LEWI 3:3 - ASII LAKDAP Bible (BSI)

³ Kiimaq arthun ngamrea ka Tatiwe ma phaqsea-honglu na mikuq: among wa ngampü thun kra.

Hawa Naga Bible 2001

³ kvmaq tsuinghez rueq Yehowa muex phuiuz vsvy shomc kuy tvyaungc muex, vpuiz kvyop yaq vwuk wawc vyox lotlaz,

LEWI 3:3 Referencias Cruzadas

Tvtsvmc 119:70

Ara maiqkong arka hon atsii ahükong, shatmaq ngi kla ümtri wokhong na siwankli lungwiisiq tiikang.

DUNGWVNC 29:13

Kra laütiishe atsan among thun na ngampü thun ka wiita lamlaq. Kiimaq atsan wa ahea pinthum ba kra lamlaq. Kiimaq akeapo wiinai kriimin apü thun kra nong nong lamlaq. Kra laütiishe arthun ka berong-wacha na Ngi miitu honglu na wa na chaqlaq.

DUNGWVNC 29:22

“Sku pongse ngam apü thun kra pong na lamlaq. Apü asi amaita kra, among wa atsan among thun wa apü thun kra, atsan ahea pinthum ba kra, akeapo wiinai kra wiipumtam maq, kiimaq awüko hoktsi nüti kra lam thülaq.

TAKSU LAK 23:26

Ise lei, tsan tiitsi laüta, i rilung lam ara phan laq.

ISAIA 6:10

Kra nguraütiishe apaiq raq ngi ma chongto, “Arnok khutsai ka ahü ma tiijabaiqlaq. Tsangni ka biila miishe tiijabaiqlaq. Kiimaq tsangshiq mak ka makchuk ma tiijabaiqlaq. Kraimren tsangshiq raq chhimak she, kiimaq taimak she kiimaq takmak she mirlaq. Tsangshiq raq chhi raü jiika, tai raüjiika, takraü jiika iwokhong na miwa wan wa. Raüta tsangshiq ngarai tsi si ka atiihea mirkuqha wa.”

EJEKIEL 36:26

Ngi raq namshiq ma tsantsii anye she mikuqha kiimaq khutsai min anye she mikuqha. Ngi raq namshiq wanshakshak longkaü tsantsii kra alam she mirbaiqha. Lata ibom taiti tsantsii she mikuqha.

EJEKIEL 44:15

Tati Rakaü Hiqwe raq nguto, “Shatmaq Lewi phan wa Jadok saüse weraü wa ramwebi thun riika, Israilnok mungmaiqse abiti thun raq Ngi ka miimthü raüta sumla phra shomnoqkai kihotaq akhing niimin, tsangshiq ka iwokhong na siraüta tsapkapkap maq Ngi shomnoq wan Shomjam na jaqsham wanto. Arningkhan ümchaü, tsangshiq raq Ngi ka mishlilii kiimaq ikhaki na chap raüta, Ngi ma ngampü honglu nai tiijai honglu kra wa na michaq.

LEWI 1:12

Kiimaq kriiwe raq ngam ka aphu maq chumlot jai she, kiijaq jaqshamti ramwe sitlaq kriiraq ngam phu thun ka wiita, akhupo kiimaq ngampü thun kiimin nong nong maq wa na michaq.

LEWI 1:8

Tsangshiq raq ngamphu thun ka wa na michaq. Akhupo nai ngampü thun kiimin nong nong michaq.

LEWI 16:25

Kiimaq apaiq raq ngarai-honglu ataa ngampü thun kra berong-wacha kiijaq wa na michaq.

LEWI 3:16

Raüta ramwe raq arthun ara berong-wacha na Tatiwe ma phaqsea-honglu na tsan tiiheali michaq. Ara ngampü thun ka tlotli Tatiwe rii siisaq.

LEWI 3:2

Kriiwe raq ajaq maq nyamse khupo na shamchang. Raüta nyamse ka Tatiwe asi Tombutiip na walam kilam chong kiijaq ta chang. Raüta Aron phan ramwebi raq ngam tiijai ka berong-wacha siimblai ri na miwan.

LEWI 3:4

Akeapo wiinai kra kiimaq kiiwa ngampü thun kra, kiimaq atsan wa ngamhea pinthum ba kra.

LEWI 4:10

Raüta ramwe raq, arthun ngampü kra milamho. Raütiishe chaqtlii-honglu kuqtlaq kiikha berong-wacha kiijaq michaq. Arka apaiq raq rintii-honglu ngamrea jamkho chaq tlaq kiikhiisii michaq.

LEWI 7:30

Arka apaiq raq ajaq maq phaqsea-honglu na kewan chang. Apaiq kra nyamse takuqtlaq ngampü thun ka akhuk ngam krai adam na Tatiwe ma akhek atiitsang ngamrea kongphiq kechang.

LEWI 7:5

Ramwe raq kra ngampü thun ka wiita berong-wacha na Tatiwe ma phaqsea-honglu akuq ikha kechang. Arka thiitham-honglu.

LEWI 9:10

Raütiishe apaiq raq berong-wacha kiijaq ngampü kra, akeapo wiinai kra, kiimaq atsan wa ngamhea pinthum ba kra, Tatiwe raq Mosheq ma aming kuqtaq kra phan chaqto.

Matthew 13:16

“Shatmaq namshiq riiwe kla pinthum kopan jonghea! Namshiq mak maq chhi tlan she. Kiimaq nam ni miimin tai tlan she.

Matthew 15:8

‘Arnok raq ngi ka nü maq lamlam li shreng tlo, shatmaq tsangtsan mong miika shreng mak.

Romans 5:5

Riita ara ranphan tsii rüm tiikai ara riika nashiq ma tsiim tiijü mak she. Jamkhano ngukla, Shiikeawe raq apaiq mangchan tsii ka Asii Wenyi lümaq, nashiq tsan nai mongjii na araüke wan kun she. Ara raükuq wantaq Asii Wenyi arka, nashiq ma Shiikeawe apaiq raq akuq wan.

Romans 6:6

Kiimaq ümchaü sanha, nashiq raq asap i, nashiq khum wa ngarai rilung achü ka, Khristo rai adam na pumsongkham na atübaiq wan wishe. Raüta atsaikai kun she. Kriika nashiq han wa ngarai khum kra, shiithen baiq miitu tiiq baiq wanto. Krai mren, nashiq ka ngarai dise miika jawan raa mak she.

TRI CHONGKE 30:6

Tatiwe üm Shiikeawe raq ümniima kiimaq ümsaü ümsetiim ma phaqchii nichii tsantsii mikuq. Krai mren, ümniiraq apaiq ka ümtsan ümmong jii wiita kuq laüta milungwii haü, kiimaq ümniika rilung alu maq kra mung na shong nga wan ruq mirhaü.

1 SAMUEL 2:15

Arthaq niimin, nyamse honglu na atakuq wa apü ka lam raüta, wa na michaq shaq niili, ramwe jaqshise ka kilili raüta, honglu taketiwe kiima akha ngutlo, “Ngi ma ramwe rii ngam ka wa na she ma wiijam kuq laq; apaiq raq tak na kham maq alum ngam ka ümjaq wa jaü mak. Ngamsang wiili ke ratlo.”