LEWI 3:1 - ASII LAKDAP Bible (BSI)

¹ Ümtiikiiwa maiq ashi ra raq aminsaü kong wa ashi ka rintii-honglu na kuq jiiq, kriika minsaü pongwe riimakla akaü akhum nyeajokjok ami atsi jam min ahü riichang.

Hawa Naga Bible 2001

¹ Miq vshiz shiz rueq miqmac manx vshiz maq lux rvyaungc shomc kuq shuex nuex, manx kvruex kuex vmac vtsac vguez manx pung, rvmuq ngoz ruiux manx kuiux maq shomc kuy mvy yaq.

LEWI 3:1 Referencias Cruzadas

1 KAÜWA WERAÜ 21:26

Raüta apaiq raq kiijaq Tatiwe ma berong-wacha ashi haito. Raüta chaqtlii-honglu thun nai rintii-honglu thun ka kuqto. Raüta apaiq raq achu jaüto. Kiimaq Tatiwe riimin apaiq achu jaü ka treto. Raüta ra wa wa tiisat raüta kiijaq berong-wacha na honglu akuq thun kra wa maq tiikhiim chaqto.

DUNGWVNC 20:24

Ngi miitu ka hiq maq berong-wacha ashi klo ronglaq. Lanta kriijaq namshiq sku nai minsaü ka wiipumtam chaqtlii honglu thun nai rintii-honglu thun kra kuq ronglaq. Ngi raq ümriiba wa pong na namshiq raq Ngi shomnoq wan miitu tseathütiikang kiijaq Ngi ka shomnoq ronglaq. Kiijaq Ngi ka namshiq phana kilata mishman kuqkang.

DUNGWVNC 24:5

Raütiishe apaiq raq jerobi wiijam ka tiiwato. Kiimaq tsangshiq raq Tatiwe ma honglu thun ataakuq kra wa na chaqto. Kiimaq minsaü wiijam thun ka rintii-honglu na takuqto.

DUNGWVNC 29:28

Kiimaq ümtiikiiwa isenginok raq rintii-honglu kuqtlaqtek na, ara awühokpe ngam nai akhuk ngam arka ramwe rii ngamrea pong na raithü raa nguta Ngi raq pattup pat-sa klaimak phan tri miishe shatthü tiikang.

TAKSU LAK 7:14

“Ngi raq honglu min kuq kang she; kiimaq honglu ngamrea min lam wan kang she.

EJEKIEL 43:27

Ümtiikiiwa kra liipanshi kriishe thumjiiq, ramwebi raq mungmaiqse miitu kra berong-wacha na wa maq chaq chang honglu kiimaq rintii-honglu thun kra ta raüta kewan chang. Kiijiishetiq Ngi ka namshiq tarü rai tsan ahea miishe misiha. Arka, Ngi, Tati Rakaü Hiqwe raq ngutiikang.”

LEWI 1:10

Kiimaq kriiwe raq honglu na asku phong wa sku ashi lo riimakla achhechhi kong wa ashi takuqtlaq jiila, kriika apongwe kiimaq akhum nyeajokjok ami atsi jammin ahü riichang.

LEWI 1:3

Apaiq raq aminsaü kong wa ashi ka wiipumtam maq chaqtlii honglu na takuqtlaq akhing na, apaiq raq minsaü pongwe ka nyeajokjok hea jamlai ami atsi min ahü kechang. Apaiq raq kra Tatiwe asi Tombutiip rinkea na kewan ratlo. Kra raütiq Tatiwe raq apaiq ka mitao wan.

LEWI 17:5

Riita ara aming liichum ka ümchaü sanha Israilnok raq man na wak ram na nyamse thun ta phaq tlaq kriika tsangshiq raq Tatiwe phaniishe milam kuq wan. Ümchaü sanha tsangshiq raq nyamse thun kriika ramwe ma Tatiwe asi Tombutiip kilamchong kiijaq milam kuq wan. Raüta kriithun ka rintii-honglu miishe mitaa.

LEWI 3:6

Kiimaq sku ashi riimakla chhechhi ashi ka rintii-honglu na kuq raüla, kriika apongwe lo riimakla akaü kechang. Shatmaq kriika akhum nyeajokjok ami atsi jam min ahü riichang.

LEWI 9:18

Raütiishe apaiq raq minsaü pongwe nai sku pongwe kriishe rintii-honglu na mungmaiqse miitu kuqto. Asetiim raq ngam tiijai ka apaiq ma lam kuq wanto. Kiimaq apaiq raq ngam tiijai ka berong-wacha siimblai wiita na batto.

