JOSHUA 7:19 - ASII LAKDAP Bible (BSI)

¹⁹ Kiijiishe, Joshua raq Achan ma, “Ise Achan lei, ümchaü min chonglaq, Tatiwe, Israilnok Shiikeawe man na, tengteng chonglaq. Kiimaq üm mra ka tiidii laq. Ümchaü ngi ma chonglaq, ümniiraq jamlai wa riilaü? Ümniiraq ngi ma naq paükiq,” nguta waito.

Hawa Naga Bible 2001

¹⁹ Yoshua rueq piq muex ngoc, “Isaz lex, Yehowa Israel Tishox mvnz nuex rvkhauk laz jungx vtueq kvjungc kuiuz. Mnoz rueq mkhoc lac shuimx gay toq lvmz kuex nauk duimx puiuc kaz maq majuiuc ngaz muex jungx kuq koq,” ngoz tueq wiz tueq.

JOSHUA 7:19 Referencias Cruzadas

2 HOKHVMX 20:15

“Tsangshiq raq hokham jam na jamlai phan hup nai sam wa chhita?” “Tsangshiq raq phanrap phanrii kunli chhito. Tsamtiip thun wa ngi raq tsangshiq ma tiichhi kuq mang dea ngutiika jammin ahü.”

2 KAÜWA WERAÜ 30:22

Hejekia raq Lewinok ka tsangshiq raq mungmaiqse ka Tatiwe shomnoq na athuk atsomwiq maq shun shea wan kha na kai shomra siqto. Tsangshiq raq tsangtitiim Tatiwe Shiikeawe ma tiitsamkam honglu ka ramiishi na saüli kuqto.

Tvtsvmc 32:5

Kiijiishe ngi raq ingarai ka ümman na tiidii wan kang; ngi raq ishut iphit thun dam mang riikang. Ngi raq kriithun ka ümman na mitiidii wanha nguta thapthi wan kang, kiimaq ümniiraq ingarai thun wiita diibaiq laü.

Tvtsvmc 51:3

Ngi ümchuwa shut kang thun kra asapha; ngi raq ingarai thun ka wranaiqshe tsan na satshsat tiima tiikang.

TAKSU LAK 28:13

Jurwa maiqmii ngarai, apaü raüta thütlaq, kriiti ka arilung na, achu shiiman ahü miraq. Shatmaq jurwa maiqmii mra ka, atiidii raüta miimthü tlaq, kriiti ka Shiikeawe raq, mangchan mitiichhikuq.

ISAIA 13:12

Kriiwa aso tiichongtlaqti ka chaq nam miimin ahü thümhea she miraq.

JEREMIA 13:16

Tatiwe nam Shiikeawe ka shreng ronglaq, apaiq raq ra mitiinyaq wan shaq na, kiimaq namshiq ka pum thun na mitiithap rai shaq na; namshiq rang rantlan rawiili ka ranyaq tangtang mitiijabaiq shaq na.

DANIEL 9:4

Ngi raq Tatiwe i Shiikeawe jaq wa achu jaükang kiimaq iphan imaq raq ngarai thun tang wantaq kra diikuq laq nguta achu jaü kang. Ngi raq ngukang, “Tati Shiikeawe lei, ümniika ajong pinthum. Krai mren naishiq raq ümniika shreng tiikai. Ümniika üm tongshong tri tsapkapkap maq rümti. Kiimaq ümnaq lungwii raüta ümwokhong na siti, kiimaq ümniiraq akuq haü aming wokhong na siwanti ka, thaqmaü phan maq lungwii tsii tiichhiketi.

Luke 17:18

Riita, Shiikeawe ma kechutum wanti we ka ara pongmungti we arli sha?”

John 9:24

Welabi raq thongshi ri hali, anyung pukdong makchuk wa aheaki we kra tiiheaki nongto. Raüta tsangshiq raq apaiq ma waito, “Shiikeawe man na bom ka tengteng chong laq! Naishiq raq asap hai, ümmak tiipiiq keti we ka ngarai maiq se.”

Romans 10:10

Ara jamkhano akha chong tiikai ngukla, nashiq raq tsan mong na, Shiikeawe ma kamtsantsii thü tiikai kra lümaq, nashiq ka Shiikeawe raq kechu maiqse she nguta, apaiq rai wehea miishe tiija wantlo. Raüta, ajam jong niishe tiidii wan tlo. Kiimaq, nashiq raq na nübok maq, Jesuq kiidea Tatiwe nguta hakhi kuq tiikai kra lümaq, nashiq ka tiichhii kuq tlo.

2 Timothy 2:25

Apaiq riika, apaiq ngengsengti ma tsii chongkuq tlaq akhing niimin, tsan nin woknin maq chongke lili chang. Jamkhano ngukla, jursap, apaiq raq akha bomnin se maq trap ru chongkuq tlaq kra lümaq, lamjiq na kaihotibi ka, Shiikeawe raq tsangshiq tsantsii ka klai wan miitu, akhing ahea moke wan miraq. Raüta, tsangshiq raq tengman tlaq bomtsi ka mosap wan miraq.

Titus 2:2

Maiqlare ma tsii chongkuq ruq riilaq, tsangshiq ka maiqla nguta kamto maq misi laq. Tsangshiq ka phanrap na taksu maq sichang, kiimaq phanrap ka anin raüta sichang. Tsangshiq kamtsantsii ka awongsii mirüm laq. Kiimaq nanok ma lungwiitsii rüm tlaq kriika, khangriri hea maq mirüm laq. Kiimaq phanrap na, nin wan ruq maq misi laq.

James 1:20

Maiqbi ngikhiti riika, Shiikeawe raq apaiq miitu asii rilung lamphan tiichhikuq tlaq kra, phan wan lot mak miraq.

JOSHUA 7:20

Kiijiishe, Achan raq treto, “Tengto, shutkang dea. Ngi raq Tatiwe, Israilnok Shiikeawe man na ngarai tangkang. Ngi raq akha shutkang.

Revelation 16:9

Tsangshiq ka wiita khiim baiqto. Kiimaq wakhiim tsi ma tsangshiq raq arthun thawa arang rümti we, Shiikeawe ma manson kiqsü, riikhiq maq phaqto. Shatmaq, tsangshiq ngarai lamphan wiika tsan klai mak dea riito. Kiimaq Shiikeawe jonglu ka shomra mak dea.

1 SAMUEL 14:43

Kiijiishe Saul raq Jonathan ma waito, “Riita ümniiraq jamlai phan no shut laü?” Kiijiishe Jonathan raq treto, “Ijaq na nyeakii shamtiikang kriimaq, ngiqngu lam lata phanshise siq kang. Riita, ngi ka arjaq ahata —atsai ma khekham sitiikang.”

1 SAMUEL 6:5

Namshiq raq nammung tiithen baiq wantaq tsamtsi tha sumla nai jukpu tha sumla kra tiiq ratlo. Lanta namshiq raq Israilnok Shiikeawe ka shreng ratlo. Jursap akha klo han jiika, apaiq raq namshiq, namphra kong, kiimaq nammung ma apaiq mo tiiho mak she lo riijiiqla.