LEWI 2:11 - ASII LAKDAP Bible (BSI)

¹¹ Ümniiraq Tatiwe ma wong-honglu kuqtlaü kiijaq pi maq sho raüta klo maimak. Ümniiraq raq Tatiwe ma phaq sea honglu kuqtlaü na ümtiikiimin pi maq shot raa mak, riimakla ngiq ngu maq shot maimak.

Hawa Naga Bible 2001

¹¹ Yehowa muex nuimshiq rueq shomc kuq shuinx ruiy vwungx vngoz htenc nuex wisiz tvlomx mvy muq; Yehowa muex phuiuz vsvy shomc kuy juing maq muinz wisiz, rvmuq ngoz ruiux nyaq ngurx kuex tvlomx mvy muq.

LEWI 2:11 Referencias Cruzadas

DUNGWVNC 23:18

“Ümniiraq Ngi ma nyamse honglu takuq tlaü na winsii ka pi maq shoje wa honglu na kewan raamak. Ara poi atsam akhing na nyamse honglu na ataakuq kiiwa ngampü ka anap ranap na saüli thü raamak.

DUNGWVNC 29:25

Kra laütiishe kriithun ka tsangshiq jaq wiishe ümniiraq jaülaq. Laüta berong-wacha na chaqtlii-honglu kuqtaq kriithaq na phong laüta Ngi ma phaqsea-honglu na kuqlaq. Ara honglu khiimtsang ka Ngi ma tsan tiiheali miraq.

DUNGWVNC 34:25

“Namshiq raq Ngi ma nyamse honglu takuqtlan akhing na, pi maq asho winsii ka Ngi ma honglu na kewan maimak. Tiichhiiwan Poi na ataaphaq han ngam ka anap ranap na tiisaüli naq thü rongkiq.

TAKSU LAK 24:13

Ise lei, ngiq ngu ka nyang laq. Ümkhum tiihea ma. Atu wa lam raüta, nyang ka sumhea.

TAKSU LAK 25:16

Ngiq ngu ka thittlaiphok naq nyangkiq, pahea nyang haüla aphai rai mirhaü.

TAKSU LAK 25:27

Ngiq ngu pahea nyang ka abi, krai mren thittlai phok, maiq raq shomra rit rea kiimin hongmak.

LEWI 1:13

Kriiwe raq among wa apuk aji thun nai awühokpe wiinai thun kra kham maq he ratlo. Kiimaq ramwe raq honglu ngam thun ka Tatiwe ma mikuq. Raüta ngam tlotli ka berong-wacha na michaq. Ara phaqsea honglu khiimtsang ka Tatiwe ma tsan tiiheali.

LEWI 6:10

Raütiishe ramwe raq, adü na müsaisai raihi-nairai khea samtong jong kra nai müsaisai raihi-nairai khea patulong kra sam raüta, berong-wacha tapkhu na tiiphongtlaq ngampü tsai raq ada ala wabun tiiphongtlaq kra tsoq baiq chang. Raüta kriithun ka berong-wacha tho kiijaq riichom phong chang.

Matthew 16:6

Jesuq raq, “Phorisinok nai Sadusinok pithob asi jo. Namshiq ka hon kamshat maq sirong laq,” nguta tsangshiq ma tsii chongkuqto.

Mark 8:15

Jesuq raq tsangshiq ma, “Namshiq ka Phorisinok nai Herod pithob kiima hon kamshat maq sirong liijo,” nguta tsii chongkuqto.

Luke 12:1

Mungmaiqse ka ahing amun adam na maiq thaq niili maiq riiphongrai wanto. Kra akhing na Jesuq raq ajaqshisetiim ma tsii chongke akha chongkuqto, “Phorisinok mongnam tsantsii rüm tlaq kra raq, maiqse tsantsii ka ahea rümti kiimin pi maq asho ikha, abi lam na tiinyam sho wan tlo. Kra tsangshiq pi thop raq namshiq hon atsii ka nyam mak chang miitu, namshiq ka maiqmii honkamshat maq si rong laq.

Luke 21:34

“Namshiq ka honkam shat maq si rong laq! Namshiq ka che nyang dungsea peosea na nai mungkang han-ngam miitu chapasea niili ka, naqmo chü rongkiq. Kra Ranaiq raq namshiq ka

Acts 14:22

Tsangshiq raq phungmaiqsetiim ma tsangshiq kamasham rang ka samhea apha maq tiicham wan miitu bom she chongkuq wanto. Kiimaq Jesuq ma kamwan tsantsii ka pharangrang maq rüm ronglaq nguta tsaido jido bom akha tsii chongkuqto. “Nashiq ka chamchao litkot walü pahea lea wan laitiitiq Shiikeawe mungtan na saü wan chang,” nguta trahokuqto.

Galatians 5:9

Maiq bom tiihap hong akha asi jo. “Tsam wankhüshi kra sho miika, pi ka dashi se kli mihong rai,” nguta chong tlo.

1 Peter 4:2

Riita ara chongtiikai arkha maq, ümchaü sanha, namrilung ka mangjong hiq na ümchu ranaiq wa atra misi thü han, Shiikeawe tiima tsantsii khuthaq na seng lantli she sirong laq. Ngarai han-ngam tiima khu niika naq si rongkiq she.