LEWI 2:2 - ASII LAKDAP Bible (BSI)

² Raüta Aron phan ramwe jaq na kewa chang. Kiijaq jaqshamti ramwe raq kiiwa jaqphi shi wongwin kra milam kiimaq olip tai kra kiimaq homseng thun ka tlotli milam. Kra raütiishe berong-wacha na Tatiwe ma tlotli akuq la na ngamrea ikha wa na chaq raüta mikuq. Ara phaqsea-honglu khiimtsang ka Tatiwe ma tsan tiiheali.

Hawa Naga Bible 2001

² Arun sahez shomc waz bix kox kvyuq lvmc lvy rax. Yauk shuimc aungx yaq shomc waz rueq wungwanx yaukkhunc shiz, vpuiz nuiyc vhomc phvnx httax yaq lotlaz kuex lvmz vtueq shomrawx htauk nuex jauk ruiux shomc kuy rax, kvkhoc shomc kuy lvmz kuex Yehowa muex vruiy vwungx lotlaz maq shomc kuy muex yaungx yaq. Vkhoc phuiuz vsvy maq shomc kuq shix homc tumc kuex Yehowa rueq raungc raq yaq.

LEWI 2:2 Referencias Cruzadas

NEHEMIA 13:14

Shiikeawe lei, ngi raq üm Shomjam miitu nai noqku miitu arthun jaqsham tiikang ara ümtsan na tiitsang thü laq.

NEHEMIA 13:22

Krai mren, ngi raq Lewinok ma tsangshiq khum ka phumram kham maq tiisii bat raüta, Asii Niitiitsak Ranaiq ranaiq ka asii maq thü wan miitu, tsangshiq raq kilamchong thun kilü ka sontri tsong raüta teptep khe miitu aming kuqkang. O, Shiikeawe lei, ngi raq arthun jaqsham tiikang ara miitu, ümmang chan tsii rüm tlaü kriimaq, ngi ara tiikhup wongkuq laq

DUNGWVNC 30:16

Ara tri kampho ka Israilnok jaq wa riichom jaülaq. Laüta ara kampho ka Ngi asi Tombutiip kra shiililii ma langlaq. Ara phunta arka tsangshiq rilung tri ma miraq. Kiimaq Ngi raq tsangshiq ka itsan na thüshat maq mitiikhup wong kuqha.”

ISAIA 66:3

“Maiqse riika maiqmii raq aroro kli klotlo. Tsangshiq ma honglu na minsaü pongwe take nai maiqse take wan ka mrenli. Tsangshiq miika skuranse honglu na take nai hikaü dangkong tiingo buk kriika adam siili. Tsangshiq miika wong-hong luke wan nai waq tiijai hongluke wan kriimin adamli. Kiimaq tsangshiq miika homseng hongluke wan nai sumla phra shomnoq ka mrensiili. Tsangshiq ka maiqphai asi klo raüta shomnoq wantlaq kriima pinthum peotlo.

LEWI 1:13

Kriiwe raq among wa apuk aji thun nai awühokpe wiinai thun kra kham maq he ratlo. Kiimaq ramwe raq honglu ngam thun ka Tatiwe ma mikuq. Raüta ngam tlotli ka berong-wacha na michaq. Ara phaqsea honglu khiimtsang ka Tatiwe ma tsan tiiheali.

LEWI 1:17

Apaiq raq wushi maa ka arakong wiinai maq sham raüta, arakongnai ka panbaiq mak miili panthit angam ka chai baiq chang. Raüta wiipumtam maq berong-wacha na chaq chang. Ara phaqsea-honglu khiimtsang ka Tatiwe ma tsan tiiheali.

LEWI 1:9

Kriiwe raq among wa apukji thun nai ahok thun kra kham maq heraatlo. Raüta kiijaq jaqshamti ramwe raq kra honglu ngam thun kra berong-wacha na wiita michaq baiq. Ara phaqsea-honglu khiimtsang ka Tatiwe ma tsan tiiheali.

LEWI 2:16

Raütiishe ramwe raq kra phaqsea honglu ka tel asi ba kra lam raüta ngamrea ikha wa na michaq kiimaq homseng ka tlotli Tatiwe ma phaqsea-honglu na mikuq.

LEWI 2:9

Ramwe raq kriiwa phanshi se ngamrea ikha lam raüta, tlotli Tatiwe ma akuq ikha mikuq. Raüta apaiq raq kra berong-wacha na wa na michaq. Ara phaqsea-honglu khiimtsang ka Tatiwe ma tsan tiiheali.

LEWI 24:7

Laüta homseng ka alentek kiijaq phanshi shi phonglaq. Arka phaqsea-honglu Tatiwe ma akuq winsii kra la na kuqlaq.

LEWI 4:31

Kra raütiishe apaiq raq ngampü thun ka wiita milambaiq. Arka rintii-honglu na ataakuq ngam maa thun wa jamkho lambaiqtlaq ikha milambaiq. Raüta apaiq raq ngampü thun ka berong-wacha na michaq. Krai mren ara khiimtsang ka Tatiwe ma tsan tiiheali miraq. Akha ramwe raq kriiwe ngarai miitu honglu ka mitaa kuq. Kiimaq apaiq ngarai ka midiikuq.

LEWI 5:11

Kiimaq maiq weshi ra raq haütaü kaünai riimakla paro kaünai kriimin kuqlot mak she raüla, apaiq raq bunwong win kilogram shi ka ngarai-honglu miitu lam wan chang. Apaiq raq kiijaq olip tai ka thii mai mak. Riimakla homseng min thii maimak. Jamkhano ngukla arka ngarai-honglu. Wong-honglu riimak.

LEWI 5:12

Apaiq raq kra ramwe ma lamke wan chang. Ramwe riishe ngamrea ikha kiiwa ajaq na jaqkhon shi kra mihin. Raüta Tatiwe ma wiita akuq ikha mikuq. Raüta apaiq raq kra berong-wacha na phaqsea-honglu akuq ikha wa na michaq. Arka ngarai shiikhoi miitu akuq honglu.

LEWI 6:15

Kra raütiishe apaiq raq bunwong wongwin kiiwa jaqkhon shi ajaq na mitso. Kiimaq tel kri milam. Raüta kriithaq na homseng honglu kriishe mithii. Raütiishe apaiq raq Tatiwe ma berong-wacha na tlotli akuq rii na ngamrea ikha mikuq. Ara khiimtsang ka Tatiwe ma tsan tiiheali miraq.

WEAWEA 5:18

Kra raütiishe apaiq raq jechak nyung khudap kra adü mirbaiq. Raütiishe apaiq raq jaili wongwin honglu kra kriinyung jaq niishe mithii. Kiimaq ramwe raq apaiq jaq na nüchhong win pin na akhapwiq kham manson tiinikai chang kra ajaq na misham.

WEAWEA 5:26

Kiijiishe apaiq raq kra wong win kiiwa ajaq na phanshi se ngamrea honglu ka milam. Raüta ngamrea akuq honglu ka berong-wacha niishe michaq. Kra lot jaishe apaiq raq krii-nyung ma tumkham kriishe mitii-nyang.

Acts 10:4

Apaiq raq rase ka ahai lam maq liito. Raüta, “Chaü lei, jamlai wa?” nguta treto. Kiijiishe rase raq apaiq ma, “Shiikeawe ka ümniima tsanhea sitlo. Ümniiraq achu jaü tlaü kra taito she. Kiimaq ümniiraq miitsan maiqse khrum kuq tlaü kriimin chhito she. Riita, Shiikeawe raq ümchaü ka ümbom tre miitu tiijeje she.