LEWI 26:4 - ASII LAKDAP Bible (BSI)

⁴ Ngi raq namshiq ma ra ka akhing khaq khaq na mitiijunha. Krai mren, hiq na tü atsam thep miheasiq. Kiimaq pechong na atsi ango pahea miraq.

Hawa Naga Bible 2001

⁴ ngaz rueq vkhing httuiuc ruiux raungx tvyunc vtueq, wuik vnax htenc maq vthuey vngoz tvdung ruiux pulx thuey jungx htenc muinz vthuey thuey tuex.

LEWI 26:4 Referencias Cruzadas

1 HOKHVMX 17:1

Shammiwe Elija, apaiq ka Gilead wang wa Tishbe hiqti raq Hokhamwe Ahab ma nguto, “Tatiwe mang na, atra Israilnok Shiikeawe mang na, ngi raq shomnoq tiikangwe mang na, ngi raq ümniima chongtiikang, armung na, ngi raq inübok maq minguha shaq wiiwii wiinai riimakla wiitsam na saüli ra wa bangtsi min rok mak miraq, kiimaq ra min junmak miraq.”

YOBA 5:10

Apaiq raq mangjong hiq na ra tiijun tlo kiimaq apaiq raq wak ram na ra tiijun tlo.

Tvtsvmc 104:13

Ra maq kin thun na ümniiraq ra tiijuntlaü, krai mren hiqraikhü na ümnaq achu shiiman raq asho awo riitlo.

Tvtsvmc 67:6

Mung na tsam ahea pinthum lap wankai; Shiikeawe, nashiq Shiikeawe raq nashiq shiimanto.

Tvtsvmc 67:7

Shiikeawe raq nashiq shiimanto; mangjong hiqraikhü na diimtlaq maiqse wiitarü raq apaiq mishrenglaq.

Tvtsvmc 68:9

Ümniiraq ra ka chamtraq tiijun laü, ümhiqshong shinram shinriiq wa rappaq paqhea she tiijalaü;

Tvtsvmc 85:12

Tatiwe raq nashiq ka rongboq mitiija nong, raüta namung ka hiqpo hiqwin ma mijanong.

Tvtsvmc 85:13

Kechu ka Tatiwe miki na miwa raüta apaiq kai lam ka mitiiheaho.

ISAIA 30:23

Kiimaq ümtiikiiwa namshiq raq tü lai tsamlai wak na chhijangtlan, Tatiwe raq ra mitiijunkuq. Raüta tü atsam ka mitiidong man kuq. Raüta namshiq raq tü atsam ka pahea milaphan. Lantea rongboq miwinhan. Kiimaq namshiq nyamsekong rümchang kiimin sangphii rii chamtraq miraq.

ISAIA 5:6

Ngi raq sonruk ka sang miishe mitiikaqbaiqha. Ngi raq spiq raü dong ka ton mang she mirha. Kiimaq hiq kiimin kochak maq thu mang she mirha. Kra thaq na shukcham thun nai shuktamro kriima mitlambaiqha. Ngi raq phumda ma ra kiimin tiijunkuq mang she mirha.”

JEREMIA 14:22

Pongmungti thun sumla phra kong raq ra tiijunlot mak; ra raq rakraqraq ra tiijunlot mak. Naishiq ran tsantsii ka ümniima thütiikai, O Tatiwe lei, naishiq Shiikeawe lei, jamkhano ngukla ümniiraq arthun jaqsham ara klotlaü.

EJEKIEL 36:30

Ngi raq namshiq petsiro ka pahea she mitiitsingo kuqha. Kiimaq namshiq wak ajam thun na tü atsam heahea she mitiidong man kuqha. Krai mren, nammung na ramdong raüta namshiq ka maiq mung thun makki na khushü jam chang ahüshe miraq.

Yoel 2:22

Rumngam saü ngiqse lei, naq tiima rongkiq, Namshiq dungchang nyiimlung tümlüm tümli she. Pechong wiirü atsi ango, Phupmup nai spiq tsi min, atu alu.

LEWI 25:19

Hiq raq tü atsam, petsi wiqtsam ka pahea mitiitsi ngo kuq. Krai mren namshiq ma ümchu wa aphaq asea chang rongraa tlaq kra chamtraq midong man. Kiimaq namshiq ka khusang maq mishong nga han.

