Luke 1:17 - Muklom

¹⁷ Piq sha rangsamal Elijah mal rapney achan etho tarong som eq Teyhungwa jakho khona kana. Piq aa uwa nia sa tang wey kara eq na; piq aa raaq tat moqtey tang tha aqhal lam náng wey thawel solna; piq aa Teyhungwa miqtang urangma kacha chol angna tha kapna.”

ASII LAKDAP Bible (BSI)

¹⁷ Apaiq ka Tatiwe ma sinkhu na miki. Shammi Elija ikha apaiq ka kamasham na, achaq awaq miraq. Apaiq raq tapin aki, siwe sise ka ashram mirkuq wan. Apaiq raq lamjiq na akihotibi maiqse thun kra, tingting lamphan na hali mitrap ru shea wan nong. Apaiq raq Shiikeawe sengi ka Shiikeawe puk na nyap wan miitu, tsangshiq tsantsii kra mitiinin ja wan.”

Hawa Naga Bible 2001

¹⁷ Piq kuex Taungjix max nuex kay jix waz ningkhvnc nuex shvmmax Elia ikhoc hungc vlaungc httax vtueq yungx luz yaq. Piq rueq vwaz tamx nuiyc vsaz tamx kuex vdvmz nuex tvrungx raz kuq shuex, kvjaz tay phvnx muq jix kuex tsuingrux jix lvmx nuex shvlx tvyez wvnc shuex, Taungjix tvkoc tvyoalc yoalx yaungc muex vpiq miqsaz htenc kuex tvyoalc laz shuex,” ngoz tueq Zecharia muex jungx tueq.

Luke 1:17 Referencias Cruzadas

Matthew 11:14

Etho nim aa ning raaq han inn jo, nim aa ban inn rangsamal Elijah tha John raa hun.

Matthew 14:4

John Jung thalamtey wa aa Herod ma batta, “Herodias jamoq tharik sha nang ma khakla ang moq!”

Matthew 3:3

Rangsamal Isaiah John tung aa raaq irimal batta, “Miq ashey shushu haqna uring ang aa, ‘Teyhungwa kat ma lam shi taqhal inn; piq qhing ma lam shi tachal inn!’”

Matthew 3:4

John khat sha utt haanrun wang hunta; etho ashey ngamkhup khingkit piq khing na kitta, piq aa kokchikrik phaksat eq naqti ling ta.

Luke 1:16

Etho piq aa Israel miqtang daqhan sha ning Shkewa Teyhungwa relnáng wey thawel solna.

Luke 1:76

Etho nang isa, nang ajong Shkewa rangsamal ta hal phanu. Etho nang raa Teyhungwa lam hun ma ujakho kho qhing nu,

John 1:13

Ning sha Shkewa susa angta tha tahi wang ang moq, etho hanngam tinuk wang ang moq, etho miqwa tinuk wang ang moq; etharin Shkewa hun ning tha ususa tang ma hunta.

John 1:34

Piq raa hun Shkewa Miqwasa ta nga khi eq miikkhi kotáng.”

John 3:28

Nga irimal bat taphang ta nim raa i miikkhi kotey tang ta ang aa, ‘Nga Khristo ang mong, etharin piq jakho o takat taphang.’

Acts 10:33

Eshirangma nga nang kalo thokma miqwa tang takat taphang etho nang irináng kat sha rapney jaqhal. Eshirangma Teyhungwa í ma chamli bat kot rangma nang ma raaqkhat kot ta, esha tat ma í Shkewa jakho na tong i.”

Romans 9:23

Hiqtang raa utinshit kaptey tang etho uphun amun kap rangma Shkewa hiqtang raa jakho wang hun kacha shing taphi etho piq thangchan phun amun sha hiqtang ma takhi rangma piq nuk aa.

Colossians 1:12

Etho nim aa Wa ma sungrang jamoq kechu ajong kot chey ro eq nin, barey nim ma alit rangmuntan miqtang ma chamlang shing aa esha kap rangma lam lak kot ta.

2 Timothy 2:21

Chamtey jashit jaksom wang piq tin tasang ajo piq sha rangka khowan mal angna chammatakoi piq sha asang angta etho uphan jaqhal jaksom rangma piq utangteywa ma kacha ta.

1 Peter 2:9

Etharin nim talchol miqtang, lungwang tingwa tang, asang miqtang, etho Shkewa miqtang, eshirangma barey nim rangnak wang piq patja rangwung shináng hal taphin, piq phun amun shi phanchan inn.

1 John 2:28

Isa tang, piq jamoq hun kara eq tong inn, irimal ang ajo piq thok saal o tin thajong eq piq jakho o lang nin etho piq thok saal o piq relna rakri min ang nin.

Revelation 20:4

Etho nga lungwang tongching tang khi táng etho eshina miqtang tong ta barima miqtang khaphung ma tarong kota. Jesu ma miikkhi kot tungkang o etho Shkewa raaq tungkang o ukho tang thadha chakta tang tsija tang tho ukhi eq táng. Ning aa jatngam etho piq shila tha shumnuk moq angta etho piq maal tha ning khang nia jak o tharap moq angta. Ning atharang ang eq Khristo jamoq hayat pang náng thula jaktáng o shing chey ta.