LEWI 26:5 - ASII LAKDAP Bible (BSI)

⁵ Namshiq wak wa bunwong ka hea hea mihea. Namshiq raq bunwong hanshon niili spiqtsi ro wa atsi ka apancho she misaü wan. Kiimaq namshiq ka spiqtsi panshon niili bunwong wancho akhing ka misaü wan. Namshiq raq ümchu phaqsea wa lungwii tlan, kra chamtraq rongboq miphaqsiq han. Kiimaq namshiq ka namhiq na khusang rakhang maq misinga han.

Hawa Naga Bible 2001

⁵ Vthuey vngoz paunghvlc thuey ngoz vtueq nuimshiq rueq tsvmz max tvtuimz guimz nuex dvyx svpiq thuey puinc jauz httuiuc wvnc tuex, svpiq thuey tvjomx puinc max lot nuex dvyx tsvmz yuingc jauz httuiuc wvnc yek tuex. Nuimshiq rueq phoay laz phauk saq ruiux, nuimshiq ghaq vraungx nuex vhvlx waq kvwungx httax wuez tuinx.

LEWI 26:5 Referencias Cruzadas

Tvtsvmc 144:13

Nashiq tsamtiip thun ka phanrap phanrii tsamtum raq asho awo mirlaq. Naishiq wakram na skukong sitlaq raq asetiim phong ka ahing amun minyunglaq.

Tvtsvmc 90:1

O Tatiwe lei, ümniika wranaiqshe naishiq jam.

DUNGWVNC 16:8

Kiijiishe Mosheq raq nguto, “Tatiwe raq namshiq ma raji ko phaq chang ka ngam mikuq kiimaq ranap ko na phaqsea chang ka winsii, namshiq raq alot lot kra mikuq. Jamkhano ngukla namshiq raq apaiq ngeng ma ümtinkhan wa bot nyan lan kra apaiq raq taito she. Namshiq raq nai nai ngeng bom ümchuwa bom lan kriika Tatiwe ngeng bom riito.”

TAKSU LAK 1:33

Shatmaq jurwa ibom chong taitlaq, Kriiti ka khu asang maq misi. Apaiq ka tiikhup wong shat miraq. Kiimaq apaiq haisong chang, jammin ahü she.”

TAKSU LAK 18:10

Tatiwe ka, nganghea kongmong chong ikha; kechu maiqse tiiwong juchang, haihü songhü angasea ma.

ISAIA 1:19

Ümniiraq Ngi ibom tai laüta iwokhong na sihaüla, armung na hiqraikhü na ahea awa phan ümchu wa dongman wantlaq thun kra wok phetaktak she miphaqsiq wan haü.

ISAIA 30:23

Kiimaq ümtiikiiwa namshiq raq tü lai tsamlai wak na chhijangtlan, Tatiwe raq ra mitiijunkuq. Raüta tü atsam ka mitiidong man kuq. Raüta namshiq raq tü atsam ka pahea milaphan. Lantea rongboq miwinhan. Kiimaq namshiq nyamsekong rümchang kiimin sangphii rii chamtraq miraq.

JEREMIA 23:6

Apaiq raq ümtiikiiwa Juda mung thaq na hokham jaq sham wan jiiq, Juda mungti ka khusang miraq kiimaq Israil mungti ka hansang maq misi. Apaiq mang ka ‘Tatiwe Nashiq Tiichhii Wanti,’ nguta mingu.

Hosea 2:18

Kra akhing na ümmiitu, Ngi raq rumnyamsekong nai ra na biti wushi rai, kiimaq hiqraikhü na khumti jongsaü jüse wiita rai, wehea riijawan miitu tong she mishong wan ha. Lata isenginok sichang mung wa, chiqdong redong, ko aliq, ja apiq thun ka wiitashe milam baiq wan ha. Lata Ngi raq ümniika hansang miishe mitiikon kang. Kiimaq ahai asong ahü miishe mitiishong nga wan kang.

Hosea 2:20

Ngi raq ümniima kiqkham kuq kang kra tingting mithü wanha. Lata ümniika ichak dea nguta tsapkapkap mirüm wan ha. Kiimaq kra akhing na ümnii riimin, Ngi ka üm Tatiwe dea nguta milang wan haü.

