LEWI 2:9 - ASII LAKDAP Bible (BSI)

⁹ Ramwe raq kriiwa phanshi se ngamrea ikha lam raüta, tlotli Tatiwe ma akuq ikha mikuq. Raüta apaiq raq kra berong-wacha na wa na michaq. Ara phaqsea-honglu khiimtsang ka Tatiwe ma tsan tiiheali.

Hawa Naga Bible 2001

⁹ Shomc waz rueq kvruex wanx lotlaz kuex Yehowa muex shomc kuy laung nuex raungluingx lvmz vtueq, shomrawx htauk nuex jauk ruiux shomc kuy rax. Vkhoc phuiuz vsvy maq shomc kuq shix homc tumc kuex Yehowa rueq raungc raq yaq.

LEWI 2:9 Referencias Cruzadas

DUNGWVNC 29:18

Laütiishe sku pongse ngam thun tlotli ka berong-wacha kiijaq phaqsea honglu ke la na wa maq chaqbaiqlaq. Ara honglu khiimtsang ka Ngi ma tsan tiiheali miraq.

ISAIA 53:10

Tatiwe raq ngutlo, “Kriika ngi raq athapthi wanha, apaiq ka chamchao chang nguta; apaiq tsaitaq kriika ngarai diike wan miitu. Krai mren, apaiq raq apaiq lai ala phan kra michhii wan; apaiq rilung ka luhea misi wan, kiimaq apaiq lümaq ijaqsham ka mitiiku wan.

LEWI 1:9

Kriiwe raq among wa apukji thun nai ahok thun kra kham maq heraatlo. Raüta kiijaq jaqshamti ramwe raq kra honglu ngam thun kra berong-wacha na wiita michaq baiq. Ara phaqsea-honglu khiimtsang ka Tatiwe ma tsan tiiheali.

LEWI 2:16

Raütiishe ramwe raq kra phaqsea honglu ka tel asi ba kra lam raüta ngamrea ikha wa na michaq kiimaq homseng ka tlotli Tatiwe ma phaqsea-honglu na mikuq.

LEWI 2:2

Raüta Aron phan ramwe jaq na kewa chang. Kiijaq jaqshamti ramwe raq kiiwa jaqphi shi wongwin kra milam kiimaq olip tai kra kiimaq homseng thun ka tlotli milam. Kra raütiishe berong-wacha na Tatiwe ma tlotli akuq la na ngamrea ikha wa na chaq raüta mikuq. Ara phaqsea-honglu khiimtsang ka Tatiwe ma tsan tiiheali.

LEWI 2:8

Laüta kra Tatiwe ma honglu na lam wan laq. Laüta ramwe jaq na kuq laq. Apaiq riishetiq kra berong-wacha na milam wan.

LEWI 24:7

Laüta homseng ka alentek kiijaq phanshi shi phonglaq. Arka phaqsea-honglu Tatiwe ma akuq winsii kra la na kuqlaq.

LEWI 4:31

Kra raütiishe apaiq raq ngampü thun ka wiita milambaiq. Arka rintii-honglu na ataakuq ngam maa thun wa jamkho lambaiqtlaq ikha milambaiq. Raüta apaiq raq ngampü thun ka berong-wacha na michaq. Krai mren ara khiimtsang ka Tatiwe ma tsan tiiheali miraq. Akha ramwe raq kriiwe ngarai miitu honglu ka mitaa kuq. Kiimaq apaiq ngarai ka midiikuq.

LEWI 5:12

Apaiq raq kra ramwe ma lamke wan chang. Ramwe riishe ngamrea ikha kiiwa ajaq na jaqkhon shi kra mihin. Raüta Tatiwe ma wiita akuq ikha mikuq. Raüta apaiq raq kra berong-wacha na phaqsea-honglu akuq ikha wa na michaq. Arka ngarai shiikhoi miitu akuq honglu.

LEWI 6:15

Kra raütiishe apaiq raq bunwong wongwin kiiwa jaqkhon shi ajaq na mitso. Kiimaq tel kri milam. Raüta kriithaq na homseng honglu kriishe mithii. Raütiishe apaiq raq Tatiwe ma berong-wacha na tlotli akuq rii na ngamrea ikha mikuq. Ara khiimtsang ka Tatiwe ma tsan tiiheali miraq.

