LEWI 26:6 - ASII LAKDAP Bible (BSI)

⁶ “Ngi raq namshiq ka nam mung na mung atsing maq mitiisi kang. Kiimaq namshiq ka haihü songhü maq aheawiq mikon nga han. Ngi raq rum ngam ngamthaiq thun kra namhiq shong wa ajo mirbaiqha. Kiimaq nam mung na chiqdong redong ka ahü she miraq.

Hawa Naga Bible 2001

⁶ “Ngaz rueq nuimshiq ghaq vraungx nuex nomic tvyaungc kuq ruiux, ukhaq muex muinz hisungx rax muq maq thuinz luimx lilix hvlc kvtsoalx wuez tuinx. Ngaz rueq kvruex ghaq vraungx wawc svl vwvl phvnx ngvmx saz htenc kuex yurc gay ruiux, kvruex yuq ralx rvlungc ngoz tueq vguez shex.

LEWI 26:6 Referencias Cruzadas

2 HOKHVMX 2:24

Elisha raq jainü na trosaq riito, raüta tsangshiq ka makbi maq tiqtiq liito. Raüta tsangshiq ka Tatiwe mang maq sonto. Kiijiishe rummong wa chapbi kaü nai dongkito. Raüta kra nosere maiqwesere kong roqblai ri wenai ka bunlak buncha kaqbaiqto.

1 KAÜWA WERAÜ 22:9

Shatmaq tiina apaiq raq ngi ma kiqkham raüpot ashi khakuqto. Apaiq raq akha nguto, ‘Ümniiraq ümse ashi mihum haü. Apaiq raq mung ka atsing maq mipeng wan. Jamkhano ngukla ngi raq apaiq ma apaiq jaqtibi thun wa mung ka atsing angang pat mikuq wan ha. Apaiq mang ka Solomon miraq. Jamkhano ngukla apaiq raq mung siq wan tlaq pat na ngi raq Israil mungti ma mungtsing pat nai khusang rakhang pat chiq are ahü maq mitiisi wan ha.

2 KAÜWA WERAÜ 20:30

Krai mren Jehoshaphat raq mung ka atsing pengto. Kiimaq Shiikeawe raq apaiq mungtan trotam khup wong kuq shat riito.

YOBA 11:19

Ümniika ümjaqtibi ma haisong maü she misi haü; maiq pahea raq ümjaq wa khrum mijaü.

YOBA 5:23

Ümwak thuki tlaü ka longkaü min ahü miraq; rum ngam kong raq ümniika kaq wa mak miraq.

Tvtsvmc 144:14

Naishiq jam nyamsekong raq ase aphong arong nyung raüta hüma hiqma mipuchilaq, akaütiim raq ase amaa nyungmak mirlaq kiimaq momiq mak mirlaq,

Tvtsvmc 147:14

Apaiq raq üm hiqshong hiqrai tiiwongshat rümtlo raüta ümniima ahea pinthum bunwong tiidong mankuq raüta rongboq tiiphaqsiqtlo.

Tvtsvmc 29:11

Tatiwe raq asenginok ma ningkun kuqtlo raüta tsangshiq ma hansang shiiman kuqtlo.

Tvtsvmc 3:5

Ngi ka awe riikang lata konwan kang, kiimaq rawa minru Tatiwe raq ngi ka khebom kuqto.

Tvtsvmc 4:8

Ümtiikiiwa ngi chang na kon wan tiikang, ngi ka peokhiq kon wan tiikang; O Tatiwe lei, ümniili kata ngi ka minhap maq khup wongketi.

Tvtsvmc 85:8

Ngi raq Tati Shiikeawe bom ka tiitsangtaitiikang; apaiq raq nashiq asenginok ka khusang maq mirümha nguta kiqkham kuqto, nashiq ka nashiq angi lamphan na jangho nong mai chong.

DUNGWVNC 23:29

Ngi raq tsangshiq ka wiishi liipan niili ka jobaiq mang. Kiikha riiha jiika, kra mung ka rumnyangkhi mung ma mijaki. Raüla rum ngam phong ka pahea mipu wan. Kriika ümniima ahawiq miraq.

TAKSU LAK 3:24

Chang na kon wan haü min, ahang ahun jammin ahü miraq. Rawa minru peokhiq mikon haü.

TAKSU LAK 6:22

Ümnaq wanhiq khum tlaü na, tsangshiq raq lam mishea, rawa na ümnaq mikhe kuq, kiimaq ranaiq na, ümniima tsii michongkuq.

ISAIA 35:8

Kiijaq munglam jong kaü jonghea she mitan wan, kra mang ka, “Asii Lamjong” nguta mingu. Ngarai maiqse ka kra lam maq ümtiikiimin khum mak miraq; kra lam phan phan khumti ka maiqjiqti thun raq tiishonlot mak she miraq.

