JOSHUA 9:13 - ASII LAKDAP Bible (BSI)

¹³ Kiimaq ara che thiiho chang ngamkhü tsabum thun armin, naishiq riika tsabum anye na athiiho hai. Shatmaq liimaüta! Arthun armin atiichai kai wishe. Lamluhea kha maq, wanhiq khumtsi raq naishiq khu akhea nai khorom thun armin wiita puchü riiqshin she.”

Hawa Naga Bible 2001

¹³ Svpiq tix htawc tiq nuex tsongbumx htenc kuex vnyalx rvtueq, yuq muinz lawc shuiuz! Lotlaz shex kvjuirc kaz wuez vtuex. Lvmx luz maq vkaz ningkhvnc nuex khoz vkhvy nuiyc yapaungc htenc muinz vkez shex,” ngoz tueq jungphvnx kuq tueq.

JOSHUA 9:13 Referencias Cruzadas

Matthew 9:17

Kiimahali maiq jurmin che anye mija shaq li kriika ngamkhü chü tsabum mong niika thü mak. Kiikha thü raü jiika, ngamkhü chü tsabum kriika awürai raüta, aphok khoti mirki. Raüta tsabum kiimin mitiikho baiq. Raüta che thun kiimin wiita mitraüki. Shatmaq che anye ka tsabum min anye mong na thü chang. Krai mren, tsabum kiimin then mak miraq kiimaq che kiimin wiihiiki mak ahea miraq.”

Mark 2:22

Kiimahali, jurmin spiqtai anye ka, ngamkhü chü tsabum niika thiimak. Kiikha thii raüka, spiqtai anye kra awürai raüta, ngamkhü chü tsabum kriika, atiichai mirki. Raüta, spiqtai ka wiita awii li she mirki. Kriikha maq, spiqtai nye kriika, ngamkhü nye tsabum na thii raüta thü ra tlo.”

Luke 5:37

Kiimaq hali, jurmin che nye ka, ngamkhü chü tsabum niika thü mak. Kiikha thü raüla, che nye kra ka awürai raüta, tsabum kra mitiithen baiq. Kiimaq che kiimin awii li mirki.

TRI CHONGKE 29:5

Tatiwe raq namshiq ka kumtsaiphii bintang jüngi mung maq shun shea wanto. Shatmaq namshiq dü na asamhan khu akhea thun nai hok na patlan sandal thun ka chüki mak dea.

JOSHUA 9:12

Naishiq winsii thop thun ara liimaüta. Ümniirai riihumkai naishiq jam maq wanhiq khum tiido phaho akhing niika, arthun arka, ake ketsatsa riito. Shatmaq liimaüta! Ümchaü ka ara winsii thop thun armin, shinriiqriiq she, atsaü kaikun she.

JOSHUA 9:14

Kra chongtaq krai mren, Israilnok riimin tsangshiq jaq wa shiipan pin la na phaq asea akuq wan ka wiijam taoto. Shatmaq kra miitu tsangshiq raq Tatiwe rai ka riiwaimak dea.

JOSHUA 9:4

Raüta tsangshiq raq, apaiq ka alao chang nguta tri ka shatto. Krai mren, tsangshiq ka kiho raüta, phaq nai sea ka tiijeto. Raüta tsangshiq kumtoq kong raikhü na achüshe puchü riiqshin thoila na, phaq nai sea kra thopto. Kiimaq che thii chang ngamkhü tsabum thun kiimin, tsabum chü, ngamkhü kra atiidiim chhang araq, thun kiijaq thiito.

JOSHUA 9:5

Kiimaq tsangshiq maiqmii dü niika, wunthaü riinaü samtong achü ariim thun kra samraqraq, kiimaq tsangshiq hokpa ngamkhü khorom thun kiimin achü ariim, achhang araq kra pa raüta wato. Kiimaq tsangshiq raq winsii thop ahowan kiimin ashin kaiwi she, atsaü she howanto.