LEWI 2:10 - ASII LAKDAP Bible (BSI)

¹⁰ Kriiwa abung tiichongtlaq honglu thun kriika ramwebi riishe. Arka asii pinthum. Jamkhano ngukla phaq sea honglu Tatiwe ma akuq wan krii bungshe.

Hawa Naga Bible 2001

¹⁰ Kvjungx yaq wansawx kuex shomc waz bix tvkoc rvtueq; kvruex wansawx kuex Yehowa muex shomc kuy yoalx shex ningkhvnc nuex, kvruex kuex sawc hvlc rvtueq.

LEWI 2:10 Referencias Cruzadas

2 KAÜWA WERAÜ 31:14

Imna se Kore, apaiq ka Lewi phan wa, kiimaq apaiq ka Shomjam Shedong nü Kilamchong kra kheti sontri maiqla pinthumwe ka Tatiwe ma honglu thun kuqtlaq kra jaütiwe riito. Kiimaq aphea anyinke kiimin apaiq arang na riito.

EJRA 2:63

Kiijaq siti Jehudi phan wanghuptiwe raq, tsangshiq wa ramwe weshi dong raüta, asii phaqsea kra lomdam miitu, Urim nai Thamin maq lang lii raüta lang raq thaü hümaq, Shiikeawe ma honglu na akuq kra phaqsea mai mak nguta wanghuptiwe raq tri thüto.

EJEKIEL 44:29

Rai nai wong honglu thun, ngarai honglu thun kiimaq thiitham honglu thun kra tsangshiq ramwebi rii tü adung. Kiimaq tsangshiq raq Israil mung na Ngi rii pong na rai raüta thütlaq kriithun ka tsangshiq raq tao chang.

EJEKIEL 46:20

Raüta akha nguto, “Ramwebi raq arba arjaq ngarai miitu nyamse honglu ataakuq riimakla thiitham honglu ataakuq thun kra arjaq lumtlo. Kiimaq bunwong wongwin honglu na akuq kra arjaq lumtlo. Arka asii honglu ngamrea thun kriika kinphai wa rinkea thung kiina lamho maimak kha maq arjaq klotlo. Kiijaq lamho raüla maiqse ma atiihai chang asi.”

LEWI 10:12

Mosheq raq Aron nai asenai tiichongtlaq Eleajar nai Ithamar ma nguto, “Wong-honglu Tatiwe ma akuq abung tiichongtlaq kra lam ronglaq. Lanta kra wongwin kiimaq pi maq shohü winsii lum ronglaq. Lanta berong-wacha tho na phaq ronglaq. Jamkhano ngukla ara honglu arka pinthum asii.

LEWI 14:13

Raüta apaiq raq kra sku pongse ka asii ba ngarai-honglu nai chaqtlii-honglu tachang ba kiijaq mitaa. Apaiq raq arka klo raa dongdii. Jamkhano ngukla thiitham-honglu ka ngarai-honglu ka ramwe rii kiimaq arka pinthum asii.

LEWI 2:3

Kriiwa chantlaq wong-honglu bung kriika ramwebi rii she. Arka asii pinthum. Jamkhano ngukla arka phaqsea-honglu Tatiwe ma kebung atiichong.

LEWI 21:22

Akhnok maiq riika Ngi ma phaqsea honglu na akuq kriika phaqsea mimai. Phan nai wiita asii phaqsea-honglu akuq kra nai asii pinthum phaqsea-honglu akuq kra phaqsea mimai.

LEWI 5:13

Ara chongtlaq akha ramwe raq kriiwe ngarai honglu ka mikuq, kiimaq apaiq ngarai ka midiikuq. Kiiwa abung tiichongtlaq bunwong win ka wong-honglu akuq wa ramwe ma kuqtlaq ikha ramwe riishe miraq.

LEWI 6:16

Kiiwa chantlaq abung ka ramwebi raq miphaq siq. Kriika winsii ma pi maq shohü maq kochang. Raüta asii khok Tombutiip Tatiwe asi rinkea kiimaq phaq chang. Arka Tatiwe ramwebi rii she nguta phaqsea-honglu akuq kiiwa phea kuqtlo. Arka asii pinthum, ngarai-honglu nai thiitham-honglu thun kuqtlaq kiikha.

LEWI 6:23

Ramwe raq wong-honglu kuqtlaq arwiika akhiisiimin nü na thii raamak. Tiithumpak wa na chaq ratlo.

LEWI 6:9

apaiq raq Aron nai asetiim ma chaqtlii-honglu thun kra miitu arthun thungtri raütu ara kuqlaq nguta chongto. Chaqtlii-honglu ka rawa minru berong-wacha niili thüchang. Kiimaq wa ka rawa minru chaq ruqli chaq chang.

LEWI 7:7

Ara ngarai-honglu nai thiitham-honglu khuthaq na tri raü ashi sitlo. Kriika ara anai wiita miitu langtlo: kra ngam ka honglu taketi ramwe rii sii.

WEAWEA 18:9

Asii pinthum honglu kuqtlaq thun wa, berong-wacha na wa na chaq mak honglu thun kriiwa, arthun arka ümniiriishe miraq: wong-honglu thun kra, ngarai-honglu thun kra, kiimaq thiitham honglu thun kra. Ngi ma ümchuwa ram tiibok honglu akuq thun kriika ümniirii nai ümsetiim rii she.

1 SAMUEL 2:28

Israilnok maiqphan tlotli sitlaq kra phong wa, ngi raq tsangta ka, iramwebi ma, berong-wacha na jaqsham ma, honglu homseng kra chaq ma, kiimaq asii miirii sam raüta, ngi rai bom riichong ma nguta shongkang. Kiimaq ngi raq tsangshiq ma berong-wacha na chaq chang ngam kiiwa tsangshiq rii ngamrea lamthü miitu arang kuqkang.