ISAIA 35:9

Kiijiika hangsikong min ahüshe miraq, ngamthaiq phan ka kra lam maq khummak she miraq. Tatiwe raq chhiitaqti thun ka, kra lam maq jam na miwa.

ISAIA 45:7

Ngi ka ra tiiwiiti kiimaq ra tiinyaqti; Ngi ka achu shiimanti kiimaq miqchup shiithenbaiqti. Ngi, Tatiwe raq, arthun ara klotiikang.

ISAIA 9:7

Apaiq hokham ningkun ka jong wan ruqli miraq; apaiq mungtan ka wranaiqshe mungtsing miraq. Apaiq ka Dawit Hokham pumsongtiwe miraq, apaiq raq tri kappe ka tingting kiimaq riikhaqli maq milang wan, ümchaü ranaiq maq pha wan raüta, phangthum ranaiq na saüli. Tati Ajong Pinthum raq arka mishamha nguta atoqtan wanwi she dongdii.

JEREMIA 30:10

“Isenginok lei, naqhai rongkiq; Israilnok lei, naq kiinyii rongkiq. Ngi raq namshiq ka kra luhea mung kiiwa mikhup wongkuq kang, namshiq shumwikong jatlan mung kiiwa. Namshiq ka maiqmii jam na mijang wan nonghan. Namshiq ka hansang she, kiimaq jurmin namshiq ka tiihaichhai mak she miraq. Namshiq ka khu asang miishe misihan,

JEREMIA 31:26

Krai mren, nokmaiqse raq akha mingu, ‘Ngi ka kon wan kang. Lata ihan phintsaqtsaq she tiido kikang.’

EJEKIEL 14:15

“Riimakla, Ngi raq rum nyamse kong tiiwa lata maiq thun kra mitiijiip baiqha. Lata lsrail mung ka wanhiq lam na maiq khumkai maimak, chiq ashe ma haisi chang jonghea mitiijabaiqha. Maiq ka jumin wanhiq khumki lot mak miraq.

EJEKIEL 14:17

“Riimak jiila, Ngi raq kra mung na re tiidong lata, chuntsi nyiim win henghea phan maq khat lata, kra mungti ka kiimaq nyamse thun ka kunkun hiq maq pili mitiijiip baiqha.

EJEKIEL 14:21

Tati Rakaü Hiqwe raq akha ngutlo: “Ngi raq Jerusalemti ma, ijaq wa abi pinthum phanblai mo tiihochang asi kra mitiisaüha. Arka redong, ramdong, rum ngamphong, kiimaq thadong mitiisaüha. Lata mungmaiqse kiimaq jam nyamse kong kra thumthum pili mijiip baiqha.

EJEKIEL 34:25

Ngi raq tsangshiq rai tong she mishongha. Kra tongshong ramram wokhong maq tsangshiq ka khusang she misi wan. Ngi raq mung wa rum na ngamthaiq kong sitlaq thun ka wiita ajo she mirbaiqha. Krai mren, i skusekong ka rum na nyiimlung rü na nyiip jaqphaq chamtraq haihü songhü miishe bum raüta mihaisiq.

EJEKIEL 34:27

Pechong thun raq atsi mirkuq. Wak ram thun na tsam aheawiq midong man kuq. Kiimaq maiq loweatek ka maiqmii hiqshong na hansang maq mishong wan. Ümtiikiiwa Ngi raq i senginok khachang shumraü kharü thun kra chumbaiq tiikang, lata tsangshiq ka maiqdi sitlaq kiiwa dokda wan lata, wasekong miishe tiijatiikang, kiijiishetiq tsangshiq raq Ngi ardea Tatiwe nguta misap.

EJEKIEL 5:17

Ngi raq ramdong tiisaü lata nai rum ngamse ngamthaiq kong tiiki lata ümsetiim kong kra mitiijiimha kiimaq mitiikaqha. Kiimaq thatsi, jasam piqsii, kiimaq re tiidong lata ümniika mitiitsat baiqha. Arka Ngi, Tatiwe raq toqtan tiikang.”

Hosea 2:18

Kra akhing na ümmiitu, Ngi raq rumnyamsekong nai ra na biti wushi rai, kiimaq hiqraikhü na khumti jongsaü jüse wiita rai, wehea riijawan miitu tong she mishong wan ha. Lata isenginok sichang mung wa, chiqdong redong, ko aliq, ja apiq thun ka wiitashe milam baiq wan ha. Lata Ngi raq ümniika hansang miishe mitiikon kang. Kiimaq ahai asong ahü miishe mitiishong nga wan kang.

Hosea 2:20

Ngi raq ümniima kiqkham kuq kang kra tingting mithü wanha. Lata ümniika ichak dea nguta tsapkapkap mirüm wan ha. Kiimaq kra akhing na ümnii riimin, Ngi ka üm Tatiwe dea nguta milang wan haü.