LEWI 25:21

Tatiwe raq wiitrok angu rawii wak na pinthum achu mishman kuq. Krai mren wak ram na tü atsam ka pahea mitiidong man kuq. Kriika wiinai phaqsea rii tum akhiiq ama mitlap kuq.

JEKERIA 8:12

Tsangshiq raq tsam lai ka han sang maq miwan. Tsangshiq spiqro na atsi ango miraq. Wakram na tü atsam maimai riimak mitsingo wan. Kiimaq rajun waitsi min khaq khaq mitiisat kuqha. Ngi raq isenginok abung ümchuwa tiichongtaq kriiti ma arthun achu shiiman mikuqha.

Matthew 5:45

Namshiq ka akha siwan han jiila, namshiq ka ramung- tan na siti nam We Shiikeawe setiim dea nguta maiqse raq misap. Ara jamkhano chongtiikai ngukla, apaiq raq maiqhea maiqbi tarü ma rashe tiikü kuq tlo. Kiimaq abi jaqsham klo wanti miimin, kiimaq ahea jaqsham klo wanti miimin, mren mra chhaq maq ra ka tiijun kuqtlo.

Acts 14:17

Li jiimin, Shiikeawe raq apaiq ka asi dea nguta sap wan miitu she, athuk atsom jaqsham pahea sham raüta, tsangshiq ma tiichhikuq wantlo. Apaiq raq namshiq ma rajun akhing khaqkhaq na tiijun kuqtlo. Raüta, namshiq ma tü atsam ka rahiq jipi akhing khaqkhaq na tiidong man kuqtlo. Apaiq raq namshiq ka, aphe arong maq, wok phetaktak maq si miitu tii-adung chamtraq kuqphaq siq tlo. Krai mren, namshiq ka wok phetaktak hea maq chojong chise shongnga lanta sitlan,” ngutiishe tsangshiq ma traho kuqto.

TRI CHONGKE 11:13

“Kra ningkhan, ümchaü ranaiq ngi raq namshiq ma aming thun kuqkang arthun ka lang ronglaq. Tatiwe namshiq Shiikeawe ka lungwii ronglaq kiimaq apaiq ka nam tsan nam mongjii wiita kuq lanta shiikum pan ronglaq.

TRI CHONGKE 11:14

Namshiq raq kra riihanla, apaiq raq namshiq wak ram na akhing khaqkhaq na ra mitiijunkuq. Liidong wan na, kiimaq lamse sat na mitiijunkuq. Krai mren, kiijaq bunwong, spiqtai, kiimaq olip petsi tsai namshiq ma chamtraq miraq.

TRI CHONGKE 28:12

Apaiq raq ra na rajun khamtum thun totlaq kriiwa, akhing khaq khaq na ra mitiijun kuq. Raüta ümniiraq ümchuwa minshiiqtlaü ka achu mishmankuq. Krai mren, ümniiraq maiq mung paheati ma phanrap pahea mitiinam kuqhaü. Shatmaq ümniiriika ju jaq wiimin achhi anam kai raamak miraq.

James 5:7

Phuno nyinotiim lei, nashiq Tatiwe ka misaüki shaq wiiwii, litkot chamchao ümtinkhan wa riihum wan tlan kra, tsan tiibum lanta nin wan ruq miili si rong laq. Liimanta, wak shamseati we riimin la, awak wa tsam ka midong man shaq wiiwii, tsan tiibum raüta, khekham maq khe tlo. Apaiq raq jurai liirai rajun saü tlaq kra, kheshat maq sitlo.

Revelation 11:6

Tsangnai jaq na ra kilü ka shaq baiq miitu arang asi. Krai mren, tsangnai raq, ra kilü ka shaqbaiq raüla, tsangnai raq Shiikeawe tsütsa chongke liipan na, ra ka jun mak she miraq. Tsangnai jaq na jüserai setiim thun ka, tiijai ma tiija baiq miitu ningkun asi. Kiimahali, tsangnai raq ara mangjong hiq na, phanphan sawa tha mitiiwalot. Tsangnai raq ümchu jang tiidongro wa, kra phanphan tha ka mitiidong lot.