LEWI 3:2 - ASII LAKDAP Bible (BSI)

² Kriiwe raq ajaq maq nyamse khupo na shamchang. Raüta nyamse ka Tatiwe asi Tombutiip na walam kilam chong kiijaq ta chang. Raüta Aron phan ramwebi raq ngam tiijai ka berong-wacha siimblai ri na miwan.

Hawa Naga Bible 2001

² Piq rueq manx khux htauk kvyuq yauk kuex tvdaungc ruiux Yehowa httax yaq Tap kaluix daungx kvyuq thvy rax. Arun sahez shomc waz bix rueq tvguiy kvmaq shomrawx samx bvlic wvtaungx nuex buit ruiux,

LEWI 3:2 Referencias Cruzadas

DUNGWVNC 29:10

“Minsaü pongwe ka Ngi asi Tombutiip rinkea na hit wanlaq. Kiimaq Aron nai asetiim raq tsangshiq jaq maq minsaü pongwe khupo kiijaq mishamlaq.

DUNGWVNC 29:11

Laüta minsaü pongwe ka Ngi asii maklii khaki na Tombutiip na nyap wa chang rinkea na talaq.

DUNGWVNC 29:15

“Kiimaq sku pongse nai kiiwa ashi kriishe lamlaq. Laüta Aron nai asetiim ma tsangshiq jaq maq sku pongse khu na sham ronglaq nguta chonglaq.

DUNGWVNC 29:16

Laüta kra talaq. Laüta ngam tiijai ka lam laq kiimaq berong-wacha siimblai ri wiita na wanbaiqlaq.

DUNGWVNC 29:19

“Kiimaq sku pongse ashiti kriishe lamlaq. Arti arka khum kiinongke honglu miitu. Kiimaq Aron nai asetiim ma tsangshiq jaq maq skupongse khu na sham ronglaq nguta chonglaq.

ISAIA 53:6

Nashiq tarü ka skuse amo arki ikha siwankai, nashiq loweatek maiqmii lampu rit siwankai. Shatmaq Tatiwe raq nashiq mo ka apaiq ma tiiho wanto, nashiq tarü raq kra mo ka howan chang wa.

LEWI 1:11

Apaiq raq nyamse ka berong-wacha shekhu nü siim na tachang. Kiimaq ramwebi raq ngam tiijai ka berong-wacha siimblai ri wiita na miwan.

LEWI 17:3

Israilnok maiq ashi ra raq minsaü kaü lo riimakla sku lo riimakla chhechhi lo ka Tatiwe ma honglu na Tatiwe asi Tombutiip rinkea ba kra tlea raüta hiq ba ahin na takuq raüla, apaiq raq Thungtri jinto ngushat. Apaiq raq tiijai tiidongto. Kriikha na apaiq ka Shiikeawe sengi nguta weamak she miraq.

LEWI 3:3

Kiimaq arthun ngamrea ka Tatiwe ma phaqsea-honglu na mikuq: among wa ngampü thun kra.

LEWI 3:8

apaiq raq ajaq maq nyamse khupo na shamchang, raütiishe Tombutiip rinkea na tachang. Raüta ramwebi raq ngam tiijai ka berong-wacha siimblai ri na miwan.

LEWI 8:22

Kra lot raütiishe Mosheq raq sku pongse ashiti kriishe lamki nongto. Kriiti ka ramwebi thun shong miitu. Kiimaq Aron nai asetiim raq tsangshiq jaq maq sku khupo na shamto.

JEKERIA 12:10

“Ngi raq Dawit saüse phan nai Jerusalem na siti tsan nai mongjii na maiq rai riimang riichan maq siwan tsantsii miraü kuqha. Kiimaq achu jaü wenyi mithiikuqha. Tsangshiq raq shuk raüta tsatbaiqtiiwe theaphi niishe milii. Raüta tsangshiq ka tsangse sekhuq laqlaq se tsaiki raüjaq hoqjü tlaq ikha mihoqsii trang. Tsangshiq ka tsangse chhikhuwe tsaiki raüjaq jonjü tlaq ikha mijonjü.

WEAWEA 18:17

Shatmaq minsaü chhikhu se, sku chhikhu se, kiimaq chhechhi chhikhu se nyungtlaq thun kriika ari kuq raüta daa wan raamak. Kriithun ka Ngi riili dongdii kha maq honglu na take ratlo. Kra ngam tiijai thun ka berong-wacha kiijaq raübaiq laq. Kiimaq kra ngam pü thun kriika phaqsea-honglu akuq la na wa na chaqlaq. Kra khiimtsang ka Ngi ma tsan tiiheali honglu.

Acts 3:15

Namshiq raq maiqse ma tsitsü raüchong tiichamketi we kriika, atsea riibaiq lan. Shatmaq, Shiikeawe raq apaiq ka amaa wiishe hali tiidong wan nongto. Kiimaq, apaiq ka amaa wa dong wantaq kra chhi wantibi hakhi ka naishiq sitiikai.

Acts 3:26

Riita, ara chongtiikai arai mren, Shiikeawe raq Akoli se ka shongto. Raüta, apaiq ka namshiq phana kongkhu tiikito. Ara tiikitaq arka, namshiq ma achu shiiman kekai tiikito. Kiimaq namshiq ka maiqmii ngarai lamphan kra miimbaiq thü lanta, Shiikeawe wokhong na tiijang shea kai nong miitu tiikito.”

2 Corinthians 5:21

Khristo raq ngarai ka tangmak dea. Shatmaq Shiikeawe raq nashiq miitu, apaiq ka ngarai kaq ma tiija wanto. Kriikha maq, ümchaü nashiq ka, Khristo puk na nyap wankai krai mren, nashiq ka Shiikeawe raq kechu maiqsetiim miishe tiija wanto.