Yoel 2:19

Apaiq raq tsangshiq achu jaü treto. Tatiwe raq treto: “Ümchaü san ngi raq namshiq ma, püwong, kiimaq spiqtai, oliptsi tai pahea she, mishman kuqha. Namshiq ka chojong chise miishe, mishong nga wan han. Pongmungti raq nashiq tsaihai mak she miraq.

Yoel 2:22

Rumngam saü ngiqse lei, naq tiima rongkiq, Namshiq dungchang nyiimlung tümlüm tümli she. Pechong wiirü atsi ango, Phupmup nai spiq tsi min, atu alu.

Yoel 2:26

Ümchaü namshiq ka rongboq she, mishongnga wan han. Namshiq raq nam Tati Shiikeawe mitiitsam kam han. Apaiq raq namshiq ma amao chang jaqsham kuqto. Namshiq ka chojong chise miishe misi han. Isenginok ka jurmin shummii mak she.

AMO LUIK DVP (AMOS) 9:13

Tatiwe raq ngutlo, “Liironglaq, akhing ka saü wan tlo she, Hiq ka pinthum winhea kha maq, tsamchhii ajut wan kra tum na misaiqsam wan shaq niili, tsamnye jut wan akhing raq mitong wan. Spiq tsi achu ka spiqtai ma tiikit wan milot shaq niili, spiq tsi anye ka man wan raüta mitong wan. Raüta pum thun na sumhea spiq tai misarai, raüta kin thun maq misawan.

Matthew 23:37

“O Jerusalem, o Jerusalem! Ümniiraq shammibi thun ka tsatbaiq wan laü. Kiimaq Shiikeawe kiimwebi thun ümniiphana atiiki thun ka long maq tiiqbaiq wan laü! Ngi raq ümse ümno thun ka ümtinkhan wa i wokhong na, wukaü raq asetiim ka wowan tlaq ikha wowan hajaq nguta tsinngin wan kang. Shatmaq ümniiraq ümsetiim ka ngi ma tiiwo wan maü riilaü!

Acts 14:17

Li jiimin, Shiikeawe raq apaiq ka asi dea nguta sap wan miitu she, athuk atsom jaqsham pahea sham raüta, tsangshiq ma tiichhikuq wantlo. Apaiq raq namshiq ma rajun akhing khaqkhaq na tiijun kuqtlo. Raüta, namshiq ma tü atsam ka rahiq jipi akhing khaqkhaq na tiidong man kuqtlo. Apaiq raq namshiq ka, aphe arong maq, wok phetaktak maq si miitu tii-adung chamtraq kuqphaq siq tlo. Krai mren, namshiq ka wok phetaktak hea maq chojong chise shongnga lanta sitlan,” ngutiishe tsangshiq ma traho kuqto.

TRI CHONGKE 11:15

Kiimaq nam nyamsekong rümchang nyiimlung rü chamtraq miraq. Namshiq ka pinthum rongboq misi han.

1 Timothy 6:17

Juwa mangjong han-ngam rilung na chiithe sitlaq, kriiti ka naq shiikong rongkiq nguta tsii chongkuq laq. Shatmaq, tsangshiq tsan ka, ara athenkai chang phan tsiiq nai nyam thaq niika naq ran rongkiq, nguta chongkuq laq. Shatmaq, nashiq ma arong awin maq siwan miitu, phanrap nashiq ma raa tlaq phan ka phong tsoktsok keti we, Shiikeawe ma kam ronglaq nguta chongkuq laq.

1 Peter 1:5

Shiikeawe raq namshiq ka, apaiq ningkun jonghea rüm tlaq kriimaq, namshiq ka tiiwong shat maq rüm tlo. Arka namshiq raq Khristo ma kamtsantsii rüm tlan kriikha maq, Shiikeawe raq namshiq ka tiikhup wongkuq shat maq rüm tlo. Krai mren namshiq ka tsailam jilam miishe Shiikeawe raq mitiichhii kuq dongdii nguta kamto maq sirong laq. Riita, ara chongtiikai tiichhii wan rilung ka, namshiq ma Phangthum ranaiq niishetiq kunkun mitiihong kuq wan.