaz rueq miq lvmx lvy dvyx nvr tvkaz phaungx. Majuiuc mnoz httuiuc waung ruiux ningkhvnc nuex kejux yunghvlc, mnoz muex Taungjix rueq vjungx kvjaz kuex tay wvnc tvkoc nuiyshiq kuex Tishox khaungkac nuex shex rvtix,” ngoz tueq.

Romans 9:23

Kvmaq raz tueq vpiq menjenc lvmz rvhumc jix miqsaz htenc ngoz yaq naungshiq muex vpiq phungc yungx rungc yungx rvtueq ngauz vngax kuex tvkhic lvp tvkoc roc yaq. Kvruex kuex vpiq ngauz vngax lvp wvnc tvkoc tvhungx tvyoalc taq tueq miqsaz htenc rvtueq.

2 Timothy 2:21

Miq vshiz shiz kuex jungx wvnc tueq honc vbac lvmx htenc lotlaz wawc miqmac shauk gvnz kuex tvsawc nawc wvnc ruiux yuq, piq kuex Taungjix rueq htep nuex shuimc lvmc rvhumc tuex, yvmx khoc lac ngoz ruiux lec vhvlx yauk shuimc phvnx ruip saz kuex shuimc muex tvyoalc yoalx mruez kueq piq kuex Taungjix tvkoc vjux httax yaq lvmx nuex vlekuy wuez shex waz rvtueq.

1 Peter 2:9

Yuq muinz nuimshiq kuex vthvlc vruez shec Hokhvmx shomc waz bix, vsawc miqsaz htenc nuiyc Tishox vpiq rueq guimz yaq miqsaz htenc rvtuit, kvkhoc thvl wvnc lvmz kuex, nuimshiq raungnyauk mungx kvwawc vpiq vwangc juing raungwuic nuex gvlc wvnc jix waz ngauz vngax httax yaq shuimc vkay htenc kuex jungphvnc tv-nyvmc wvnc tvkoc rvtueq.

1 John 2:28

Rvtueq, isaz tamx lex, vpiq httuiuc kaz tuex nuex nuimshiq kuex yvlc svy muex kvhtuiyq rax muq maq vpiq khaungkac nuex khvmc thuinz lvp wvnc rawc nuex vpiq rulc vshiz dvyx yaungx wuez kuinz.

Revelation 20:4

Kvruex yimaq ngaz rueq hoc daungraungc htenc kuex khiz tauk, kvruex hoc daungraungc nuex ngaungc jix htenc kuex khac phoc tvkoc vrangx vpangx lvp jix htenc rvtueq. Ekvmaq Taungjix Yesu tvkhic wvnc tueq tsuingrux lvmx muinz, Tishox bomjungc muinz jungphvnx hakhix khvmc kuy ningkhvnc nuex vthvy gay rvhumc tueq jix nuiyc svl vwvl kuiux muex muinz piq yac yuimx muex muinz nawk muq, miqmac khaungkuimx nuex nuiyc yauk nuex muinz svl vwvl kuiux lombot kuex tvkop muq jix siyac htenc muinz ngaz rueq khiz tauk. Tsuingshiq kuex thuiuzthuic tvraungx wvnc yek vtueq Christu rulc vdvmz nuex wawc hingshiz guimz lawc wuez shuex.

1 SAMUEL 7:5

Kvruex yimaq Mizpa baung nuex rvhumc tvkoc Israel miqsaz lotlaz muex Samuel rueq nvr ruiux, “Kvruex yuq nuimshiq tvkoc Yehowa kox wawc ngaz rueq vjux thoz kuq phaungx,” ngoz tueq tvtay jungx tueq.