LEWI 2:1 - ASII LAKDAP Bible (BSI)

¹ Ümtiikiiwa maiq weshi ra raq wong honglu Tatiwe ma kuqtlaq, apaiq raq kra kongkhu wongwin ma thaü chang. Raüta apaiq raq olip tai nai homseng ka kriithaq na thiichang.

Hawa Naga Bible 2001

¹ Miq vshiz shiz rueq Yehowa muex vruiy vwungx maq shomc kuq ruiux yuq, tvwanx laz vphaungc nuex rin tvy raung. Piq rueq kvyuq olip puiz nuiyc vhomc vtumc maq shvy vtueq,

LEWI 2:1 Referencias Cruzadas

DUNGWVNC 29:2

Kiimaq ahea pinthum bunwong win kra langlaq. Shatmaq pi ka naq shamkiq. Laüta winsii thun ka oliptai maq diimlaq. Kiimaq winsii wiijam ka oliptai ahü miili diimlaq. Kiimaq wiijam ka biskut ikha tel maq man laüta kolaq.

ISAIA 43:23

Ümniiraq Ngi ma chaqtlii-honglu sku thun lamkuq wan maüdea riilaü, ümniiraq Ngi ka honglu takuq laüta shreng maüdea riilaü. Ngi raq ümjaq wa honglu thun ka keraa dongdii nguta shiitep mang dea, riimakla ümjaq wa homseng honglu holai tiiho mang dea.

ISAIA 66:20

Tsangshiq raq namshiqnok ka kunli pongmung thun wa Ngi ma kongphiq akuqho ikha tsuq wan raüta, nam mung na mishea wan. Tsangshiq raq tsangshiq ka Ngi raq asii hiqlam Jerusalem na riimtiikang kriijaq kumrang kong thaq na ngaraq raq, kumtoq kong thaq na ngaraq raq, kiimaq kumtsong kong thaq na ngaraq raq, kiimaq kumrang leng thaq na ngaraq raq kiimaq minsaü leng thaq na ngaraq raq mitsuq wan. Israilnok raq wong-honglu thun ka lairap thüchang hupsam ka asii mong na thü raüta Shomjam na kuq wan tlaq ikha mikuq wan.

EJEKIEL 46:20

Raüta akha nguto, “Ramwebi raq arba arjaq ngarai miitu nyamse honglu ataakuq riimakla thiitham honglu ataakuq thun kra arjaq lumtlo. Kiimaq bunwong wongwin honglu na akuq kra arjaq lumtlo. Arka asii honglu ngamrea thun kriika kinphai wa rinkea thung kiina lamho maimak kha maq arjaq klotlo. Kiijaq lamho raüla maiqse ma atiihai chang asi.”

Yoel 1:9

Tatiwe jam na wongrai honglu nai spiqtai honglu, kewan chang min ahüshe. Kriikha na Tatiwe jaqshamti ramwebi hoqtrang tlo.

Yoel 2:14

Jursap namshiq Tati Shiikeawe raq, apaiq tsantsii kiiwa klai wan jiiq riila, Raüta namshiq ka rongboq jawan miitu, ramram jaqsham misham kuq wan. Kriishe nguraü ka namshiq raq apaiq ma, tü atsam honglu mikuq wan han.

LEWI 14:10

Ratiichat ngo ranaiq na apaiq raq wiishi sku pongse arese nai anai kiimaq skuse are se skushii akhum nyeajokjok, jamlai ami atsi ahü, kiimaq bunwong win kilogram atsam ka olip tai rai shot raüta lam wan chang, kiimaq olip tai ka litar shi wa mantsam na tiikho raüta manshi kra lam wan chang.

LEWI 24:7

Laüta homseng ka alentek kiijaq phanshi shi phonglaq. Arka phaqsea-honglu Tatiwe ma akuq winsii kra la na kuqlaq.

LEWI 5:11

Kiimaq maiq weshi ra raq haütaü kaünai riimakla paro kaünai kriimin kuqlot mak she raüla, apaiq raq bunwong win kilogram shi ka ngarai-honglu miitu lam wan chang. Apaiq raq kiijaq olip tai ka thii mai mak. Riimakla homseng min thii maimak. Jamkhano ngukla arka ngarai-honglu. Wong-honglu riimak.

LEWI 6:7

Ramwe raq kriiwe ngarai miitu honglu ka mitaakuq. Raüla apaiq ngarai ka midiikuq.

