JOSHUA 7:19 - Hawa Naga Bible 2001

¹⁹ Yoshua rueq piq muex ngoc, “Isaz lex, Yehowa Israel Tishox mvnz nuex rvkhauk laz jungx vtueq kvjungc kuiuz. Mnoz rueq mkhoc lac shuimx gay toq lvmz kuex nauk duimx puiuc kaz maq majuiuc ngaz muex jungx kuq koq,” ngoz tueq wiz tueq.

ASII LAKDAP Bible (BSI)

¹⁹ Kiijiishe, Joshua raq Achan ma, “Ise Achan lei, ümchaü min chonglaq, Tatiwe, Israilnok Shiikeawe man na, tengteng chonglaq. Kiimaq üm mra ka tiidii laq. Ümchaü ngi ma chonglaq, ümniiraq jamlai wa riilaü? Ümniiraq ngi ma naq paükiq,” nguta waito.

JOSHUA 7:19 Referencias Cruzadas

2 HOKHVMX 20:15

“Tsuinghez rueq hokhvmx hoc vwawc yvmx yvmx lac khiz shec tvnx?” “Tsuinghez rueq taungx vwawx httax yaq lotlaz khiz shec tueq. Tsuinghez muex ngaz rueq tvkhic mauk hup vsvmx tvy juing khok wawc yvmx muinz vguez shex,” ngoz tueq jungx tueq.

2 KAÜWA WERAÜ 30:22

Hezekia rueq muinz Yehowa muex nawk palx kuy lvmz nuex vthenc vtuiuz jix Lewi miqsaz htenc muex tvtsvmc kvmc tueq. Tsuingshiq rueq raungx mvshix tup Yehowa tsuingshiq jix vwaz tamx Tishox muex tvtsvmc kvmc vtueq shomc nawk kuy juing kuex shomc kuq lot yix,

Tvtsvmc 32:5

Kvkaq ngvy mvrax htenc kuex mnoz muex kvjungc vphaungx; ngaz rueq shuimx wvnc tauk vyaq htenc kuex duimx puiuc shaungx rvmuq. Kvruex htenc kuex mnoz muex kvjungc tvkoc ngvy thuinz maq htvp htaz tauk, ngvy mvrax lotlaz kuex mnoz rueq dawc kuq gay phux.

Tvtsvmc 51:3

Ngaz yaq wvnc tauk htenc kuex ngaz rueq tvtsuingc yaq; ngvy mvrax htenc kuex ngaz rueq mkaq muinz rvwvl hvt.

TAKSU LAK 28:13

Mmvrax htenc kuex puingc pvy gay muex mnoz hunglaungx ruiux yuq, mrullungx nuex mkaq muinz lotlaungc tuiux rvmuq. Mvrax kuex kvjungc vtueq tuip gay ruiux yuq Tishox rueq mnoz muex menjenc lungwawc thuinz tvkhic kv-phux.

ISAIA 13:12

Kvjungx yaq jix htenc kuex kuimshawx htauk nuex muinz htemc hvlc rvtuex.

JEREMIA 13:16

Piq rueq raungx max tv-nyauk gay nuex, kanx htenc htauk nuex mnoz max kvhtuy shauk; piq rueq nyauk hvlc mungx nuex max ruip gay vwuic kuex mnoz rueq tvluimc thvt yaq nuex, Yehowa m-Tishox muex tvtsanc nganc shuiuz.

DANIEL 9:4

Ngaz rueq Yehowa ngvy Tishox kox wawc vjux thoz vtueq ngvy miqsaz mvrax htenc kuex kvjungx tauk. Ngaz rueq jungx tauk, “Taungjix Tishox lex, mnoz kuex yungc loayc hvlc ningkhvnc nuex nuiyshiq rueq mnoz muex tvtsanc nganc vphix. Mnoz kuex mbomkhvrc nuex tvmtuing httax vtuiux ningkhvnc nuex mnoz muex lungwawc jix muex mlungwawc tvkhic vtueq mnoz rueq nvr shuiux rulc rv-ngvlc shuimx vshuiux.

Luke 17:18

Tishox ngauz vngax kuex tvtsvmc kvmc tvkoc Pungnuk phvnx miqsaz washiz maq lvy vtueq, vyek kay jix washiz muinz vguez haz?” ngoz tueq wiz tueq.

John 9:24

Tsuingshiq rueq kungkhux nuex muik mawz yaungc jix waz kuex lauk nueyc ngoc yaungc gvl vtueq, “Tishox khaungkac nuex rvkhauk laz jungx shuiuz, mnoz muex muik tvhvlc kuy jix waz kuex mvrax vhttax waz rvtueq lvmz nuiyshiq rueq tuiuz vshix,” ngoz tueq.

Romans 10:10

Yvmx khoc lac ngoz ruiux lec naungshiq kvmluimx htauk maq Tishox rulc rvkhauk laz rvhumc wvnc vtueq, nuix maq kvjungc wvnc ningkhvnc nuex palc daungc wvnc rvhumc tiq.

2 Timothy 2:25

Miqmac rulc rungx raz muq shuimc kay jix htenc muex thuinnyenz maq tvhonc tvtharc thenc jix yaungc rax tuex. Tsuingshiq kuex thuinz kvlayc wvnc vtueq tsuingrux lvmx tuiuz wvnc tvkoc Tishox rueq tsuingshiq muex kuq ruiux kuq shuex.

Titus 2:2

Rullungx nyuiuz waz miqwaz rulx kuex joal nuingx muq maq honc lvmz hvt httaz tvkoc, kenrix rix httaz tvkoc, khiz tuiuz thenc tvkoc nuiyc miqmac shauk pumz htuing lot tvkoc muinz, rvkhauk laz kvmluimx thuinz httax vtueq, lungwawc ruiux vnanx thuinz htenc mvrc wvnc tvkoc muinz tvluing kuq shuiuz.

James 1:20

Miqsaz thuinkhvy rueq Tishox raungc raq yaq tsuingrux lvmx kuex naungshiq nuex tvyaungc kuq yaq rvmuq.

JOSHUA 7:20

Kvkaq Akhan rueq, “Ngaz kuex Yehowa Israel Tishox muex yaq gay tauk lvmz kvjungc vtaungx.

Revelation 16:9

Miq htenc kuex kalc hvlc kawc yaq kvraq khamc gay rvhumc vtueq, thuimkux guimz lawc jix waz Tishox muingc kuex httonx tvmx ngoz ngax wuez yaq. Yuq muinz tsuingshiq kuex thuinz kvlayc wuez muq, vpiq yungx luz yaq kvruex muinz tvtsvmc muq.

1 SAMUEL 14:43

Kvkaq Sholu rueq Yonathan muex ngoc, “Mnoz rueq yvmx lac shuimx tonx?” ngoz tueq wiz tueq. Yonathan rueq, “Ngaz rueq shuimx vshaungx paq maq shuiuq vtueq nyaq ngurx raungluingx saz saq gay tauk. Ngaz vyuq vhttax, ngaz vthueyc tvkoc tvyoalc yoalx httax vtaungx,” ngoz tueq tvralc tueq.

1 SAMUEL 6:5

Nuimshiq rueq vtsuimx thuey poz nuiyc nuimshiq mungtan kuex tvbac gay tueq yuiuq phuiuq yac kuex tvhungx shuinz, Israel Tishox muex tvtsanc nganc kuq shuinz. Kvkaq nuimshiq kvmuinz, nuimshiq tishox htenc nuiyc nuimshiq mungtan htenc wawc muinz vpiq rueq murx tvgurc yaq kuex tvthauk gay shuex wuez.