LEWI 9:4

Kiimaq minsaü pongwe alai lamhü ashi, kiimaq sku pongwe ashi kra rintii-honglu miitu lam wan chang. Raüta tsangshiq raq kriithun ka Tatiwe ma honglu na wong-honglu rai tel maq shot raüta kechang. Tsangshiq raq arka keraa dongdii. Jamkhano ngukla Tatiwe ka ümchaü ranaiq tsangshiq rai mirhumki.”

AMO LUIK DVP (AMOS) 5:22

Namshiq raq ngi ma chaqtlii-honglu, kiimaq wong-honglu kuq tlan, kra ngi raq tao mang. Namshiq raq kumchipo ikha tiijong lanta, nyamse honglu kuq tlan, kra ngi raq tao mang.

MALAKI 1:14

Jurwa anyamse kong wa, ahea awa nyamse ashi honglu na mikuq ha nguta, ngi ma kiqkham keje she taü maq, ara arot akiq laopha hupsam wa laplu raüta, kuq tlaq, kriiti miika, imanson homa klishe misi! Jamkhano ngukla, ngi ka ajong pinthum hokhamwe. Kiimaq ra raq aham mangjong maiqse kunli raq ngi ma haisong tsantsii rümtlo.”

MALAKI 1:8

Namshiq raq ngi ma nyamse ka, makchuk hokkü lamwan lanta honglu na kuq tlan, kra namshiq nga jammin raamak ngutiisha tiima tlan? Akhnok nyamse ka namshiq raq, wanghuptiwe ma kuqki rongkiq na! Kra riihan jiika wanghuptiwe ka namshiq ma khoqriiqkhiq shea miraq? Raüta namshiq raq jamlai khrum wa jaü tlan kra mikuq shea?” nguta wiitarü ma Tatiwe raq ngutlo.

WEAWEA 15:8

Ümtiikiiwa minsaü pongwe ka Tatiwe ma chaqtlii-honglu na kuqtlaq riimakla sinkham tiikhoi honglu na kuqtlaq riimakla rintii-honglu na kuqtlaq,

WEAWEA 6:14

Raüta apaiq raq Tatiwe ma nyamse atsam ami atsi ahü nyeajokjok kra honglu na kechang: arawii wiishi skupong se ka chaqtlii-honglu miitu, arawii wiishi skushii arese ka ngarai-honglu miitu, kiimaq skupongre se ka rintii-honglu miitu kechang.

TRI CHONGKE 12:27

Tatiwe berong-wacha na wiita chaqtlii chang honglu thun kra kiijaq takuq lili ronglaq. Kiimaq laihin nyamse honglu atiijai ka berong-wacha na raübaiq lanta, angam ka aphaq chang honglu thun kriimin kriiba kiijaq takuq lanta phaq ronglaq.

Colossians 1:20

Riita ara chongtiikai krai mren, Shiikeawe raq Ase pum lümaq, ara ra nai hiq wiita apaiq wokhong na tiinyap wan nong ma nguta tri raü ka shatto. Krai mren, Shiikeawe raq arka, Ase pumsongkham na tsaitaq kra lümaq, ra nai hiq wiita ramungtan kiimaq mangjong hiq na ümchuwa sitlaq thun ka apaiq rai wehea miishe tiijato. Raütiishe awokhong na asengi miishe tiija wanto.

Hebrews 10:22

Krai mren, ümchaü sanha, nashiq ka Shiikeawe wokhong niishe nyap tlo rong i. Tiima tsantsii siirairai maq, kiimaq kamtsantsii pharangrang maq, tsantsii ka ashe ashi wiita tiijai maq tiisii he laita, kiimaq nashiq khum ka asii kham maq jühe laitiishe, Shiikeawe wokhong na warong pha.

1 John 1:3

Naishiq raq jamlai wa chhi kai kiimaq jamlai wa tai kai kra hali namshiq ma tiitai chong kuq nong tiikai. Riita ara phanchan kuq tiikai arka, namshiq riimin naishiq rai adam na Awe nai Ase Jesuq Khristo rai kongshi kiimshi maq singa tiikai kiijaq mipong dam laq nguta chongkuq tiikai.

PHOWEBI 20:26

Kiijiishe Israilnok thun tlotli ka Bethel na wanong raüta, maaho manyi hoqsii trangto. Tsangshiq ka kiijaq Tatiwe man na raji na saüli, dung min simak ngato. Tsangshiq raq rintii honglu wiijam takuqto kiimaq wiipumtam maq wa na chaqtlii honglu thun wiitarü Tatiwe ma kuqto.

PHOWEBI 21:4

Kriimaq napjai ranaiq ka ranapchu maq mungmaiqse raq kiijaq berong-wacha ashi haito. Raüta rintii honglu thun takuqto kiimaq wiipumtam maq wa na chaqtlii honglu thun takuqto.