LEWI 2:3 - ASII LAKDAP Bible (BSI)

³ Kriiwa chantlaq wong-honglu bung kriika ramwebi rii she. Arka asii pinthum. Jamkhano ngukla arka phaqsea-honglu Tatiwe ma kebung atiichong.

Hawa Naga Bible 2001

³ Kvjungx yaq vruiy vwungx httax yaq htenc kuex shomc waz bix rawc shex rvtueq; kvruex phuiuz vsvy kuex Yehowa muex shomc kuy yoalx shex ningkhvnc nuex pinhtumc vsawc rvtueq.

LEWI 2:3 Referencias Cruzadas

EJRA 2:63

Kiijaq siti Jehudi phan wanghuptiwe raq, tsangshiq wa ramwe weshi dong raüta, asii phaqsea kra lomdam miitu, Urim nai Thamin maq lang lii raüta lang raq thaü hümaq, Shiikeawe ma honglu na akuq kra phaqsea mai mak nguta wanghuptiwe raq tri thüto.

DUNGWVNC 29:37

Riita ara jaqsham ka ramiishi na saüli klolaq. Kra raüla berong-wacha ka thep siirai she miraq. Kiimaq maiq ashi raq, lo, riimakla hupsam phanshi ra raq lo berong-wacha na than raüla, kra asii ningkun heng raq jamlai phan riiwa kra thantlaq kriika athen mirki.

EJEKIEL 44:29

Rai nai wong honglu thun, ngarai honglu thun kiimaq thiitham honglu thun kra tsangshiq ramwebi rii tü adung. Kiimaq tsangshiq raq Israil mung na Ngi rii pong na rai raüta thütlaq kriithun ka tsangshiq raq tao chang.

EJEKIEL 46:20

Raüta akha nguto, “Ramwebi raq arba arjaq ngarai miitu nyamse honglu ataakuq riimakla thiitham honglu ataakuq thun kra arjaq lumtlo. Kiimaq bunwong wongwin honglu na akuq kra arjaq lumtlo. Arka asii honglu ngamrea thun kriika kinphai wa rinkea thung kiina lamho maimak kha maq arjaq klotlo. Kiijaq lamho raüla maiqse ma atiihai chang asi.”

LEWI 10:15

Tsangshiq raq awühok nai akhuk ka ngampü Tatiwe ma phaqsea-honglu na kuqtlaq akhing na milam kuq wan. Arthun ngamrea arka Tatiwe raq aming kuqtaq kra phan pattup pat-sa ümnaq nai ümsetiim rii she.”

LEWI 14:13

Raüta apaiq raq kra sku pongse ka asii ba ngarai-honglu nai chaqtlii-honglu tachang ba kiijaq mitaa. Apaiq raq arka klo raa dongdii. Jamkhano ngukla thiitham-honglu ka ngarai-honglu ka ramwe rii kiimaq arka pinthum asii.

LEWI 2:10

Kriiwa abung tiichongtlaq honglu thun kriika ramwebi riishe. Arka asii pinthum. Jamkhano ngukla phaq sea honglu Tatiwe ma akuq wan krii bungshe.

LEWI 21:22

Akhnok maiq riika Ngi ma phaqsea honglu na akuq kriika phaqsea mimai. Phan nai wiita asii phaqsea-honglu akuq kra nai asii pinthum phaqsea-honglu akuq kra phaqsea mimai.

LEWI 5:13

Ara chongtlaq akha ramwe raq kriiwe ngarai honglu ka mikuq, kiimaq apaiq ngarai ka midiikuq. Kiiwa abung tiichongtlaq bunwong win ka wong-honglu akuq wa ramwe ma kuqtlaq ikha ramwe riishe miraq.

LEWI 6:26

Ara nyamse ka honglu na taketiwe ramwe raq ara ngam ka asii ba, Tatiwe asi Tombutiip rinkea maq phaq chang.

LEWI 6:9

apaiq raq Aron nai asetiim ma chaqtlii-honglu thun kra miitu arthun thungtri raütu ara kuqlaq nguta chongto. Chaqtlii-honglu ka rawa minru berong-wacha niili thüchang. Kiimaq wa ka rawa minru chaq ruqli chaq chang.

LEWI 7:7

Ara ngarai-honglu nai thiitham-honglu khuthaq na tri raü ashi sitlo. Kriika ara anai wiita miitu langtlo: kra ngam ka honglu taketi ramwe rii sii.

LEWI 7:9

Kiimaq aweatek wong-honglu watum pin na ako, riimakla pintam na ako, riimakla jin pen pintam na ako kriika, ümriiti ramwe riiwa Shiikeawe ma honglu kuqtlaq kriiwe riishe.

WEAWEA 18:9

Asii pinthum honglu kuqtlaq thun wa, berong-wacha na wa na chaq mak honglu thun kriiwa, arthun arka ümniiriishe miraq: wong-honglu thun kra, ngarai-honglu thun kra, kiimaq thiitham honglu thun kra. Ngi ma ümchuwa ram tiibok honglu akuq thun kriika ümniirii nai ümsetiim rii she.

1 SAMUEL 2:28

Israilnok maiqphan tlotli sitlaq kra phong wa, ngi raq tsangta ka, iramwebi ma, berong-wacha na jaqsham ma, honglu homseng kra chaq ma, kiimaq asii miirii sam raüta, ngi rai bom riichong ma nguta shongkang. Kiimaq ngi raq tsangshiq ma berong-wacha na chaq chang ngam kiiwa tsangshiq rii ngamrea lamthü miitu arang kuqkang.