LEWI 25:18

Tatiwe thungtri thun nai aming thun kra kunkun lang rong laq. Kra riihantiq namshiq ka maiqmii hiq na khusang rakhang maq misi han.

LEWI 25:19

Hiq raq tü atsam, petsi wiqtsam ka pahea mitiitsi ngo kuq. Krai mren namshiq ma ümchu wa aphaq asea chang rongraa tlaq kra chamtraq midong man. Kiimaq namshiq ka khusang maq mishong nga han.

LEWI 26:22

Ngi raq namshiq phana phiiptsi chang ngamthaiq kong she mitiiwaha. Kiimaq ngamthaiq kong raq namsetiim ka mikaq raüta mitsai. Namshiq jam nyamse kong kra mitiithen baiq. Kiimaq namshiq ka atsap seli mitiichong han. Kiimaq chiihea wea tung alam thun kiijiimin maiq akhum ashiimti ka ahüshe miraq.

LEWI 26:25

Ngi raq namshiq khuthaq na re she mitii dongha. Lata namshiq ma mo mitiihoha. Jamkhano ngukla namshiq raq nashiq liipan na tongshong bom kham wan kai raütu thun kra jin wan lan. Kiimaq namshiq ka namshiq khum tiichhii wan miitu chela thun kiina riitam wan han jiila, Ngi raq namshiq khuthaq na tha wa henghea healot mak phan thatsi kriishe mitiisaüha. Kra ningkhan she namshiq ka jamkhii min jasiq lot man she mirhan. Kra ningkhan, namjaqtinok puk niishe minyap wan han.

LEWI 26:7

Namshiq ka nam jaqtinok khatki hanla, tang wan ruq mirhan.

Mikha 4:4

Maiqse angu tarü mungtsing maq misi, maiqmiimii spiqro na kiimaq maiqmiimii phupmup ro na misi. Kiimaq apaiq ka jurmin tiihaisong mak she miraq. Arka Ningkun Ajong Pinthum Tatiwe kiqkham kuqto.

JEPHANIA 3:13

Tiichongtaq Israilnok raq, jumiimin ajiq kiimung mak she miraq. Arot min chong mak she miraq. Kiimaq lapphaq lusiq lule tsii, thü mak she miraq. Tsangshiq ka arong awin she miraq. Kiimaq jurmin tiitsüngii mak she miraq. Ahaisong chang min ahü she miraq.”

HAGAI 2:9

Shomjam anye ka jamchü thaq na pinthum tsomhea she miraq. Kiimaq ngi raq isenginok ka tsiiq anyam ma chiithe lüwa miishe mitiijaha. Kiimaq han asang miishe mirümha.” Arka Tati Ningkun Ajong Pinthumwe raq chongtlo.

JEKERIA 9:10

Tatiwe raq ngutlo, “Ngi raq Israil mung wa rekhat kumrang leng thun, wiita milambaiq ha, kiimaq leng thun ka Jerusalem wa, alam mirbaiq. Kiimaq rekhat chang liq thun kiimin, wiitashe mishthen baiq. Raüta apaiq raq mangjong tlotli na, mungthun ka atsing angang miishe mipeng wan. Apaiq raq lungwii tlaq maiqmung thun ka, sammoktra wiiqshi maq riita, wiiqshi na saüli she mipeng wan. Kiimaq Euphretis rai maq phawan raüta, ra raq aham mangjong tlotli mipeng wan.”

John 14:27

“Namshiq ma ngi raq hansang rilung she kuq tiikang. Arka i tsan mong na sitlaq hansang khap kriiwa triisha tsümkuq tiikang. Arka mangjong maiqse raq akuq hansang rilung ikhiika riimak. Jai na jamlai mra wa pin wan tlaq, kra miitu namshiq ka akhiismin naq chapa rongkiq. Kiimaq naq hanghun rongkiq, kiimaq naqhai rongkiq.

Acts 12:6

Herod raq Petar ka anap ranaiq miishe, mungmaiqse rung na tiichap ma nguta, tiije shat riito. Kra rawa, Petar ka phenla wenai heawea na akon. Apaiq ka jinraü raünai maq, ajaq na khato. Raüta, siimko nü jinraü tho kriika phenla weshi jaq na dakshat riito. Kiimaq konü siimti jinraü tho kriika phenla weshi jaq na dak khato. Raüta apaiq ka phenla we nai heawea na tiinga raüta kheto. Kiimaq phaqtek jam kilam chong kiimin phenlabi raq kheshat riito.

Romans 5:1

Riita ümchaü nashiq ka Shiikeawe raq wehea she nguta ajam na tiidü wanto she. Arka nashiq raq apaiq ma kamtsantsii thü wan tiikai kra lümaq wehea tiija wanto. Krai mren, nashiq ka Jesuq Khristo lümaq Shiikeawe rai ari aram miishe sitiikai.