LEWI 2:4 - ASII LAKDAP Bible (BSI)

⁴ Kra honglu ka winsii watum na koraüta alum jiila, kriika pi maq shohü winsii riichang. Kriika bunwong win wa olip tai rai shot raüta ako theapakpak winsii moraq miraq. Riimakla, wongwin olip tai rai ashot riimakla biskut ka olip tel maq nyat raüta kechang.

Hawa Naga Bible 2001

⁴ Wansawx kuex wvr nuex shuz vtueq shomc kuq ruiux yuq wisiz tvlomx mvy muq. Wungwanx nuiyc olip puiz shot vtueq vtvhungx wansawx, rvmuq ngoz ruiux olip puiz vnyvt biskut wanx maq shomc kuy mvy yaq.

LEWI 2:4 Referencias Cruzadas

Tvtsvmc 22:14

Iningkun ka ahüshe, hiq na kham araübaiq ikha wiikito. Irok irii thun ka asiilii siisaq she; itsan ka simi kii ikha jokito.

DUNGWVNC 12:8

Raüta kra rawa ngam ka wa na shechang, raüta rum wa sangjaq akhap wiq phan nai pi maq shohü winsii alum krai phaq chang.

DUNGWVNC 16:31

Israilnok raq kra aphaq sea chang dung ka manna nguta ngutlo. Kriika petsi aranse phan among wa arai ka lüdiidii sitlaq ikha riito. Kiimaq aphaq ma sum ka ngiq ngu rai ashot biskut sum ikha riito.

DUNGWVNC 29:2

Kiimaq ahea pinthum bunwong win kra langlaq. Shatmaq pi ka naq shamkiq. Laüta winsii thun ka oliptai maq diimlaq. Kiimaq winsii wiijam ka oliptai ahü miili diimlaq. Kiimaq wiijam ka biskut ikha tel maq man laüta kolaq.

ISAIA 42:1

Tatiwe raq ngutlo, “Ahata ijaqshise, Ngi raq apaiq ma ningkun shoqkuq tiikang; Ngi raq apaiq ka tsea wan kang, Ngi ka apaiq ma kai khoqriiq tiikang. Ngi raq apaiq ka ma iwenyi asho awo kuqkang she. Kiimaq apaiq raq maiq mungtek na tingting tri maq kha mipho.

ISAIA 61:1

Ajong Thaq Na Ajong Pinthum Tatiwe raq ngi ka apaiq wenyi maq asho awo she rom wanto. Apaiq raq ngi ka atsea raüta tiikito Miitsan maiqse ma tsütsa ahea sokekai, Atsan awok bunlak chamchaoti tiiheakekai, Kharüi mong na siti ma diikuqto she nguta tiitaikai, Kiimaq phaqtek mong na siti dokdakekai tiikito.

EJEKIEL 46:20

Raüta akha nguto, “Ramwebi raq arba arjaq ngarai miitu nyamse honglu ataakuq riimakla thiitham honglu ataakuq thun kra arjaq lumtlo. Kiimaq bunwong wongwin honglu na akuq kra arjaq lumtlo. Arka asii honglu ngamrea thun kriika kinphai wa rinkea thung kiina lamho maimak kha maq arjaq klotlo. Kiijaq lamho raüla maiqse ma atiihai chang asi.”

LEWI 1:11

Apaiq raq nyamse ka berong-wacha shekhu nü siim na tachang. Kiimaq ramwebi raq ngam tiijai ka berong-wacha siimblai ri wiita na miwan.

LEWI 10:12

Mosheq raq Aron nai asenai tiichongtlaq Eleajar nai Ithamar ma nguto, “Wong-honglu Tatiwe ma akuq abung tiichongtlaq kra lam ronglaq. Lanta kra wongwin kiimaq pi maq shohü winsii lum ronglaq. Lanta berong-wacha tho na phaq ronglaq. Jamkhano ngukla ara honglu arka pinthum asii.

LEWI 7:12

Maiq weshi ra raq ara honglu ka Shiikeawe ma kechutum-honglu ma kuq raüla, apaiq raq nyamse honglu na take chang kuq tlaq kriirai winsii honglu pi maq shohü maq alum kriirai kechang: bunwong wong win olip tai rai shotje theapakpak winsii riichang. Riimakla, biskut ka olip tai maq nyat raüta, riimakla, kek bunwong wongwin nai olip tai rai shot raüta alum riichang.

WEAWEA 6:15

Kiimaq apaiq raq taükok shi pi maq shohü maq alum winsii thun: atheawiq bunwong win na olip tai maq shot raüta ako winsii thun kra, kiimaq biskut olip tai maq nyat je thun kra, kiimaq arthun arthaq na ratlaq bunwong win nai spiqtai honglu thun kriimin kechang.

Matthew 26:38

Kiimaq apaiq raq tsangtsam ma, “I tsan na chapa tsi arka heng biti hengtlo. Ngi ara tsaija chhunja she pat wanto. Namtsam ka arjaq nga lanta ngi rai achu jaü lam maq kheshat ngali rong laq,” nguta chongkuqto.

John 12:27

“Riita, ümchaü ka ngi ma i tsan tsihea akhing she saü wato. Riita, ümchaü ngi raq jamlai she wa minguha? ‘I We loi, ara akhing ara ngi ma naq tiisaükiq dea,’ ngutiisha minguha? Shatmaq, kiikhiika ngulot mang. Ara jamkhano chong tiikang ngukla, ngi mangjong hiq na pokikang arka, ara chong tiikang chamchao wamong armaq lea wan miitu dongdii akiha!

John 3:34

Shiikeawe raq juwa tiikitaq kra riika, Shiikeawe bom li chongkuqtlo. Ara jamkhano chongtiikai ngukla, apaiq ma Asii Wenyi ka asho awo maq apheake kun she.

Hebrews 7:26

Riita, arningkhan, Jesuq ka nashiq miitu, Ramwe Ajong Pinthum we miishe thüto. Kiimaq, nashiq ma jamlai phan wa raa tlaq kra, apaiq raq wiita liikuq tlo. Apaiq ka Shiikeawe tiichochiti we. Apaiq khum na ashut aphit nguta jam min ahü, siirairai. Kiimaq, akhum na jamlai ngarai min ahü. Shiikeawe raq apaiq ka ngarai maiqse phong mong wa, pong na raithü wanto. Raüta ratsan ramong nyang na, tsaühea niishe tiinga wanto.

1 Peter 2:1

Riita ara chongtiikai rawü anye she chhi lan arkha maq, ümchaü sanha, namshiq tsan among wa, phanrap abi ümchuwa sitlaq kra wiita raübaiq rong liishe. Namshiq raq ümchaü sanha, arot akiq naq bom rongkiq she. Makshu rashe lam maq naq si rongkiq she.

1 Peter 2:22

Apaiq raq jamphan ngarai min tang mak dea. Apaiq raq jam min arot akiq poshi min bom mak dea.