LEWI 9:17

Apaiq raq wong-honglu kriishe kuqto. Kiimaq kiiwa bunwong win ka jaqkhon shi ajaq na lamto. Raüta berong-wacha na chaqto. (Arka ranaiqtek chaqtlii-honglu kuqtlaq kriithaq na kuqtlo.)

LEWI 9:4

Kiimaq minsaü pongwe alai lamhü ashi, kiimaq sku pongwe ashi kra rintii-honglu miitu lam wan chang. Raüta tsangshiq raq kriithun ka Tatiwe ma honglu na wong-honglu rai tel maq shot raüta kechang. Tsangshiq raq arka keraa dongdii. Jamkhano ngukla Tatiwe ka ümchaü ranaiq tsangshiq rai mirhumki.”

MALAKI 1:11

Mangjong maiqse shedong maq riita shenyap mung na saüli raq, ngi shrengtlo. Tsangshiq raq barapse maq ngi ma homseng honglu athuk atsom kuqtlo. Tsangshiq tarü raq ngi shrengtlo!

WEAWEA 18:9

Asii pinthum honglu kuqtlaq thun wa, berong-wacha na wa na chaq mak honglu thun kriiwa, arthun arka ümniiriishe miraq: wong-honglu thun kra, ngarai-honglu thun kra, kiimaq thiitham honglu thun kra. Ngi ma ümchuwa ram tiibok honglu akuq thun kriika ümniirii nai ümsetiim rii she.

WEAWEA 28:5

Skuse loweatek krai wong-honglu bunwong win 1 kilogram ka 1 litar shi ahea pinthum olip tai krai triishot raüta kechang.

WEAWEA 29:18

Arthun honglu ariirai apha ranaiq na honglu thun ümchuwa kuqlaü kriithun kriimin nong nong kuq damlaq.

WEAWEA 8:8

Kra raütiishe tsangshiq raq minsaü pongwe arese kra lam wan chang, kiimaq tri na chongtlaq kra phan phan wong-honglu bunwong win olip tai rai shotje kra lam chang. Kiimaq ümniiraq minsaü pongwe ashi ngarai-honglu na kechang kriili lam wan chang.

John 6:35

Kiijiishe, Jesuq raq tsangshiq ma chongto, “Ngi ahata rilung tsitsü winsii. Juwa i puk na nyap tlaq, kriiti miika ram tsimak she miraq. Juwa ngi ma kam tlaq, kriiti ma khamnyang min tsimak she miraq.

1 John 2:20

Shatmaq namshiq riiwe kla, Khristo raq Wenyi ramkham kok maq ram raüta, namshiq jaq ka akhaqke wishe. Kiimaq Asii Wenyi raq namkhum na, Asii phumram kham maq abat wishe. Krai mren, namshiq raq tengteng bomtsi ka sap lan she.

1 John 2:27

Riita ümchaü kla, namshiq raq jamlai chapa chang min ahü she. Khristo raq apaiq Wenyi ka namshiq khum na araüke wishe. Asii Wenyi ka namshiq khum na sishat sitlaq wiiwii, maiqse raq namshiq ma shrinke rea ngo min rarai mak she. Apaiq Wenyi raq namshiq ma phanrap hon atsii ka kunkun she chongkuq tlo. Kiimaq apaiq raq namshiq ma jamlai wa shrinkuq tlaq kriika tengteng. Ajiq ka tlang kuq mak phan. Krai mren, Asii Wenyi raq namshiq ma jamlai wa chongkuq tlaq, kra lang lanta sirong laq. Lanta Khristo rai pumshi hanshi maq tiipum lanta sironglaq.

Jude 1:20

Shatmaq, lungwii phunainotiim lei, namshiq riika, namshiq asii kamtsantsii rilung jam hai wan kli shiichaq wan ruq sironglaq. Asii Wenyi ningkun maq achu jaü lantli sirong laq.

Revelation 8:3

Kiimahali rase ashi ka honglu chaq chang, chaq khiqwin ka ajaq na sham raü dongkito chhikang. Raüta, berongwacha tho kiijaq chapkito. Apaiq ma Shiikeawe sengi achu jaü honglu krai triishot chaq dam miitu, honglu na chaq chang homseng pahea kuqto. Kra kuqtaq kriika apaiq raq chaq berongwacha, hokham ngacho khaki na totlaq kiijaq chaq ma nguta kuqto.