JEKERIA 13:7

Tati Ningkun Ajong Pinthumwe raq ngutlo, “O jasai lei, tiidolaq, Laüta isku rümtiwe ka riithit se laq! Apaiq ka tsatbaiq laq, skukong ka mipinholaq. Ngi raq isenginok mikhat ha.

JEKERIA 13:9

Kiimaq ngi raq mantsam wa manshi tiichong tlaq kra, wa mong maq mitleaha, lata kampho ikha wa na michenha. Chaq chentlaq ikha tsangshiq ka michenha. Kiijiishe tsangshiq raq, ijaq wa achu mijaü. Kiimaq ngi riimin mitreha, Ngi raq, ‘Tsangshiq ka isengi,’ nguta minguha, Kiimaq tsangshiq raq mingu, Tatiwe ka nashiq Shiikeawe.”

WEAWEA 5:26

Kiijiishe apaiq raq kra wong win kiiwa ajaq na phanshi se ngamrea honglu ka milam. Raüta ngamrea akuq honglu ka berong-wacha niishe michaq. Kra lot jaishe apaiq raq krii-nyung ma tumkham kriishe mitii-nyang.

Romans 12:1

Riita, ija, ümchaü sanha, phunainotiim lei, Shiikeawe raq nashiq ma atinkhan jong tiikhup tiiwong maq mangchan tlaq arkha maq, ngi raq namshiq ma tsii chongkuq tiipha ara tai ronglaq: Namshiq raq maiqmii khum kriika, Shiikeawe ma atra maq honglu na wu tiida tlaq ikha kuq ronglaq. Lanta, apaiq rii she pong na, athiiq ikha siwan lanta, apaiq jaq kra sham wan lili ronglaq. Ahata riikhaqli maq Shiikeawe shomnoq rilung. Kiimaq apaiq rai tsanwa we ma jawan raüta siwan rilung.

Romans 15:16

Shiikeawe raq ngi ka Khristo Jesuq jaqshi se ma shongto. Arka ngi raq, namshiq Pongnok phan maiqse ma, Khristo Jesuq tsütsa ahea kra chongke wan miitu shongto. Ngi ka Shiikeawe raq akuq Tsütsa Ahea ara chongketi ramwe. Ara ramwe jaqsham tiikang arka, Pongnok phan maiqse wa maiq ümchuwa sitlaq kra thun ka, Shiikeawe ma akuq honglu ikha misi laq nguta ngo maq sham tiikang. Raüta, Asii Wenyi raq tsangshiq ka siirairai she ngamrea ikhiishe, Shiikeawe ma mikuq wan.

Ephesians 5:2

Khristo raq namshiq ka kai lungwii tlo. Raüta arilung ka nashiq miitu, honglu na kuq raüta tsaito. Apaiq tsaitaq ka, Shiikeawe ma honglu ngamrea ashu ikha, ahomwiq Shiikeawe tsan tiiheali riito. Krai mren, ümchaü sanha, namrilung ka lungwii tsii ma lam tiishea lantli she si ronglaq.

Philippians 2:17

Jursap, namshiq raq Shiikeawe ma kamtsantsii rüm tlan kha maq, honglu kuq tlan kiikha, ngi riimin Shiikeawe ma, i rilung ara honglu na akuq nyamse takuq tlaq ikha, tabaiq wan chang wa saü jiiq riila. Riita, kra ngohea dea li hongtha wan raü jiimin, ngi kla chochikhiq li. Kiimaq namshiq min, ngi rai adam chochi chang li.

Philippians 4:18

Lo ta, arjaq arshe namshiq kongphiq bomtre tiijang kuq tiikang ara. Namshiq raq ngi ma phanrap ümchu wa tiiho wan lan, irka wiita lap kang she. Arka ngi ma, ahong thaq niimin achan ana, asho awo she! Namshiq raq Epaphroditas jaq na, tiiho wan lan kongphiq irka, ahong thaq niimin achan ana she ngo li kha. Namshiq raq kongphiq ümchu wa, kuq lan thun kriika, Shiikeawe ma ahomwiq phan honglu ngamrea akuq ikha. Ara honglu kuq lan arka, Shiikeawe man na athuk atsom, kiimaq apaiq tiichochi chang honglu.